Legenda Abbreviazioni | Legenda Simboli

afétu , nm: ofetu Definizione sentidu bonu, de amore, chi si provat po un'àteru / ghetai o fissai, pònnere afetu a unu = istimai a unu, pònnere amore, indiosàresi de ccn. Sinonimi e contrari amore, apegu, friscione, iltimassione, istima Frasi pustis de tantu tempus dhi at ghetau afetu ◊ gei dhis at ghetau afetu, pobidhu miu, a custas tzípulas!…◊ de sendi piciochedhu ti apu fissau afetu ◊ is afetus mius no s'isciollint ◊ s'afetu est postu a tie, rosa mia! Etimo itl. Traduzioni Francese affection Inglese fondness Spagnolo afecto, cariño Italiano affètto, affezióne Tedesco Zuneigung.

frisciòne , nf: aflissione*, fritzioni Definizione genia de sentidu de istima o de làstima chi si provat po s'àteru Sinonimi e contrari afetu, amore, apegu, istima / piaidade, piedu Frasi in nois no bi at unca e ne viltade, ca bos amus friscione e no fritesa ◊ benidindhe che a tandho como puru a grusare sas pibiristas mias cun sa friscione de àteras vias! (G.Ruju)◊ benias mustrendhe sa friscione pro s'ischire, su desizu de illargare s'istrutzione Traduzioni Francese affection Inglese affectness Spagnolo afecto, cariño Italiano affètto Tedesco Gefühl.

iltimassiòne , nf: istimascione, istimassione, istimatzione, stimatzioni Definizione sentidu de amore chi si tenet a unu o a una Sinonimi e contrari amore, istima | ctr. menisprésiu, ódia Frasi de istimatzione su coro mi as pienu dae candho ti apo bidu! ◊ in segretu mi nara s'istimascione chi mi as! ◊ sos chi cheres tue a cojuvare no ti tenent istimatzione ◊ nemos li negat s'istimatzione, a isse ◊ no zelo de preguntare, bella mea, si ses sana… s'istimassione nostra imbidiada nos l'ant! Etimo srd. Traduzioni Francese estime, affection Inglese esteem, love Spagnolo afecto (m), cariño (m), estimación Italiano stima, affètto, affezióne Tedesco Wertschätzung, Liebe, Zuneigung.

peanósu , agt Definizione chi sufrit de peanas Sinonimi e contrari pedigotu / cdh. pidanosu Etimo srd. Traduzioni Francese podagre Inglese gouty Spagnolo afecto de podagra Italiano podagróso Tedesco podagrisch.

pedigótu , agt, nm: peigotu Definizione chi o chie sufrit de peanas Sinonimi e contrari peanosu Traduzioni Francese podagre Inglese gouty Spagnolo afecto de podagra Italiano podagróso Tedesco podagrisch.

«« Cerca di nuovo