Ditzionàriu in línia
de sa limba e de sa cultura sarda

commissiòne , nf: commissioni, cummassioni, cumissioni Definizione prus che àteru, cuncordu de personas postas po calecunu incàrrigu (es. po averguare is cunditziones de unu malàidu, unu progetu, dimandhas e àteru); fintzes imperju, faina chi si faet mescamente a cumandhu de ccn., segurtade o arresposta a calecuna cosa chi unu at dimandhau Sinonimi e contrari cumandhu, masione Frasi sa commissione de sa Comuna at aprovadu sos prozetos de sas domos ◊ si est reunida sa commissione de sos esàminos 2. mi depint torrai commissioni notesta Etimo itl. Traduzioni Francese commission, tâche, chose à faire Inglese commission, errand Spagnolo comisión, recado Italiano commissióne Tedesco Kommission.

cumàndhu , nm: cumandu, cumannu Definizione su podere de cumandhare, de giare órdines, e fintzes s'órdine o sa cosa chi si cumandhat etotu, fintzes sede de is o de unu cumandhante; faina, mescamente de andhare a unu logu po calecunu bisóngiu, chi si faet po contu de ccn. (po praxere o a pagamentu), cosa chi unu tenet de fàere a contu suo etotu (coment'e cosa chi dha cumandhat su bisóngiu); cosa o chistione chi si tenet de nàrrere a ccn. Sinonimi e contrari cumandamentu, óldine / commissioni, faina, masione, impérciu Modi di dire csn: mandhare a c., nàrrere unu c.; èssere de bonu a c. = chi fait sa cummissioni, chi ponit menti, chi andhat a su cumandhu chentza istare preghèndhelu meda, chi dhu fait bèni; fàghere unu c. e chentu bisonzos = fai tanti cosas a su própiu tempus; fai su piciochedhu ’e cumandus = tènnere un'impreu de pagu contu, a fàghere cumandhos; èssere a c. anzenu = dipèndhere de is àteros; negare su cumandhu a ccn. = nai ca no a chini pregontat su prexeri de dhi fai una cummissioni Frasi bae e làssami istare, chi no so mancu a cumandhu tou, no! ◊ sa bidha fit semper abannonata dae chie aiat potere e cumannu ◊ sos benes suos siant a cumandhu tou! 2. Chica girat che unu fusu, cosit e isciàcuat e prènciat e fait cumandus ◊ so essidu a fàghere unu cumandhu ◊ su piciochedhu mi faet totu is cumandhos ◊ su pitzinnu est bonu e no negat mai su cumannu a nessunu ◊ a babbu tou nàrali a bènnere a domo ca li cherzo cumandhu! 3. su cristianu vivet segundhu sos cumandhos chi at lassadu Cristos 4. cussu no lu cherzo a teracu, ca no est de bonu a cumandhu ◊ apo àpidu fizos de bonu a cumandhu Etimo srd. Traduzioni Francese commandement Inglese order Spagnolo comando, recado Italiano comando, incombènza Tedesco Befehl, Auftrag.

imbíu , nm Definizione su imbiare, fintzes coment’e miscione chi si giaet a fàere; cosa chi si mandhat a ccn., fintzes in donu / chèrrere s’i. = (nau de ccn. o fintzas de animali) arrechèdiri incarreramentu, agiudu po cumentzai una cosa o una faina Sinonimi e contrari imbiada, mandada / donu Frasi faghe ch'in sa Rivista custa mia chi oe etotu ti ndhe fato imbiu siat in d-una pàgina istampada! ◊ andhaiat essiberessi chentza un'isperu e ne un'imbiu 2. no naro de li dare dinari, ma nessi un'imbiu in natura l'aggradessint totu! Cognomi e Proverbi prb: a sos bibos no mancat imbiu Etimo srd. Traduzioni Francese envoi Inglese mailing, dispatch Spagnolo envío, recado Italiano invío, rinvío, spedizióne Tedesco Sendung, Versendung.

impérciu , nm: impérgiu, impériu 1, imperju, imperzu, imprégiu Definizione cosa o dovere chi unu faet a contu suo o chi àtere dhi giaet a fàere (fintzes po praxere); pane o àteru deasi cun ingaúngiu postu in mesu Sinonimi e contrari cumandhu, impenza, imposta, incumandhíscia, masione Frasi li ant dadu un'impérciu mannu ◊ su pitzinnu no si ammentat de s'imperzu chi li at dadu sa mama ◊ no aiat parentes e nisciunu li faghiat imperjos ◊ tue bae ca tenes impériu de fàere! ◊ Mallena cumintzat s'imperju: Soe bénnia a bíere si nos podies azudare! ◊ andhat a Núgoro a si fàchere imperzos 2. fàghemi un'impérciu cun mele! Etimo ltn. imperium Traduzioni Francese commission, charge Inglese task Spagnolo recado Italiano commissióne, incombènza Tedesco Auftrag.

incumàndha , nf Definizione cumandhu, miscione, cosa chi si giaet a fàere a un'àteru; genia de praxere chi si pedit a ccn. Sinonimi e contrari arrecumandítzia, avincu, incumandhíscia / acotzu, incumenda Frasi si andhas a Castedhu pòrtami un'incumandha! ◊ a portai su lati a casifíciu fiat s'incumenda de Giuanni Etimo srd. Traduzioni Francese charge, commission Inglese errand, commission Spagnolo encargo, recado Italiano incombènza, commissióne Tedesco Auftrag.

incumandhíscia, incumandhíssia , nf: incumandítzia Sinonimi e contrari arrecumandítzia / cumandhu, impérciu, incumandha Frasi nara "No!" a s'incumandhíssia de chie ti cheret pagare pro fàghere male! ◊ pro incumandhíssia divina, a totugantos devet dare su perdonu Traduzioni Francese charge, tâche Inglese commission Spagnolo recado, encargo Italiano incombènza, incàrico Tedesco Auftrag.