Ditzionàriu in línia
de sa limba e de sa cultura sarda

aèra , nf, nm: (fintzes àera) àeri, àghera, àira, àiri, ari 2, ària Definizione ammesturu de gasos chi cumponent s'atomosfera totu a inghíriu de sa Terra, fatu pruschetotu de azotu (a giru de su 76%) e de ossígenu (unu 23%), fintzes gasos raros e anidride carbónica: candho est in movimentu dha naraus bentu, currente, frina; si narat fintzes cun s'idea de logu, su chi si biet in artu, castiandho fache a foras de sa Terra (e deosi fintzes solu su chi si biet fora de sa Terra, es. s’a. istedhada); nau pl., is nues; su chi paret unu castiandhodhu in cara, pruschetotu po su chi tenet de assimbígiu a un'àteru / a/c. po su gasu chi si respirat si narat agiummai solu ària; min. aeredha, aerita = bentighedhu Sinonimi e contrari bentu / celu / nue / aerada, aeru, aerzu Modi di dire csn: leare o pigai ària = essire a logu abbertu, ue bi est currindhe aera; aera colada = currente de ària; ària morta = in logu serradu, ària pòvera meda de ossígenu; is aris = sas nues; ari inturriada, aera muda = aera annuada meda; ari boiratza = aera cun pagas nues artas; ari crobeta = aera annuada, cuguzada, àiris ingruius; aera frimma = aera annuada, ma séria; aeras móvidas = aera totu nues andhendhe; aeras frisciadas = chi no bi cheret pròere mancu annuada, tempus de assutore; ari bella = aera neta; aeras bassas = nues bassas; colore de aera = asulu; corpu de aera (mescamente a s'ogru)= corpu de bentu chi agghejat s'ogru o chi noghet a su saludu; betàrendhe sas aeras = pròiri a meda de fai dannu; sa bortaedie est perdindhe aeras = est irmurinendhe, iscurighendhe; èssere che faladu de sas aeras = no ischire mancu ite l'at capitadu, no cumprèndhere nudha coment'e candho unu est pesendhe de maladia; fuedhai a s'ària = faedhare chentza fundhóriu; tèniri ària bella = pàrrere bellu, èssere bellu de bisura; donai o ghetai ària a unu (nau de genti) = assemizare a unu; connòschere a unu a s'aera = a sa bisura (ca si assimbillat a is àterus de sa famíllia); leare s'ària a unu (a una domo) = impedumàreli sa vista, fàghereli àtera domo in dainanti de no poder bídere atesu Frasi est conca a sa bentana apitu de una sisia de àghera ◊ respiramus s'aera ◊ no est tirandhe prus aeredha ◊ su bentu àntziat e falat sa foza in s'àghera ◊ at leadu colpu de aera essendhe de su caldu a su fritu ◊ a su sole de s'istiu s'aera paret ballendhe ◊ inoghe che at friscura ca ch'est currindhe aera ◊ s'ària morta in miniera nd'istudàt fintzas sa luxi 2. s'aera ammontat totu su Pianeta ◊ is àrias funt annurradas ◊ s'aera podet èssere annuada, neta, séria, frita, muda, crucuriosa, abbudhada, istedhada, berbegada ◊ est pruendi e is àrias no portant ogu de iscampiai ◊ immoi est giai duus annus chi no iscapant àcua is àiris ◊ aeras frisciadas: annuat ma no proet! ◊ s'aera est torrendhe a barriare: istimmei chi proet! ◊ est essiu su soli e at fatu isparessi is àiris iscuriosus e ingruius 3. dhi ghetas un'ària, a cussu ◊ ndh'at un'àera de su babbu 4. candho liu apo nau, issos che sunt falaos che dae s'àghera, ma apustis si ndhe sunt cuntentaos ◊ sas cantones de como parent irfumentos de majarza pro zente chi at imbertu ària mala! ◊ masedu e atontadu che anzone, mi paria faladu dae s'aera! Cognomi e Proverbi smb: Airi, Ari Etimo ltn. aera Traduzioni Francese air Inglese air Spagnolo aire, bóveda celeste Italiano ària, vòlta celèste Tedesco Luft, Himmelsgewölbe.

aeràda , nf: agherada Definizione su ghetai ària a calicunu, su pàrrere ccn. a sa bisura, a sa cara Sinonimi e contrari abbrembu, aeramentu, aeru, aerzu, assemizu, bisura Frasi a s'aerada mi pariat Bodale Etimo srd. Traduzioni Francese physionomie Inglese countenance Spagnolo semejanza, aire Italiano fisionomìa Tedesco Ähnlichkeit.

aéru, àeru , nm Definizione su chi paret unu castiandhodhu a cara po èssere chi assimbígiat o podet assimbigiare a un’àteru Sinonimi e contrari abbrembu, aerada, aeramentu, aerzu, assemizu, bisura Frasi dhi at un'àeru a su babbu ◊ su fizu at un'aeru a su babbu ◊ cussu portat aeru de animale areste Etimo srd. Traduzioni Francese physionomie, mine Inglese coutenance, appearance Spagnolo aire Italiano fisionomìa, aspètto Tedesco Gesichtsausdruck, Aussehen.

insérru , nm: isserru Definizione su inserrare o abbarrare in logu serrau; logu serrau; s'ària fragosa e pòbera de ossígenu chi si faet in is logos serraos inue no si càmbiat s'ària Sinonimi e contrari intuvu, isserronzu Modi di dire csn: timire s'i. = tímiri su abarrai in logu serrau; i. de corant'oras = funtzione de serrada de sas barant'oras Frasi mi ndhe isto in cust'isserru, ube pianghet finas s'aposentu ◊ s'inserru dhi fait dannu ◊ no ischiat cumente passare su tempus, sempre inserru 2. abberi su bracone pro intrare aera, ca s'isserru faghet male! ◊ in iscola apustis de un'ora bi at fragu de isserru, cun totu sos àlidos e chentza abbèrrere Traduzioni Francese abri, lieu retiré, air vicié Inglese enclosure, retreat, stale air Spagnolo encierro, aire viciado Italiano chiuso, ritiro, ària viziata Tedesco geschlossener Ort, Ruheort, verdorbene Luft.

intúvu , nm Definizione fragu de inserru, fragu malu chi si dhue faet in logu serrau Sinonimi e contrari atufamentu, atúfidu, atufori, inserru Etimo srd. Traduzioni Francese air vicié Inglese stale air Spagnolo aire viciado Italiano ària viziata, odóre di chiuso Tedesco schlechte Luft, muffiger Geruch.