Ditzionàriu in línia
de sa limba e de sa cultura sarda

contipizósu , agt: contivigiosu, contivizosu, cuntipizosu, cuntivizosu Definizione chi tenet contivígiu, incuru, interessamentu in is cosas Sinonimi e contrari atensionosu, cabosu, coidadosu | ctr. iscontipizau, trascuradu Frasi est caminandhe a passos contipizosos ◊ essendhe contivizosu donzi die mi soliat su mandrone abbofitare ◊ est una fémina contivizosa e sàbia ◊ su pastore contivizosu acorrat sa chedha ◊ si est massaju contivigiosu, chie at terra in tempus de como puru giai si dha faet a bívere chentza emigrare Terminologia scientifica ntl Etimo srd. Traduzioni Francese diligent, prévenant Inglese diligent Spagnolo celoso, cuidadoso Italiano solèrte, àlacre, diligènte, accurato Tedesco fleißig.

fainéri , agt, nm Definizione chi o chie faet sa faina, chi istat sèmpere trebballandho Sinonimi e contrari abbretiosu, contipizosu, fachijolu, trabagliante, trancuineri | ctr. mandrone, praitzosu Frasi fiat unu bonu faineri e manteniat bèni sa família ◊ sas abes sunt che massàgias faineras ◊ cussas sorris funt faineras che abis ◊ custus fradis fiant unu bonu e faineri, s'àteru preitzosu ◊ sas màchinas, lestras faineras, in pagu tempus finint sas fainas ◊ chie est su faineri de custa balentia? Etimo ctl. fainer Traduzioni Francese laborieux Inglese industrious, hard-working Spagnolo laborioso, operoso Italiano laborióso, operóso, àlacre Tedesco arbeitsam, arbeitsamer Mensch.