Legenda Abbreviazioni | Legenda Simboli

arraspetài , vrb: arrespetai, arrispetai, errespetare, respetai* Definizione fàere contu, tènnere arrespetu, istima po gente e cosas in totu su chi de bonu podent àere, faendho a manera de no dhis nòghere, de no dhis fàere male, dannu, ofesa Sinonimi e contrari acatai 1, remirai, serretzai | ctr. menispresiare Frasi bisòngiat a si fai arrispetai! ◊ giustu est chini arrespetat is cumandamentus de Deus ◊ issus no arrespetant is modas ◊ dh'arraspetu poita c'est unu mortu aranti, deghinou!… Traduzioni Francese respecter Inglese to respect Spagnolo respetar Italiano rispettare Tedesco respektieren.

arraspétu , nm: arrespetu, arrispetu, respetu* Definizione manera de pigare sa gente o sa cosa chentza dha ofèndhere, chentza dhi fàere dannu, cun istima, faendhondhe contu / segai s'a. a unu = pigare a unu chentza arrispetu Sinonimi e contrari baritu, regualdu, remiru Frasi arratza de arraspetu po fradi miu!…◊ a sos mannos dhis trato arrespetu ◊ dèu no ti apu mai segau s'arrespetu ◊ a mimi s'arrispetu no mi seghis, no! Traduzioni Francese respect Inglese respect Spagnolo respeto Italiano rispètto, deferènza Tedesco Respekt.

reguàldu , nm: reguardu, resguardu, rigualdu, riguardu Definizione genia de arrespetu po is àteros, po sa salude o àteru Sinonimi e contrari arraspetu / culvenu Modi di dire csn: a r. de… = pro su chi pertocat a…; èssere chene perunu r. = chentza rispetu nudha, pro neune e pro peruna cosa Frasi sos dominadores ant chérfidu reservare riguardu a sa Carta De Logu ◊ a Efisina sos minatores la salutaiant chin riguardu 2. at faedhadu a reguardu de sa matessi chistione Etimo ctl., spn. resguardo Traduzioni Francese respect, égard Inglese respect Spagnolo respeto, miramiento Italiano riguardo Tedesco Achtung.

serretzài , vrb Definizione tènnere reguardu, arrispetu po s'àteru Sinonimi e contrari acatai 1, arraspetai, baritare, remirai Frasi própriu custa est s'arrocaléntzia insoru, poita non serretzat is cosas de cumprendi (I.Lecca) Traduzioni Francese respecter Inglese to respect Spagnolo respetar Italiano aver riguardo, rispettare Tedesco Rücksicht nehmen, respektieren.

«« Cerca di nuovo