Legenda Abbreviazioni | Legenda Simboli

apinnonàre , vrb Definizione pònnere a pinnone, su si parare prantaos; andhare a una filada, a una bandha Sinonimi e contrari impinnonare, punnai Frasi si est apinnonadu in sa gianna ◊ su batu at apinnonadu sa coa 2. sa robba est apinnonendhe a s'abba ◊ as a bídere torra apinnonendhe sa nae tua a sa terra chi isetat Etimo srd. Traduzioni Francese dresser Inglese to raise Spagnolo erguir, levantar Italiano rizzare Tedesco aufrichten.

arritzàre , vrb Definizione pònnere prantau, istrantagiau, pesare; nau de sa natura de su mascu, inchibberare, fàere tètera (aus. àere) Sinonimi e contrari fichire, istantargiai, pesai / arretae | ctr. arrúiri, corcare Frasi fit meses e meses fulliau, no arritzabat prus ◊ fit lavandhe in su riu e si ndh'est arritzada a si che ispàrghere pacos turunzos 2. ite at a chircare fémina candho nachi mancu arritzat! Etimo itl. Traduzioni Francese dresser Inglese to erect Spagnolo levantar, erguir Italiano rizzare Tedesco aufrichten.

istantargiài , vrb: istentargiare, istentarzare, istrantaxai, stantarxai Definizione pesare o pònnere fichiu, prantau, nau fintzes in su sensu de migliorare, torrare in bonu, torrare a biu Sinonimi e contrari arritzare, ficare, istantalissare | ctr. colcare Frasi soi istantargendumindi! ◊ ghetat un'itzérriu e si nd'istrantaxat debressi ◊ si ndi fiat istrantaxau a corpu e m'iat aferrau 2. bollu chi sa domu si ndi torrit a istantargiai ◊ ita chi si ndi torràt a istrantaxai e dhu biriat aici sa pobidha!… Etimo srd. Traduzioni Francese redresser, dresser Inglese to erect Spagnolo enderezar, levantar, erguir Italiano drizzare, rizzare, èrgere, drizzarsi Tedesco aufrichten, erheben, sich aufrichten.

strantaxàda , nf: istentalzada*, strantaxara Definizione su istrantaxai / s. de ómini, de fémina, de àteru = mannu meda, carena manna, una montagna de ómine, debberone ómine, debberone fémina (nau unu pagu a befa: pitichedhedhu) Sinonimi e contrari arritzada, ficada, pesada 2. sa turri dh'ant poderara cun custa strantaxara de bigas e sciambranas ◊ una bella strantaxada potàt, gopai, candu fiat sodrau! ◊ arratza de strantaxada de ómini chi est, cussu!…◊ cussu fiat una strantaxada de piciocu bonu, ma bonu, lah!…◊ de innui ndi dh'as bogada custa strantaxada de fémina?! Traduzioni Francese dressage Inglese raise Spagnolo levantamiento Italiano rizzata Tedesco Aufrichten.

«« Cerca di nuovo