Ditzionàriu in línia
de sa limba e de sa cultura sarda

afungurài , vrb Definizione fàere prus fundhudu Sinonimi e contrari aprofundai, devucare, indevucare, istuvucare, tuvucare Etimo srd. Traduzioni Francese approfondir Inglese to make deeper Spagnolo profundizar, rehundir Italiano rèndere più profóndo Tedesco tiefer machen, austiefen.

burgútu , agt Definizione chi faet a fossu / pratu b. = cofudu, devucu Sinonimi e contrari fundhucu, fundhudu, fungudu, preputu, trevucu | ctr. praneri, pranu Frasi su poju fit largu, pacu burgutu e tunnu própiu comente a unu lapiolu Etimo srd. Traduzioni Francese profond Inglese deep Spagnolo profundo Italiano profóndo Tedesco tief.

cafúdu , agt: cofudu, cufudu Definizione chi est a tuvu, imbuidau, istuvonau, nau mescamente de truncos mannos de matas / àlbure cafudu, mata cafuda; terudha cofuda = terudha tupada Sinonimi e contrari acogalzadu, burgutu, caudu, copudu, fungudu, putudu, tufudu | ctr. prenu Frasi custu est unu pratu cofudu de ferru martau ◊ ant fatu unu tofu cufudu Etimo srd. Traduzioni Francese creux, profond Inglese sunken Spagnolo hueco Italiano incavato, profóndo Tedesco hohl, tief.

devúcu , agt Definizione chi calat a fundu, cofudu, nau pruschetotu de cosa o istrégiu buidu: est unu foedhu chi no càmbiat de su singulare a su pl. e ne de mascu a fémina Sinonimi e contrari fucudu, fungarutzu, fungudu, trevucu | ctr. ladu Frasi pro cosa de brou cheret postu piatos devucu Etimo srd. Traduzioni Francese profond Inglese deep Spagnolo profundo, hondo Italiano profóndo, fóndo Tedesco tief.

fundhúcu , agt: fundu 1, funducu Definizione chi giughet su fundhu in bàsciu meda, chi portat costàgios artos (nau meda de istrégiu) Sinonimi e contrari burgutu, fundhudu, fungudu, tofuncu, trevucu Frasi in sos pògios fundhucos e pischinas, si no ischis nadare, no ti abburres! Cognomi e Proverbi prb: mari fundu pisci pagu Etimo srd. Traduzioni Francese profond Inglese deep Spagnolo profundo, hondo Italiano profóndo Tedesco tief.

fundhúdu , agt: fundudu, funnudu Definizione chi ch'est in fundhu o chi calat a fundhu meda Sinonimi e contrari burgutu, fundhucu, fungudu, trevucu Frasi custa mata portat arréxinis fundudas e friscas in terra cosa sua ◊ fiat unu fossu ladu e fundudu ◊ si ch'est betadu a modhe in su poju prus fundhudu: a iscatos de bi restare! ◊ ororu de sa Sardínnia su mari est prus fundudu aundi is màrginis funt artus, de arrocas (B.Erdas) 2. ricamu pensamentus fundudus chei su mari… Etimo srd. Traduzioni Francese profond Inglese deep Spagnolo profundo, hondo Italiano profóndo Tedesco tief.

fungúdu , agt: funguru, fungutu Definizione chi giughet su fundhu in bàsciu meda; chi calat a fundhu o, nau de unu pentzu, de un’idea, chi bolet nàrrere cosa meda, de importu / terra funguda = terra russa, chi falat a fundhu chentza agatare pizu de pedra Sinonimi e contrari burgutu, copudu, fosciudu, fucudu, fundhucu, fundhudu, putudu, trevucu, tufudu | ctr. subranu Frasi su putu fit mannu e fungutu ◊ custa perca est funguda: betèndheche una preda no s'intendhet candho ferit ◊ in cue sa terra est totu paris e funguda ◊ su nie fit fungutu, a pizu russu ◊ cust'istampu tocat a dhu fai prus funguru 2. s'arriscu giughet a fungudos isetos de pena ◊ in sas abbas fungutas de s'ingannu su tempus che afungat sos ómines toltos ◊ tue ses disizu fungudu de sos beranos (C.Puddu) Etimo srd. Traduzioni Francese profond Inglese deep Spagnolo profundo, hondo Italiano profóndo Tedesco tief.

mudigòre , nm: mudijore, mudiore, mudore, mudori, mudricore Definizione mudesa, su no s'intèndhere perunu sonu e ne boghe, su no foedhare e ne fàere perunu sonu, su èssere totu citiu Sinonimi e contrari mudímine, mudine, mútria, mutricore, mutrione / assébiu Frasi su mudiore achirrat de repente: no s'intendhent prus chidérios de pessones, de animales (L.Loi)◊ in custas badhes su mudiore ammentat cosas nadas e ismentigadas ◊ ti tocat de faedhare a sos àteros: no tenent piaghere de su mudore tou! ◊ su mudricore de sos mortos ◊ est faladu su mudore e no s'intendhet un'ae Etimo srd. Traduzioni Francese profond silence Inglese dead silence Spagnolo silencio profundo Italiano profóndo silènzio Tedesco Grabesstille.

mutricòre , nm Definizione su èssere totu mudu, su no s'intèndhere nudha, peruna cosa Sinonimi e contrari mudigore, mudímine, mudine, mútria Etimo srd. Traduzioni Francese profond silence Inglese dead silence Spagnolo silencio absoluto Italiano silènzio profóndo, assoluto Tedesco Totenstille.

suspréxu , nm Definizione genia de súlidu longu po dispraxere o disígiu / ghetai unu susprexu Sinonimi e contrari pioncu Frasi mannu at a èssi su donu chi s'ànima su susprexu abetat (U.Cara)◊ lampat, tronat, e a is trumbutus arretronant is susprexus de unu coru segau ◊ cali prexu candu calincunu de bidha mi cumparit e cali susprexu candu si ndi andat! ◊ tremint is corus prenus de susprexu pensendu a is fillus malassortaus (D.Erriu) Etimo srd. Traduzioni Francese profond soupir Inglese deep sigh Spagnolo suspiro profundo Italiano sospiro profóndo Tedesco tiefer Seufzer.

trevúcu , agt: truvucu, tuvucu Definizione chi calat a fundhu, nau mescamente de su buidu de un'istrégiu, de pratu, de putzos e àteru Sinonimi e contrari devucu, fosciudu, fungudu, preputu, tofuncu, truvudu Modi di dire csn: putu tuvucu, raighinas tuvucas = fungudu, fungudas, chi falant a fundhu meda; drommire a tuvucu = a sonnu surtu; terra t. = a pizu russu Frasi su putu est truvucu ◊ su putu est tuvucu deghe metros ◊ custa est una córvula tuvuca ◊ as fatu surcos tropu truvucos 2. su sou est unu dolore trevucu 3. no li servit frensada e ne brenusu e dormit a tuvucu, a bentre in susu Etimo srd. Traduzioni Francese creux, profond Inglese deep Spagnolo hondo Italiano fóndo, profóndo Tedesco tief.