Legenda Abbreviazioni | Legenda Simboli

alluscadúra , nf Definizione su alluscare, su èssere alluscaos, su àere unu disígiu sessuale allutu, budhindho Sinonimi e contrari alluscamentu Frasi sa carotada a carrasecare, sos ballos sunt sas firmadas prus marcadas de s'alluscadura chi si los at pinnicaos ambos Etimo srd. Traduzioni Francese excitation sexuelle, passion Inglese love passion Spagnolo pasión amorosa Italiano passióne amorósa Tedesco leidenschaftliche Liebe.

amài , vrb: amare Definizione betare o tènnere istima, bòllere bene Sinonimi e contrari iltimare | ctr. odiai Etimo itl Traduzioni Francese aimer Inglese to love Spagnolo amar, querer Italiano amare Tedesco lieben.

amantía , nf Etimo itl. amanza Traduzioni Francese passion Inglese love passion Spagnolo pasión amorosa Italiano passióne amorósa Tedesco leidenschaftliche Liebe.

ammoradòre , agt, nm: amoradore Definizione chi o chie est ammorandho Sinonimi e contrari ammoradu, ammorajolu Frasi duos ammoradores giuchent caras de sole e miradas límpias Etimo srd. Traduzioni Francese amoureux Inglese in love Spagnolo enamorado Italiano innamorato Tedesco verliebt, Verliebte.

amòre , nm, nf: amori, more Definizione sentidu e gosu de comunione e bonu fàere de istima e arrespetu, su bòllere bene Sinonimi e contrari afetu, apegu, istima / ammoronzu | ctr. ódiu, tírria Modi di dire csn: fàghere una cosa, leare a unu amore amore = cun delicadesa; pònnere a. a unu = ghetai istima; àere amore a ccn. = istimare a ccn.; fai s'amori = fastigiai, ammorare; amori de ogus = sentidu ebbia, itl. amóre platònico; a. de tocamentu = amore 'rassu'; andai in amori (nadu de sos animales) = èssere suados, àere gana de su mascru; èssiri in amori (nadu de laores) = sicau, cannemebi, in sa muta zusta pro ndhe lu messare Frasi como ti apo avisadu chi no ti tenzo amore pro ca tenzo in su coro àtera rosa (P.Mereu)◊ su coro màrghinas de chie, Nina, at postu amore a tie! (F.Sechi)◊ sas amores seguras sunt raras ◊ lu fato pro amore tua ◊ s'amori cosa miu est solu unu disígiu ◊ s'amore noa lassat sa betza 2. est abbassiada in s'onore pustis de tantos annos de amore 3. su trigu est in amori ◊ canno sa pasta est in amore, fachenne su pane, tanno sa fémina incomintzat s'aparitzu Cognomi e Proverbi prb: si cheres chi s'amore si muntenzat cheret chi unu piatu andhet e unu benzat Etimo ltn. amore(m) Traduzioni Francese amour Inglese love Spagnolo amor, cariño Italiano amóre Tedesco Liebe.

codhài , vrb: codhare Definizione intrare apare sa natura de s'ómine cun cussa de sa fémina Sinonimi e contrari cadhicare, fútere, futire, zúchere / ingannai Terminologia scientifica ssl Etimo ltn. *collare Traduzioni Francese faire l'amour, coucher Inglese to make love Spagnolo follar, hacer el amor Italiano far l'amóre, aver rappòrti sessuali Tedesco mit jdm. schlafen.

diósu , agt, nm Definizione chi est bellu, galanu meda, agiummai unu deus / su diosu, sa diosa = s'ammorau, s'ammorada Sinonimi e contrari ammoradu / divinu, divu Frasi frisca e diosa che unu fiore ti disizo e bido inue ses Traduzioni Francese amoureux Inglese in love (with s.o.), lover Spagnolo enamorado Italiano innamorato Tedesco Liebhaber

disamorài, disamoràre , vrb Definizione pèrdere s'amore, s'istima po ccn. o calecuna cosa Sinonimi e contrari disapegai Traduzioni Francese se détacher, se désaffectionner Inglese to love no more Spagnolo desapegarse Italiano disamorarsi Tedesco die Liebe verlieren.

fiamòre , nm: framori Definizione sentidu delicau e forte de istima; genia de arrancu o de abbentada de fragu chi essit a calecuna cosa Sinonimi e contrari amore, ardúriu / fiadu 1 Modi di dire csn: èssere in fiamores = èssere indiosau; bènnere in fiamore = bènnere in more, nadu de animales Frasi sos fiamores de sa pitzinnia 2. su fiore isparghet su fiamore sou totu a inghíriu ◊ at próidu e dae sa terra paret chi pighet un'agru fiamore, fiagu de tempus chi andhat sempre ◊ cun fiamore a boghe manna isclamo: Segnore, ti pedo amore pro custu mundhu! (G.Porcheddu) 3. sas sues pro bènnere in fiamore no istant abbaidendhe sas istajones 4. dh'apu nau, dèu, ca cussa portat calincunu framori mau, su s'intendi mali! Etimo srd. Traduzioni Francese amour Inglese falling in love Spagnolo enamoramiento Italiano innamoraménto Tedesco Sichverlieben.

iltimàre , vrb: istimai, istimare, stimai Definizione tènnere istima, amore, arrespetu, ammiru po ccn., bòllere bene, giare importu; fàere contu de unu valore, de cantu balet una cosa Sinonimi e contrari amai, calculai, cunciberare | ctr. odiai, tirriai Frasi ti amat ca tue l'as difesu e l'istimas ◊ si istimais isceti a cussus chi si torrant istima, ita méritu teneis? (Ev)◊ t'istimaiant a sana, ma como chi ses morta raramente una borta ndhe faedhant sentza dolu e pena (A.Casula)◊ semprecandho mi est pretzisu, Columba, de t'istimare! ◊ dh'istimant comente a una fígia 2. in préigas, in versos e in prosas s'Ísula sua l'at sempre istimada sa piús cara de totu sas cosas ◊ de innòi depeus bogai chi nosàterus si depeus istimai po is prus úmilis creaturas Etimo ctl. estimar Traduzioni Francese aimer Inglese to love, to esteem Spagnolo amar, estimar Italiano amare, stimare Tedesco lieben, schätzen.

iltimassiòne , nf: istimascione, istimassione, istimatzione, stimatzioni Definizione sentidu de amore chi si tenet a unu o a una Sinonimi e contrari amore, istima | ctr. menisprésiu, ódia Frasi de istimatzione su coro mi as pienu dae candho ti apo bidu! ◊ in segretu mi nara s'istimascione chi mi as! ◊ sos chi cheres tue a cojuvare no ti tenent istimatzione ◊ nemos li negat s'istimatzione, a isse ◊ no zelo de preguntare, bella mea, si ses sana… s'istimassione nostra imbidiada nos l'ant! Etimo srd. Traduzioni Francese estime, affection Inglese esteem, love Spagnolo afecto (m), cariño (m), estimación Italiano stima, affètto, affezióne Tedesco Wertschätzung, Liebe, Zuneigung.

inamoràdu , pps, agt, nm: innamoradu Definizione de inamorare; chi o chie istimat meda a una, indiosau de ccn. o fintzes de calecuna cosa; s'ómine ammorandho chi at giau su foedhu de bòllere a una a pobidha / èssere i. fatu = inamoradu forte, meda Sinonimi e contrari ammoradore, fidantzadu, isposu / cdh. innamuratu / amorosu 2. e deo fatu a issa innamoradu che perdia caltzones e sentidu Traduzioni Francese amoureux Inglese fell in love Spagnolo enamorado Italiano innamorato Tedesco verliebt, Verliebte.

inamorài , vrb: inamorare, innamorai, innamorare Definizione pònnere amore, istima forte a unu, a una, a calecuna cosa Sinonimi e contrari abbaradhare, abbelare, ammorare, fastigiai, imbelare, indeosare, ingeniai | ctr. disamorare Frasi est innamorendhe cun àter'una fémina ◊ si ndh'est innamorada a s'ojada chi li at dadu ◊ ohi, si fui bajanu ti mi dia innamorare! Traduzioni Francese tomber amoureux Inglese to fall in love Spagnolo enamorarse Italiano innamorarsi Tedesco sich verlieben.

inamoraméntu , nm Definizione su s'inamorare Sinonimi e contrari indiosada, indiosamentu Traduzioni Francese action de tomber amoureux Inglese falling in love Spagnolo enamoramiento Italiano innamoraménto Tedesco Sichverlieben.

mòre , nm, nf: amore, mòri 1 Definizione sentidu bonu de istima, su bòllere bene Sinonimi e contrari afetu, apegu, istima / mota / sua 1 / càusa, neche | ctr. ódia, tírria Modi di dire csn: pònnere more, leare more a unu = ghetai istima; èssere o bènnere in more (nau de animali fémina, ma fintzas de is féminas) = èssiri subau; èssere in more sua (nadu de carchi cosa suzeta a cambiare, es. àrbure) = èssere in sa muta bona, zusta, fàghere su cambiamentu bene; po mòri de… (nr. "pommòri")= pro amore a… (ma fintzas "pro neghe, curpa de…, pro méritu de…"); po mòri ca = mancari…, cun totu chi…; po more mia, tua, sua, nostra, vostra, issoro = pro me, pro te, cherindhe bene a mie, a tie, e gai Frasi pro mor'e Deu, dàdemi unu cantu de pane! ◊ chin milli mores ti saludo! ◊ como sunt sas àteras istellas pro more tua zughendhe su lutu ◊ po mòri mia babbu e mama no certant mai ◊ onzi cosa Isse at fatu pro more nostra (G.Marras) 2. cussa est cane in more, cun totu cussos canes mascros ifatu! ◊ sas berbeghes benint in more tra làmpadas e tríulas 3. po mòri de si segai is funis de ananti si ndi est andau su carru a segus ◊ po mòri de su dotori mi est morta sa pipia ◊ pro more chi bi aiat impodha meda sos curridores chi beniant a bidha fint pagos ◊ frades tuos sunt líbberos po mores mias! 4. po mòri ca ses istudiau gei ndi cumprendis calincuna cosa!… 5. est sole forte, ma inoghe in s'umbra, s'intúnigu est assutendhe in more sua ◊ s'innestat candho sa linna est in more Etimo srd. Traduzioni Francese amour Inglese love Spagnolo amor Italiano amóre Tedesco Liebe.

«« Cerca di nuovo