Legenda Abbreviazioni | Legenda Simboli

càntaru , nm Definizione vena de abba chi essit in artu e orruet a ispéndhula, in logu de orroca, de costa; cannedha o tubbighedhu de abba in is funtanellas (grifone púbblicu) Sinonimi e contrari spéndula / cona 1, grifone 1 Frasi tres càntaros giughiat sa funtana: como sunt totos tres iscannedhados ◊ s'abba fit falendhe dae sa roca in d-unu cantaredhu ◊ at postu sa broca a prenare suta de su càntaru ◊ sas feras current a su càntaru a si abbare ◊ de càntaros in sas carrelas bi ndh'at caligunu pro bellesa 2. zuchet una boche crara che de abba de càntaru a denote ◊ ballendhe li falaiat su suore a càntaru! Etimo ltn. cantharus Traduzioni Francese eau de roche Inglese spring of water falling from the top Spagnolo manantial Italiano véna d'àcqua che cade dall'alto Tedesco hinunterfallende Wasserader.

fantàna , nf: funtana, puntana Definizione benu de abba chi essit de sa terra, in pitzu, in calecuna atza o trèmene, o fintzes in fossu fundhudu tundhu fatu apostadamente cricandho s'abba e a muru totu a inghíriu (su buidu chi abbarrat si narat incalu); càntaru de abba intubbada in bidha / erba de funtanedhas = folladedha (Glechoma hederacea) Sinonimi e contrari antana, mígia 1, mitzadroxu, mitzarxu, orgale, orgosa, muntana / pussu Modi di dire csn: sa funtana est faenno = est boghendhe abba, s'abba de sa funtana est currindhe; bogai funtana = fàghere su putu; sa mama de funtana = zenia de fémina fata a pessamentu, a zisa de sa mama de su sole, pro fàghere a timire sos pisedhos; funtana sansa = mígia de àcua minerali; fai una funtanedha in sa farra = fàghere unu fossighedhu pro bi poder betare cosa impastendhe Frasi in cuss'ata de roca bi essit una bella funtana de abba ◊ bi at funtanas chi bundhant abba a cora totu s'annu e àteras chi si che sicant in istiu 2. si nc'est ghetau a funtana ◊ s'àcua dha piscaus de funtana cun sa cracira ◊ cussa teniat gana de istudiai cantu ndi tenia dèu de mi nci ghetai a funtana! ◊ a piciochedhu m'iant portau a bogai funtana in su sartu (F.Secci) 3. che funtana mi bundhant sos ojos ◊ is làgrimas calant in is trempas che funtanedhas de arriu Terminologia scientifica slg. Etimo ltn. fontana Traduzioni Francese source, fontaine Inglese spring, fountain Spagnolo fuente, manantial (m) Italiano sorgènte, fontana Tedesco Quelle, Brunnen.

mígia 1 , nf: mintza, mitza, miza 2 Definizione vena de abba chi essit de sa terra, in pitzu, prus che àteru in calecuna atza o trèmene, ma fintzes in logu paris Sinonimi e contrari antana, fantana, mizotu, orgale, orgosa Frasi apu agatau una mitza de àcua frisca acanta de un'arroca ingunis ◊ nci at una mígia de àcua sèmpiri calendi, sa chi fíncias a pagu tempus fait serbèt po sa necessirari de sa bidha Terminologia scientifica slg Etimo ltn. *mitia Traduzioni Francese source Inglese source Spagnolo fuente, manantial Italiano sorgènte Tedesco Quelle.

mitzadróxu , nm: mizadroxu Definizione benu o tzurru de abba chi essit de terra Sinonimi e contrari mitzarxu, orgale, sciopadórgiu Terminologia scientifica slg Etimo srd. Traduzioni Francese source d'eau Inglese pool Spagnolo venero, manantial Italiano pólla d'àcqua Tedesco Quelle, Wasserader.

mitzàrzu, mitzàrxu , nm: mizarxu Definizione logu inue mizat o essit abba Sinonimi e contrari funtana, mígia 1, mitzadroxu Frasi est unu mitzarxu sempri a ciurrus ◊ sos mitzarzos sunt mesu assutos! Etimo srd. Traduzioni Francese source d'eau Inglese pool, spring Spagnolo manantial, venero Italiano pólla d'àcqua, sorgènte Tedesco Quelle, Wasserader.

rólliu 1 , nm Definizione vena de abba de pagu contu Sinonimi e contrari rógiu Traduzioni Francese source d'eau Inglese pool Spagnolo venero, manantial Italiano pólla d'acqua Tedesco Wasserader.

«« Cerca di nuovo