Ditzionàriu in línia
de sa limba e de sa cultura sarda

acaogàre , vrb: acaugai, acaugare, caugai Definizione pèrdere is fortzas, su si calare cédios; su respirare chi faet su cane a buca aperta e a limba in fora candho tenet basca meda o at curtu meda Sinonimi e contrari acalamai, allacanae, allartzanai / buchiai, camulare, scanai Frasi mi seu acaugau in d-una perda: mi ant totus abbandonau 2. sos canes sunt totu acaughendhe, comente ant curtu pessighindhe cuss'animale Traduzioni Francese haleter Inglese to pant Spagnolo perder las fuerzas, jadear Italiano trafelare Tedesco hecheln.

assagadàre , vrb: assagatare, sagatare Definizione èssere a sàgada, torrare àlidu a pelea, a moida Sinonimi e contrari abbatimare, afandhare, assubentai, atanare, irfodhiare, sufratare Frasi est assagatatu a lamentu Etimo srd. Traduzioni Francese haleter Inglese to pant Spagnolo jadear Italiano ansimare Tedesco keuchen.

assubentaméntu , nm Definizione su assubentare, fúria bentosa Sinonimi e contrari assubentu Etimo srd. Traduzioni Francese halètement Inglese pant Spagnolo jadeo Italiano ansaménto Tedesco Atembeschwerde.

assupadúra , nf Definizione su assupai Sinonimi e contrari assúpidu, isalenada Etimo srd. Traduzioni Francese essoufflement Inglese pant Spagnolo jadeo Italiano trafelaménto Tedesco Keuchen.

assupài, assupàre , vrb: supare Definizione portare s'àlidu afannau, èssere assupandho meda, che a candho unu at curtu, o fintzes po maladia; istracare; prànghere a suncutos Sinonimi e contrari afandhare, afauciae, afodhare, allacanae, ammatanai, isalenare, isalidare, sufratare / assungurtai, assunconai, assupedhare Frasi ajaju si ndi fiat andau, lassendi is de domu tristus e assupaus ◊ su piciochedhu assupat unu pagu: est istétia una fatiga a si ndi bènniri a innòi a susu ◊ is pudhas furiant assupendu po sa basca ◊ su cuadhu fut crocau assupandho, morindhosi 2. su tèssere de isciaos est faina, assupat ancas, bratzos e ischina 3. a fúria de prantu, su pipiu, assupandhe, si nch'est dormiu Etimo srd. Traduzioni Francese essouffler, haleter Inglese to pant Spagnolo jadear Italiano trafelare Tedesco keuchen.

isalenàre , vrb: isalinare Definizione arrespirare o torrare àlidu a pelea, impresse, coment'e candho si curret meda o si leat múngia manna; pèrdere s'alenu, cessare de torrare àlidu Sinonimi e contrari assupai, isalidare / mòrrere Frasi currendhe arrivaia isalenendhe ◊ acolla, isalenendhe, torrada a domo piús morta chi no bia! ◊ est assupridu isalenendhe che unu pissighidu ◊ a su piga e fala, fit isalenendhe ◊ so ómine de campagna nàschidu pro isalenare in custos ràscios!…◊ sos canes fint a proa a crebare, allacanendhe a limba a fora pariat chi fint isalenendhe s'últimu alenu 2. chena sacramentos, isalenat che un'anzone ◊ che fit vetzu mannu, at isalinadu e si ch'est mortu Etimo srd. Traduzioni Francese essouffler Inglese to pant Spagnolo jadear Italiano trafelare Tedesco keuchen.

isalidàre , vrb Definizione torrare àlidu a pelea, agiummai èssere chentza àlidu, assupandho Sinonimi e contrari afodogai, anare, assolocare, assubentai, isalenare, isfiadare Frasi odheu, cun totu cussa pigada chi apo fatu so isalidendhe! ◊ so isalidendhe ca apo curtu Etimo srd. Traduzioni Francese essouffler Inglese to pant Spagnolo jadear Italiano trafelare Tedesco keuchen.

scanài , vrb Definizione nau de su cane, candho paret isalidendhe assupandho a limba fora Sinonimi e contrari acaogare Etimo srd. Traduzioni Francese haleter Inglese to pant Spagnolo jadeante Italiano trafelare Tedesco keuchen.

sufratàre , vrb: assufratare* Definizione èssere a súlidu crutzu, torrare àlidu a pelea, de tunconidura a bruncos, a prumones Sinonimi e contrari abbatimare, afandhare, afauciae, allacanae, ammatanai, assupai, irfodhiare Traduzioni Francese haleter Inglese to pant Spagnolo jadear Italiano ansimare Tedesco keuchen.

súlida , nf Definizione súlidu bogau unu pagu a forte, coment'e po dispraxere o pentzamentu, impudu o àteru / bogare o betare súlidas, èssere a súlidas Sinonimi e contrari múschiu, píliu, pisintzu, tzíliu / ispíscidu, sútidu Frasi su pisedhu est a súlidas, comente fit pranghindhe ◊ debberone súlida, at torradu, s'àinu, comente l'amus irbarriadu! ◊ oe no est in dare: no li essit súlida! ◊ za ndhe tenes de ufas e afas: ite b'at, chi ses a súlidas?! Etimo srd. Traduzioni Francese halètement, souffle, soupir Inglese pant, breath, sigh Spagnolo jadeo, aliento, suspiro Italiano ànsimo, fiato, sospiro Tedesco Atembeschwerde, Atem, Seufzer.

surbilàre , vrb: survilare Definizione nàrrere, foedhare prus che àteru a murrúngiu, coment'e a surbadas, surbare che píbera, istare a ufas e afas, a súlidos po tzacu, tratare de malu crabbu Sinonimi e contrari suai, sulvare, surbuschiare Frasi si bi fit istau Deus, fortzis tzertas cosas no fint sutzessas! - aiat surbilau Bustianu Etimo srd. Traduzioni Francese soupirer d'ennui Inglese to pant Spagnolo bufar Italiano sbuffare Tedesco schnauben.