Ditzionàriu in línia
de sa limba e de sa cultura sarda

boàle , nm: buale, poale Definizione genia de istrégiu, de làuna o de plàstica, po umprire, pigare abba / min. bualitu Sinonimi e contrari caltzida, candharja, gupiale, istagnale, umpuale Frasi Salbadore fuit bénnidu pro azuare a che regòllere s'abba cun buales e padedhas ◊ lea sos buales de s'assucadura a sos porcos! Terminologia scientifica stz Etimo ctl. poal Traduzioni Francese seau Inglese bucket Spagnolo cubo, balde Italiano sécchio Tedesco Eimer, Kübel.

brugniólu , nm Definizione genia de istrégiu Sinonimi e contrari bugliolu Terminologia scientifica stz Traduzioni Francese seau Inglese pail Spagnolo cubo Italiano bugliòlo Tedesco Pütz.

búsciu 1 , nm: bússulu 1 Definizione parte in mesu in mesu de s'orroda ue intrat su fusu de su carru / custu est su búsciu! = custa est sa chistione Sinonimi e contrari butu, fiascu 1, ingúpulu 2. su bussu de totugantu fit sa gherra pro sos pàsculos, in sas tancas de Pratobello, tra pastores e militares Traduzioni Francese mouton, sommier Inglese hub Spagnolo cubo Italiano mòzzo, bòccola Tedesco Nabe.

bútu , nm Definizione nughe de s'orroda, ue intrat su fusu (in mesu) e incàsciant is ràgios / butu de chera = regra Sinonimi e contrari fiascu 1, maltàgiu, muzolu Frasi teniat trabballu meda: arrodas de fai e de arrangiai, butus, istangas, aràdulus, mànigus de ainas 2. s'at a acumpangiai tzichirriendi su butu de sa carícia (B.Pisanu)◊ ndhe li ant furadu su presutu, un'iscartedhu, unu tziriledhu, unu butu de chera de abutu Cognomi e Proverbi smb: Buttu Etimo itl.p but Traduzioni Francese moyeu Inglese hub Spagnolo cubo Italiano mòzzo Tedesco Nabe.

caltzída , nf: caltzira, carcida, càrcida, carciga, cartzida, cracida, cracira, cratzida Definizione genia de istrégiu largu a fundhu tundhu, a costaos artos e un'asa a mesu cricu, a bisura de umpuale Sinonimi e contrari boale, cacidone, gupiale, istagnale, mussórgiu, pipordo, séchia Frasi como ti ndhe fato ingúllere una caltzida, de cafè! ◊ botos, cartzigas, carderas e brocas ti impitant totu die…◊ nci ghetant sa cracida a funtana po ndi pesai s’àcua po s'isciacuai Terminologia scientifica stz Etimo ltn. *calcitra Traduzioni Francese seau Inglese pail Spagnolo cubo, balde Italiano sécchio Tedesco Eimer.

càrra , nf: cuarra Definizione genia de istrégiu po medire prus che àteru laores e fintzes po inditare sa mannària de unu terrenu (po su sèmene chi dhue intrat); àtera cosa puru? Sinonimi e contrari caltu Modi di dire csn: fai sa cuarra a rasu, a cúcuru; portai sa conca cantu una cuarra = ammuinada, che in moida ’e rios; tènniri sa cosa a cuarras = a muntones, a meda Frasi su pipiu tenit sonnu… a cuarras su dinai dhi misurit su nonnu! ◊ batzinones chi leant una carra dogni note ndhe prenant chimbe e ses! ◊ Predu at semenau duas carras de orju 2. in sa càscia bi aiat carras de fresi, lentolos de linu e costúmenes 3. fach'e cuarra atriviu! Cognomi e Proverbi smb: Carra, Carredda Terminologia scientifica ans Etimo itl. quarra Traduzioni Francese boisseau Inglese bushel Spagnolo cubo de madera, fanega de sembradura, fanegada Italiano stàio Tedesco Scheffel.

cúbbu , nm, agt Definizione figura prena a ses afaciadas cun totu is latos oguales e cun àngulos totu de noranta grados / metro c. = su tanti de logu de unu metro cuadrau de istérria po unu de artària Traduzioni Francese cube Inglese cube Spagnolo cubo Italiano cubo Tedesco Würfel.

muzólu , nm Definizione nughe de s'orroda, ue intrat su fusu Sinonimi e contrari butu, fiascu 1, maltàgiu Traduzioni Francese moyeu Inglese hub Spagnolo cubo, buje Italiano mòzzo Tedesco Nabe.

séchia , nf: sécia, sícia, sírcia Definizione genia de istrégiu, matucu, largu, carcida, po pònnere abba e fintzes po múrghere / min. sicigedha Sinonimi e contrari caltzida, candharja, istagnale, umpiolu, umpuale / murghiola Frasi sa sírcia àrtziat plena de àcua clara e tui incarendindi in sa cronta ti miras in funtana Terminologia scientifica stz Etimo itl. Traduzioni Francese seau Inglese bucket Spagnolo balde, cubo Italiano sécchia Tedesco Kübel.

umpuàle , nm: upuale Definizione genia de istrégiu, de làuna o de plàstica, po umprire, pigare abba, múrghere Sinonimi e contrari boale*, caltzida, candharja, gupiale, istagnale, pipordo, umpiolu / mossorzu, murghijola / ttrs. upuari Frasi batídemi un'upuale de abba e unu pannu netu a mi frobbire Terminologia scientifica stz Traduzioni Francese seau Inglese bucket Spagnolo cubo, balde Italiano sécchio Tedesco Eimer.