Legenda Abbreviazioni | Legenda Simboli

alòre , nm Definizione caentu lenu; fragu, arrancu chi essit a is cosas, erbas e àteru / no at alore e ne balore = nau de cosas de papai, chi no tenint sabori e de pagu sustàntzia Sinonimi e contrari alenu, cazentu, tebidori / fracu, nuscu 2. sos ramos sunt sumurtios, sos frores che ant pérdiu sos alores ◊ fint zòvanos prenos de isperas e sos alores de su binu lis aiat fatu irmenticare sas penas fitianas Etimo itl. alore Traduzioni Francese tiédeur Inglese warmth Spagnolo tibieza Italiano tepóre Tedesco Lauheit.

caènte , agt, nm: cagente, caglienti, cajente Definizione nau de una cosa, chi portat una temperadura prus arta de comente est a su normale, nau de su tempus, chi est faendho caentu, a diferéntzia de una temperadura bàscia e pruscatotu a paragone de sa temperadura de su cristianu; temperadura artighina / èssere in cagente = in caentu Sinonimi e contrari caldu, callente, cheghente / caentu, calore | ctr. astroradu, fridu / frios Frasi de cust'abba no faghet a ndhe bufare: est caente che píssiu ◊ zughet sas manos caentes che late 2. sas túrturas rucrant sas costeras chircandhe sos caentes de beranu ◊ unu tempus fimis poveritos e cuntentos, temperaos a fritu e a cajente (Z.Deriu)◊ Maria est cicida in sa forredha, in su caente ◊ asuta de is forredhos dhu'est caente Etimo spn. Traduzioni Francese chaud Inglese warmth Spagnolo caliente Italiano caldo Tedesco warm.

pàta , nf Definizione su calore de sa forredha, ma fintzes sa basca Sinonimi e contrari caentu, patera, tebidori / basca | ctr. frios Modi di dire csn: avb.: a p. a fogu, a p. de fogu = a calor'a fogu; cotu a p. = cotu in su pamentu de su foghile imbudhighinadu; p. a… = afaca a…; su fogu betat p. = mandhat caentu Frasi lezindhe custu contu paret de intèndhere sa pata de su forru coghindhe su pane ◊ no caentao mancu a pata a fogu (P.Bitto)◊ fit in domo sétzidu a pata a fogu ◊ intret segura sa pata de beranu! 2. fimus sétzidos pata a tie a nos contare sos contos Cognomi e Proverbi smb: Pata, Patta Traduzioni Francese chaleur du foyer Inglese home warmth Spagnolo calor del hogar Italiano calóre del focolare Tedesco Wärme der Feuerstelle.

tebidòri , nm: tebiore, tebiori, tebiroi, tepiore Definizione caentedhu brandhu, lenu Sinonimi e contrari alore, tebidesa Frasi sos tebiores de su mese de abrile ◊ intas sos animales godint su tepiore in s'umbra suta de sos àrvores Etimo srd. Traduzioni Francese tiédeur Inglese warmth Spagnolo tibieza Italiano caldùccio, tepóre Tedesco milde Wärme, Lauheit.

«« Cerca di nuovo