Ditzionàriu in línia
de sa limba e de sa cultura sarda

àbbila , nf, nm: abbile, àbbile, àbbili, àvile Definizione unu de is pigiones prus mannos, papadore de petza / àbbila marina = àchili de pisci; acapiae s'àbbila = fàere 'meighina' (peràulas fortes) po chi s'à. no fatzat dannu a su bestiàmine Sinonimi e contrari àchibi, ave Frasi s'àbbile est lestra piús chi no bentu ◊ s'àbbile abbitat in sos montes altos ◊ s'àbbile bolat in altu isperiendhe in totue ◊ ancora faedhat forte e minetosu, che unu betzu àbbile in su nidu (A.Casula)◊ s'àbbile s'aferrat s'anzone intreu ◊ si ghetat a volu che àvile! ◊ in s’oru de mare s’intendhiant abbiles e caos a tírrios (L.Pusceddu) 2. candho est acapiada, s’àbbila non si podet pidigonae ca cinono si ndhe iscàpiat Terminologia scientifica pzn, aquila chrysaëtos Etimo ltn. aquila Traduzioni Francese aigle royal Inglese golden eagle Spagnolo águila real Italiano àquila reale Tedesco Steinadler.

àchibi , nf: àchila, àchili Definizione unu de is pigiones prus mannos, papadore de petza / àchili de pisci = àbbila marina o fintzas achilonedhu, abbilastru; min. achiledhu, achiledha Sinonimi e contrari àbbila, achiloni Frasi che àchila at sullevadu s'ispíritu ◊ cussu portat su nasu a bicu de àchila! 2. si pregu, àchilis mannas, de fai artziai a su monti unu passirillanti! Terminologia scientifica pzn, aquila chrysaëtos Etimo srd. Traduzioni Francese aigle royal Inglese eagle Spagnolo águila real Italiano àquila reale Tedesco Steinadler.

astorolía , nf: asturolia, atiloria, atoloria, atularia, aturolia, aturulia Definizione genia de pigione mannu papadore de petza Sinonimi e contrari ciciulia, cirolia, tziodhia, tzurudhia Frasi falat calchi atoloria, o calchi tilibriu, dae su chelu ◊ in cuss'iscuru, a su túnciu de sa tzonca, o a sos tichírrios de s'atularia, mi pesaiant sos pilos in conca (S.Baldino) Terminologia scientifica pzn, milvus milvus Etimo srd. Traduzioni Francese milan Inglese kite Spagnolo milano Italiano nìbbio reale Tedesco Gabelweihe.

atarúja , nf Definizione genia de sustàntzia chi bogant is abes po sustentu de s’abe reina Sinonimi e contrari estieri, galileu Terminologia scientifica sbs Traduzioni Francese gelée royale Inglese royal jelly Spagnolo jalea real Italiano pappa reale Tedesco Gelee royale.

càu , nm Definizione genia de pigione po su prus mannu, de mare e de oros de mare: in Sardigna che faet abbitu totu s'annu e totue (a/c: in mesu de duas vocales, sa /c/ de custu foedhu mantenet su matessi sonu: su cau, unu cau = nr. sucàu, unucàu)/ min. causedhu / c. braxu = una creze de c.; fàghere oju c. = befare Sinonimi e contrari biscu 1, caone, corrocau, laru 2, ucau Frasi su pensamentu si pesat lieru che cau asuba de is undas ◊ so intendhendhe chighígliu de caos bolendhe ◊ is caus marinus acabussendi cincidhant asuta de su soli 2. prommores chi mi as bidu disarmadu mi faghes oju cau pro abbusu Cognomi e Proverbi smb: Cao, Cau Terminologia scientifica pzn, larus argentatus Traduzioni Francese mouette Inglese herring-gull Spagnolo gaviota Italiano gabbiano reale Tedesco Silbermöwe.

concabbírdi , nf: conchidre, conchirde Definizione genia de anade areste, anadi conca birdi o anade reale Sinonimi e contrari bertigatza, cracaciola, testirde Terminologia scientifica pzn, anas platyrhynchos Etimo srd. Traduzioni Francese canard souchet Inglese wild duck Spagnolo pato Italiano germano reale Tedesco Stockente.

cracaciòla , nf: cracaxola Definizione genia de anade areste, anadi conca birdi o anade reale Sinonimi e contrari bertigatza, concabbirdi, testirde Frasi arribbant alliscinendi unas cantu cracaxolas chi si ghetant apalas de is tramatzus Terminologia scientifica pzn, anas platyrhynchos Etimo srd. Traduzioni Francese colvert Inglese wild duck Spagnolo pato Italiano germano reale Tedesco Stockente.

estiéri , nm: istieri Definizione genia de sustàntzia chi bogant is abes po nutrimentu a s'abe reina Sinonimi e contrari ataruja, galileu Traduzioni Francese gelée royale Inglese royal jelly Spagnolo jalea real Italiano pappa reale Tedesco Gelée royale.

galiléu , nm: garuleu Definizione genia de sustàntzia chi bogat s'abe po sustentu a s'abe reina Sinonimi e contrari ataruja, estieri Frasi picabat sas partes de sas regras iscuras e sos cantos chi zuchiant galileu e los bocabat in sa bajone a caentare Etimo srdn. Traduzioni Francese gelée royale Inglese royal jelly Spagnolo jalea real Italiano pappa reale Tedesco Gelée royale.

reàle 1, reàli , agt, nf: riali Definizione chi pertocat sa cosa, chi est cunforma a comente is cosas funt, chi si agatat abberu, chi est abberu; chi est de su rei, chi pertocat o apartenet a su rei; nau de unu, chi mantenet su foedhu, chi faet a si ndhe fidare; coment'e nf., sa ferrovia principale Sinonimi e contrari veru / francu, sentzillu / régiu | ctr. ifidau, traitore Modi di dire csn: ómine reale = sintzillu, síncheru; tempus r. = deretu, su matessi mamentu chi si faedhat o chi si faghet, chentza bi àere àteru tempus in mesu tra càusa e efetu Frasi sa prus zusta e reale, sa prima bandhera est custa! 2. cussu est un'ómini reali Etimo itl. Traduzioni Francese réel, royal Inglese real, royal Spagnolo real Italiano reale Tedesco wirklich, tatsächlich, königlich, ehrlich.

tiloría , nf: (sa t. e var.= satiloría) cirolia tirolia, tirulia, toloria, torulia, turulia, tzirolia Definizione astore runchininu, genia de pigione mannu papadore de petza; a logos est un'àteru pigione, piticu / pàrrere una turulia = (nau de unu) chi si chèsciat sempri, chi abarrat a su prangi prangi Sinonimi e contrari astorolia, ciciulia, tziodhia, tzurudhia Frasi eris sa turulia mi at abbutinadu sos pannos ◊ ancu che lu boghet sa tirulia! ◊ ancu lu bocat sa tirulia! 2. su pisedhu meu no tancat mai buca: paret una turulia Terminologia scientifica pzn, milvus milvus Traduzioni Francese milan royal Inglese kite Spagnolo milano Italiano nìbbio reale Tedesco Gabelweihe.

tzirolía , nf: cirolia, tiloria*, tzirrulia, tzoloria, tzurrulia, tzurulia Definizione genia de pigione mannu papadore de petza / ungra o franca de tzirolia = peónica, arrosa de padenti Sinonimi e contrari astorolia, ciciulia, tziodhia, tzurudhia Cognomi e Proverbi smb: Zirolia Terminologia scientifica pzn, milvus milvus Traduzioni Francese milan royal Inglese kite Spagnolo milano Italiano nìbbio reale Tedesco Gabelweihe.