Ditzionàriu in línia
de sa limba e de sa cultura sarda

bànca , nf Definizione trastu, genia de mobbília po pònnere a papare, po trebballare Sinonimi e contrari mesa Modi di dire csn: b. de mortos = sa mesa ue ponent su mortu in crésia; istare a b. parada = a mesa posta, sempri papendi Frasi amus a tènnere late e torrare a bídere in banca butirru e casu ◊ sa banca est aparitzada ◊ riet sa banca a sa tiaza noa tota fiores! ◊ in banca no bos manchet pane e binu! Cognomi e Proverbi prb: amigu a banca, frade a bisonzu Terminologia scientifica mbl Traduzioni Francese table Inglese table Spagnolo mesa Italiano tàvolo, tàvola Tedesco Tisch.

carnàcia , nf: crannàcia, crannàssia, garnàcia* Definizione una calidade de àghina bianca e de binu, de is méngius binos Sinonimi e contrari varnàcia Frasi ghetadhi una tassa de crannàcia a bufai! ◊ sa crannàssia de Solarussa fait torrai su mortu a biu (G.Tuveri) Terminologia scientifica bfg Traduzioni Francese grenache Inglese white table wine Spagnolo "vernaccia" Italiano vernàccia Tedesco Vernaccia (bernsteinfarbener Wein).

mèsa , nf Definizione mobbília de diferentes formas (cuadrada, longa, tundha) po pònnere a papare, trebballare, fàere pane, fata prus che àteru a tàulas lisas in paris cun bàtoro peis e fintzes calàsciu; fintzes orroca in paris in mare e in oros de mare / min. mesedha, mesigedha; partes de una m.: is peis, is traessas, su pianu; genias de mesa: de suíghere = banchita, mesa bàscia po cariare sa pasta, fàere su pane (ma a logos est arta po suíghere prantaos); de iscriri = iscrivania; po nai sa missa = sa mesa de su Segnore, s'artare Sinonimi e contrari banca Modi di dire csn: sètzere in m. = acurtzu a sa mesa pro manigare; apariciai sa m. = pònnere totu s'isterzu pro pònnere a manigare; pesaindi sa m. = collíreche totu dae subra de sa mesa; sas mesas de su carru = sos taulones de su letu de su carru; agatai sa m. scuta = andhare a manigare candho che ant collidu totu e no bi at prus nudha Frasi andhant a pràndhere e po fàere bella figura ponent in pitzu de sa mesa is trastos bellos ◊ si un'apena giompet a bavinassa in mesa anzena s'imbutit fin'a s'últimu biraditu (Grolle)◊ isse bículat sempre in mesa anzena ◊ su mortu fut giai in pitzu de sa mesa e is fémminas iant cummenciau s'orrosàriu Terminologia scientifica mbl Etimo ltn. me(n)sa Traduzioni Francese table, planche Inglese table Spagnolo mesa Italiano tàvolo, tàvola Tedesco Tisch.

mesíglia, mesílla, mesíllia , nf: misíglia Definizione genia de mesa pitichedha, ma a peis artos; si narat fintzes de unu mobbiledhu de aposentu de letu, pianu firmau in su muru cun o chentza isprigu (consola) Sinonimi e contrari mesedha, mesichedha, mesita Frasi fit una mesíglia de castanza ◊ apu lassau su sonetu in pitzu de sa mesíllia ◊ candho fimus in pagos manigaimus in sa mesilla ◊ su fogu in sagristia at abbruxau mesíllias e càscias Terminologia scientifica mbl Etimo spn. Traduzioni Francese petite table Inglese small table Spagnolo mesita, mesilla Italiano tavolino Tedesco Tischlein.

sabòca , nf, nm: sabocu, saloca, saloco, saluca, saruca, sauca Definizione sale fine a bisura de tzúcuru, o prus fine puru Sinonimi e contrari salipa Frasi mallai, ferreris, mallai tot'e is centu milla custu mar'e saboca… cantu saboca! (V.Pisanu)◊ a unu chirru dhi at postu pane, una patata ispuligada e chibudha cun saloca ◊ sa saloca la teniat in su corru pro istare in assutu Etimo srd. Traduzioni Francese sel de table Inglese table salt Spagnolo sal fina Italiano sale da tàvola Tedesco Tafelsalz.

salípa , nf Definizione sale móliu fine fine, che tzúcuru, de pònnere in mesa, saloca, po aciúnghere a ispergiadura a su papare Sinonimi e contrari saboca / ttrs. saripa Etimo srd. Traduzioni Francese sel de table Inglese table salt Spagnolo sal fina Italiano sale da tàvola Tedesco Tafelsalz.

tàba , nf: tàbula, tàlua, tàua, tàula, tàura Definizione linna de truncu mannu bogada o segada a pígiu grussu parívile, ma fintzes àteru materiale ladu, coment'e tàula (fintzes mesa) Modi di dire csn: tàula imbacada = allachedhada, colembra; t. de is libbrus = pàzine ue si ponet sa lista de sos capítulos, de sos argumentos de su líbberu cun s'indíssiu de sa pàzine ue comintzant; pamentu fatu a tàulas = tauladu; tàula de su benuju = arrodedha 1; tàula de su cherbedhu = s'ossu de su fronti; pònnere a unu in tàulas de letu = fagher rúere a malàidu, fàghereli male de dèpere istare in letu; conca de tàlua = tontu, chi no cumprendhet o no cheret cumprèndhere; tàlua apitzus, tàlua asuta e petza in mesu… = su tostoine; tàula de ortu = iscra; tàula franca = mànigu e allozu chi si daet in donu o a parte dae e in prus de sa paga Frasi apu fatu sa barca cun tabas de suerxu ◊ eus fatu un'iscannu de taba 2. su ditzu narat: Amigu a tàula e frade a bisonzu! 3. ti ponzo in tàulas de letu, si ti gheto pódhiches! ◊ giamàdemi dutores de profetu a curare sos males chi mi agabbant in tàulas de letu Cognomi e Proverbi smb: Taula Etimo ltn. *taula Traduzioni Francese table, planche Inglese board, table Spagnolo tabla Italiano tàvola Tedesco Brett, Tisch.

talòpo, talòpu , nm: taropu, tolope, tolopo Definizione calidade de àghina bianca de papare, a pibiones matucos e longos, aghedhosa (tzacarradora), bona po pabassa Sinonimi e contrari barofu, gabopu*, palopo, solope Terminologia scientifica frt Traduzioni Francese olivette (raisins oblongs) Inglese pizzutello (italian table grapes) Spagnolo uva teta de vaca Italiano pizzutèllo Tedesco Weintraubenart mit länglichen Beeren.