Legenda Abbreviazioni | Legenda Simboli

abbétia , nf, nm: abbétiu, bétia Definizione su istare abbetiandho, repicandho, sighindho a nàrrere una cosa mancari s'àteru niat chi nono o un'àtera cosa; su naturale de s'abbetiosu Sinonimi e contrari aputa, arraghèscia, arrepedhu, bicàcara, condierra, contumàcia, ghirta, profídia, reota, repitida, rochella, tostorrímine, tricata / abbogu / certu Frasi fiat nàscia un'abbétia tra issus po sciri chini fut su prus importanti ◊ sciat arrespundi a is abbétias de is Giudeus ◊ Pàulu iat fatu nasci un'abbétia manna tra is Fariseus e is Sadduceus (Atus)◊ totus, a s'abbétiu, allutànt is origas ◊ no fiat cumbintu de su chi dhi at nau e at sighiu s'abbétiu 2. sa libbertadi permitit a Pinóchiu de fai is contus cun is isbàglius, cun sa disubbidiéntzia, cun s'abbétia ◊ iat pigau s'abbétiu de narri ca fiat de aici Etimo srd. Traduzioni Francese obstination, prise de bec Inglese obstinacy, squabble Spagnolo testarudez, terquedad Italiano caparbietà, ostinazióne, battibécco Tedesco Starrköpfigkeit, Wortstreit.

apúta , nf Sinonimi e contrari abbétia, cotilesa, impuntonu, legura, perra 1, perronia, tostorrímine / ttrs. ridortumu Frasi e si ponet s'aputa puru, mancari de resone no ndhe tenzat! Traduzioni Francese entêtement Inglese stubborness Spagnolo terquedad Italiano caparbietà, cocciutàggine Tedesco Starrköpfigkeit, Eigensinn.

pèrra 1 , nf Definizione su pecu de is trotos, malos a adduire fintzes candho est craru chi no tenent arrexone Sinonimi e contrari abbétia, aputa, cotilesa, perronia, tostorrímine Modi di dire csn: leare sa p. = essire tostorrudu, fàere su tostorrudu; sa p. de s'àinu = su màssimu de sa tostorrudéntzia; perra ’e gavessa = fiadu dortu, pessone metzana Frasi candu pigat sa perra no dhu fúrriat mancu sa balla! Etimo spn. perra Traduzioni Francese entêtement Inglese stubborness Spagnolo testarudez, terquedad Italiano testardàggine Tedesco Dickköpfigkeit, Starrköpfigkeit.

tostorrímine , nm Definizione su èssere tostorrudos, malos a cumbínchere, malos a portare a s'arrexone Sinonimi e contrari abbétia, aputa, arrepedhu, bicàcara, cotilesa, incrudinonzu, malintesa, perra 1, perronia, rochella, tostorrudéntzia, tusturrunia / ttrs. ridortumu Etimo srd. Traduzioni Francese obstination Inglese obstinacy Spagnolo testarudez Italiano caparbietà, ostinazióne Tedesco Starrköpfigkeit.

«« Cerca di nuovo