Legenda Abbreviazioni | Legenda Simboli

borrutòne , nm: burrutone, burrutzone, burutone Definizione giúmburu, ufradura chi essit in sa pedhe ue at leau cropu forte mescamente in tretu de ossu Sinonimi e contrari abbugnadura, abburrutonada, ammaciugadura, biaconcu, chirroi, buglione, bugnu 1, bumburusone, burrugnone, ciumbone, cocoroi 1, culcuvedhu, tzulumbone, tzumburisone Frasi zughiat su fígadu a tretos tostu e a burrutones ◊ fit rutu e pranghiat pro sos burrutones chi aiat in conca ◊ in mesu de cherbedhos zuchiat unu burrutone cantu de una nuche Traduzioni Francese bosse Inglese swelling Spagnolo chichón Italiano bernòccolo Tedesco Beule.

cucubàju , nm: cucuvaju Definizione pistadura chi si ufrat, in tretu de ossu; mància in conca, unu tretu iscucau; unu pigione puru (s'istria) Sinonimi e contrari biaconcu, cucuàgiu, cucuatzu, cucuau, giumbu, tzulumbone, tzumburisone Terminologia scientifica mld Traduzioni Francese bosse, loupe Inglese bump Spagnolo chichón Italiano bernòccolo, bitórzolo Tedesco Beule.

giúmbu, giúmburu , nm: tzumbu*, zumbu Definizione tretu de cosa chi essit, supesau (es. de rupida), o fintzes incracau, intrau; sa carre comente si ndhe supesat ufrada candho at tentu pistadura, mescamente in conca Sinonimi e contrari abbugnadura, biaconcu, chirroi, borrutone, buglione, bumburusone, ciumbone, cocoroi 1, cucubaju, culcuvedhu, tzulumbone, tzumba, tzumburisone Frasi unu giumbu a sa màchina at fatu, comenti at atumbau Traduzioni Francese bosse Inglese bump Spagnolo chichón Italiano bernòccolo Tedesco Beule.

tzoédhu, tzoéllu , nm: tzuedhu, tzuellu Definizione genia de essidura o ufradura in sa pedhe Sinonimi e contrari biaconcu, biocu, bubbusone, buizola, chiaedhu, cravitu, lanturra, popoti, sangiolu, tzulumbone Frasi a peus chi mi dolet su casciale mi at essidu in sa barra unu tzuellu ◊ mannu ti l’ant fatu unu tzuellu a colpos de furcone ◊ ancu in conca unu tzoedhu li essat! Cognomi e Proverbi smb: Zoeddu Terminologia scientifica mld Etimo srd. Traduzioni Francese bosse, furoncle Inglese bump, swelling Spagnolo chichón, forúnculo Italiano bernòccolo, forùncolo Tedesco Beule, Furunkel.

tzulumbòne , nm: tzurumbone Definizione sa carre, sa pedhe, comente si ndhe pesat ufrada candho at pigau cropu, mescamente in conca Sinonimi e contrari abbugnadura, abburrutonada, ammaciugadura, biaconcu, biocu, buglione, bumburusone, burrugnone, ciumbone, cocoroi 1, cucubaju, culcuvedhu, giumbu, lidigore, praga, tzumburisone Modi di dire csn: torràreche unu tz. a un'isterzu = iscúdiri apitzus de su giumbu fintzas a dhu torrai a paris; àerendhe sa ruta e su tz. = su dannu e su zúdigu, su dannu e sa befe, unu male subra de s'àteru Frasi comente est rutu at fertu a conca e si at fatu unu tzurumbone ◊ si no fio istadu cun custu tzurumbone de gobba che fio essidu a mi chilcare faina Etimo srd. Traduzioni Francese bosse Inglese bump Spagnolo hematoma, chichón Italiano ematòma, bernòccolo, ammaccaménto Tedesco Hämatom, Beule.

«« Cerca di nuovo