Ditzionàriu in línia
de sa limba e de sa cultura sarda

abàntzu , nm: avantzu, avassu Definizione cosa in prus, su chi abarrat sobradu, coígiu chi no si papat, o chi no s'ispàciat, de ccn. cosa Sinonimi e contrari acógiu, arràsigu 1, avantzúmine, códiu, coígiu, coilla, sobra Frasi s'oberaju mazore nachi a s'arrangiare, chi issu ndhe aiat de avassu de pidinos! Etimo itl. avanzo Traduzioni Francese reste, surplus Inglese remnant Spagnolo sobra Italiano avanzo Tedesco Rest.

afrantzuchèna , nm: avantzichena, frantzichena Definizione coígios de papare, siat de sa chena o de su pràngiu Sinonimi e contrari arremusulla, arrogalla, cífrinu, coaratzina, fafaruza, fratamuza, pispisa, rastadhone, tzimuca, vèglia Etimo srd. Traduzioni Francese reste, résidu Inglese remains Spagnolo sobras Italiano rimasùgli Tedesco Rest.

arréspia , nf: réspia* Definizione cosighedha de nudha chi abbarrat, coígiu Sinonimi e contrari arremusulla, fanialla, lisca, piciualla, pispisa, resuzu, scoadulla, vèglia Frasi no ndi at lassau arréspia! Traduzioni Francese reste, résidu Inglese residue Spagnolo sobras Italiano rimasùglio Tedesco Rest.

arréstu , nm: restu, urrestu Definizione cosa abbarrada, unu tanti chi abbarrat, coígiu; faendho is divisiones, parte decimale in prus de su cuotziente Sinonimi e contrari resídiu, sobra Frasi in su fundu de sa tassa dhoi at un'arrestu de binu Traduzioni Francese reste Inglese remainder Spagnolo sobras Italiano rèsto Tedesco Rest.

coàle , nm: coule, cuale Definizione su chi abbarrat a úrtimu de su laore, sa parte metzana, su chi si che sèberat de su bonu Sinonimi e contrari alzenina, cerfa, coamaderzu, coana, coilla, culischedhu, genina, ischivozu Etimo srd. Traduzioni Francese reste, résidu Inglese residue Spagnolo sobras Italiano rimasùglio Tedesco Rest.

coaratzína , nf Definizione avantzos, coígios de papare, siat de su pràngiu e siat de sa chena Sinonimi e contrari arremusulla, arrogalla, chirchiza, cífrinu, coilla, fafaruza, fratamuza, frataza, pispisa, romasiza, tzimuca, vèglia Traduzioni Francese restes d'un repas Inglese leftovers Spagnolo sobras Italiano rimasùglio di pasto, avanzo Tedesco Rest.

frantzichèna , nf: afrantzuchena* Definizione avantzos de papare, siat de su pràngiu o siat de sa chena Sinonimi e contrari arremusulla, arrogalla, cífrinu, coilla, fafaruza, fratamuza, pispisa, romasiza, tzimuca, vèglia Traduzioni Francese restes d'un repas Inglese leftovers Spagnolo sobras Italiano rimasùglio di pasto Tedesco Rest.

fratàza , nf Definizione cosa orrugada a cantighedhos piticos Sinonimi e contrari arremusulla, arrogalla, chirchiza, cífrinu, fafaruza, fratamuza, paparida, piciualla, pispisa, pistazia, romasiza, tzimuca, vèglia Etimo ltn. *fractalia Traduzioni Francese plâtras, restes, miettes Inglese flakes of dry plaster, remains Spagnolo cascotes, sobras, migajas Italiano calcinàcci, rimasùgli, briciolame Tedesco Schutt, Rest, Brotkrümchen.

fungulúza , nf: funguruza Sinonimi e contrari fundaina, fundhuluza* Frasi cogliat sas funguluzas de sas famílias pro calchi póveru Traduzioni Francese reste, résidu Inglese remainder Spagnolo sobra Italiano rimasùglio Tedesco Rest.

iscampudhítu , nm: iscampulitu, iscampullitu Definizione su chi abbarrat de ccn. cosa; fura in s'ispesa, s'arrestu chi unu, a cua, a iscusi, si lassat de su dinare chi dhi ant giau po comporare cosa; fintzes tretu de logu campu in logos de matedu cracu / i. de tempus = àchiu, iscuta, ora de pòdere fàere calecuna cosa Sinonimi e contrari arrestu, resídiu, scampudhu, sobra / iscamparitu Frasi andho a cabidare olia: dae su sodhu de s'iscampullitu ndhe apo a fàghere coritu e imbustu Etimo itl.t scampoletto Traduzioni Francese reste Inglese remnant Spagnolo residuo, desecho Italiano resìduo Tedesco Rest.

ischivózu , nm Definizione coa de argiola, s'úrtimu laore chi abbarrat de arregòllere, mescamente brutu e metzanu Sinonimi e contrari coale, coamaderzu, culischedhu Frasi frichinias de tempus, ischivozos anticos apo acatau in custos montricos pacu abbuschios e istropiaos Etimo srd. Traduzioni Francese ventage, criblure Inglese screening, rest Spagnolo residuo Italiano vagliatura, resìduo Tedesco Spreu, Rest.

iscóbiu , nm: iscóviu, scóviu Definizione su iscobiare; css. cosa chi ndhe inditet o siat singiale de un'àtera Sinonimi e contrari irmendhu, indíscia, uspile Frasi iscóbiu nos fatesit de s'ingannu 2. sighendhe a custu puntu inoghe no che restat iscóbiu de ae ◊ de su chi ant fatu bi ant lassadu s'iscóbiu ◊ bi est abbarradu s'iscóbiu de comente bi ant fatu cosa ◊ innantis o apustis custa cosa at a essiri a iscóviu! Etimo srd. Traduzioni Francese empreinte Inglese trace Spagnolo huella, señal Italiano tràccia, rèsto Tedesco Spur, Rest.

iscutúra , nf Definizione cosa chi abbarrat, coment'e coígiu, fintzes s'úrtimu fígiu chi naschit in sa famíglia Sinonimi e contrari iscutinadura, resuzu Etimo srd. Traduzioni Francese reste Inglese remnant Spagnolo sobra Italiano rimanènza Tedesco Rest.

resúzu , nm: rusuzu Definizione cosa avantzada, coígiu chi abbarrat, cosa arrasigada, de fàere a arrasigadura Sinonimi e contrari arremusulla, palfaruza, romasiza / iscutura, revuzu Frasi bi at abbarradu resuzos ◊ de sa pedhitza de contzare si ndhe ràtzigat donzi rusuzu de peta e de seu Etimo srd. Traduzioni Francese résidu, déchet Inglese residue, refuse, surplus Spagnolo sobras, restos Italiano rimasùglio, resìduo, rifiuto Tedesco Rest, Abfall, Ramsch.

romasíza, romasízu, romassíza , nf, nm: romasuza Definizione cosighedha chi abbarrat, cosa avantzada, coígiu Sinonimi e contrari afrantzuchena, arremusulla*, cífrinu, coaratzina, cruscuza, fafaruza, fratamuza, frataza, piciualla, pispisa, resuzu, vèglia Frasi curade, Sardos, sos manizos de tantos, tantos àteros produtos: no bos ndhe istedas cun sos romasizos mentres chi atesu si papant sos frutos! (P.Casu)◊ naraiat peràulas in latinu, romasuzas de istúdios fatos in seminàriu ◊ sos piatos fint brutos, pienos de romasiza Traduzioni Francese reste, résidu Inglese residue Spagnolo sobras, restos Italiano rimasùglio Tedesco Rest.