Ditzionàriu in línia
de sa limba e de sa cultura sarda

abàntzu , nm: avantzu, avassu Definizione cosa in prus, su chi abarrat sobradu, coígiu chi no si papat, o chi no s'ispàciat, de ccn. cosa Sinonimi e contrari acógiu, arràsigu 1, avantzúmine, códiu, coígiu, coilla, sobra Frasi s'oberaju mazore nachi a s'arrangiare, chi issu ndhe aiat de avassu de pidinos! Etimo itl. avanzo Traduzioni Francese reste, surplus Inglese remnant Spagnolo sobra Italiano avanzo Tedesco Rest.

arretàgliu , nm: arretallu, retàgliu* Definizione orrugu de pannu o drapu segau de sa petza, orrobba de prammu Sinonimi e contrari arrogu, bículu, fiocu, isperriolu, randhàgliu Traduzioni Francese retaille, coupure, chutes Inglese remnant Spagnolo retazo, retal Italiano ritàglio Tedesco Ausschnitt.

frochèdha , nf Definizione chirrione, frocos de lana, is chi no abbarrant impare cun sa parte manna de una lana túndhia; nie a frocos (e fintzes pallasina abbruxada chi bolat, frochedha de chinisu) Sinonimi e contrari fioca Frasi chin frochedhas tesso trama (M.Dore) Traduzioni Francese flocon Inglese wool remnant Spagnolo vedija, lana suelta Italiano pezzame di lana Tedesco Krempelwolle.

iscampudhítu , nm: iscampulitu, iscampullitu Definizione su chi abbarrat de ccn. cosa; fura in s'ispesa, s'arrestu chi unu, a cua, a iscusi, si lassat de su dinare chi dhi ant giau po comporare cosa; fintzes tretu de logu campu in logos de matedu cracu / i. de tempus = àchiu, iscuta, ora de pòdere fàere calecuna cosa Sinonimi e contrari arrestu, resídiu, scampudhu, sobra / iscamparitu Frasi andho a cabidare olia: dae su sodhu de s'iscampullitu ndhe apo a fàghere coritu e imbustu Etimo itl.t scampoletto Traduzioni Francese reste Inglese remnant Spagnolo residuo, desecho Italiano resìduo Tedesco Rest.

iscutúra , nf Definizione cosa chi abbarrat, coment'e coígiu, fintzes s'úrtimu fígiu chi naschit in sa famíglia Sinonimi e contrari iscutinadura, resuzu Etimo srd. Traduzioni Francese reste Inglese remnant Spagnolo sobra Italiano rimanènza Tedesco Rest.

scabarròne , nm: iscaparrone*, scaparroni Definizione orrugu de orrobba chi abbarrat, coígiu, ma fintzes orrugu de terra; fintzes cosa chi si depet, cosa de pagare / abarrai a s. (nau de ccn.) = chentza cojados Sinonimi e contrari zura / dépidu, gépidu Frasi dhi apu nau a mi ndi betiri unu teu, de tripa, e mi ndi portat unu scaparroni! 2. cussu abarrat a scaparroni! Traduzioni Francese coupon Inglese remnant Spagnolo retal Italiano scàmpolo Tedesco Stoffrest.