Legenda Abbreviazioni | Legenda Simboli

arénsia, aréntzia , nf: eréntzia*, rénsia Definizione totu is parentes, is mannos, e fintzes sa cosa, s'interessu chi tocat a is minores de parte de is mannos; si podet nàrrere fintzes de su patrimóniu genéticu o intzimia ereditària de s’organísimu, de totugantu su chi a sa carena ndhe dhi dipendhet de s'eréntzia Sinonimi e contrari aredeu, arrampile, arrépula, famíglia Frasi sas perdas de samunae in s'arriu fuint azummai lísias: chissai cantas aréntzias de féminas dhue ant frigau pannos! Traduzioni Francese lignée, génération Inglese progeny Spagnolo dinastía, herencia, hereditabilidad Italiano dinastia, eredità, ereditarietà Tedesco Dynastie, Erbfolge, Erblichkeit.

prutzénia , nf: pruxénia, pruzénia, pruzínia, pulzénia, purzénie Definizione sa gente coment'e genia, po comente est intrada apare in parentella e dipendhet de is antepassaos, nau fintzes po cosa o gente etotu de dispretziare po su malu fàere o su chi tenet de malu Sinonimi e contrari aredeu, arénsia, arràcia, arrampile, arrépula, eréscia, frugénia, iscrípia, istripa, istripile Frasi sa pulzénia umana ◊ no creia chi arriviat a tantu custa pulzénia maligna! 2. tue, o Luna, no ndh'ischis de custas prutzénias e mandhas sa luche pro totu e no miras a chie ◊ sa càusa de totu custu la tenet sa pruzénia romana Traduzioni Francese descendants Inglese progeny Spagnolo linaje, progenie Italiano progènie Tedesco Geschlecht, Gesindel.

rébula , nf: arrémpula, rémpula, répula Definizione foedhandho de personas, de animales e cosas, si narat prus che àteru a disprétziu po aredeu, arratza / ómine, fiadu, de répula bona, mala; segàresi de una r. = èssere de sos…, de s'arereu de… Sinonimi e contrari aredeu, arénsia, arràcia, arrampile, eréscia, iscrípia, istripa, istripile, repulia / ttrs. répura Frasi sa lànsana est de sa répula de s'armurata ◊ no ti ndhe ammentas fizu de chie ses, de cale répula? (P.Giudice Marras)◊ est un'animaledhu de una rébula diferente ◊ arródiant in sas aeras abbilastros de onzi répula ◊ cussu faghet gai ca lu tenet de répula ◊ su sambenadu distinghet sas répulas ◊ isse pesat una trallallera ca est de répula campidanesa 2. tantu za si segant de sa menzus répula, cussos!… Traduzioni Francese race Inglese progeny Spagnolo casta Italiano genìa Tedesco Sippe, Stamm.

«« Cerca di nuovo