Ditzionàriu in línia
de sa limba e de sa cultura sarda

aggutài, aggutàre , vrb Definizione lassare o fàere pèrdere s'abba a istídhigos Sinonimi e contrari ilgutare, sucutare, sucutire Etimo srd. Traduzioni Francese dégouliner Inglese to drip Spagnolo escurrir Italiano sgocciolare Tedesco tröpfeln lassen.

guciàre , vrb: gutare, gutiare, gutzare, gutziare Definizione calare a istídhigu a istídhigu, lassare andhare s'istídhigu / pane gutiau = prus che àteru pane fine, de fresa, istidhiadu cun ozu, una paspiada de salipa e torradu a su fogu a sighire a assare Sinonimi e contrari botiare, istedhiare, lutiare, strichidhai, sucutare Frasi si est arressu acurtzu a unu muru gutianne de abba ◊ de s'oju lertzu li gutat donzi tantu una làgrima Etimo ltn. *guttiare Traduzioni Francese dégoutter Inglese to drip Spagnolo gotear Italiano gocciolare Tedesco tröpfeln.

gutiadórzu , nm: gutiatógliu Definizione un'istidhigare sighiu Sinonimi e contrari butiadura Frasi golliat s'abba dae sos gutiatòglios Etimo srd. Traduzioni Francese égout, stillation Inglese dripping Spagnolo goteo Italiano stillicìdio Tedesco Tröpfeln.

ilgutàre , vrb: irgutare, iscutare, isgutare, isgutiare, sgutai Definizione calare, pèrdere, lassare o fàere calare s’abba (o àteru) a istídhigos Sinonimi e contrari aggutai, botiare, ilbutiare, ilgutire, sucutare, sucutire Frasi sa cursa de sa vida, peleosa e in pigada, nos faghet irgutare rios de suore ◊ ant isgutadu suore e brios, ratzighendhe carvone suta de terra ◊ sa cobertura est ilgutendhe, comente at próidu ◊ sos ojos suos isgutant piantu ◊ su cabixu de sas bamas anzonadas est de late novellu isguta isguta! Etimo srd. Traduzioni Francese dégouliner Inglese to drip Spagnolo gotear Italiano sgocciolare Tedesco abtröpfeln, tröpfeln lassen.

isciucutàre , vrb Definizione fàere o lassare calare abba (o àteru deasi) de calecuna cosa isciusta (istrégiu, orrobba), a bortas fintzes is úrtimos istídhigos Sinonimi e contrari aggutai, botiare, ilgutare, sucutare, sucutire Etimo itl.t soggottare Traduzioni Francese dégouliner, égoutter Inglese to drip Spagnolo gotear, escurrir Italiano sgocciolare Tedesco tröpfeln lassen.

lambicài, lambicàre , vrb: alambicai, limbicae, -ai, -are Definizione fàere calecuna cosa a lambicu (po ndhe seberare una sustàntzia), calare a istídhigos Sinonimi e contrari abbardentare Frasi tenit de lambicai s'acuardenti ◊ sa stracia ammuinat in pratza e asuba de sa fentana si atzàpulat arrabiosa e lambichendu ◊ pro limbicare su binu su limbicu cun refinu cheret chi siat usadu! (B.Asili) 2. si est furriada a colore de binassa limbicada! Etimo itl. lambiccare Traduzioni Francese distiller Inglese to distil, to drip (let) Spagnolo destilar, alambicar Italiano distillare, sgocciolare Tedesco destillieren, tröpfeln lassen.

sgutài , vrb: ilgutare* Definizione lassare o fàere calare s'abba (o àteru) a istídhigos de calecuna cosa, fàere pèrdere s'abba meda (o àteru), fintzes imbuidare / s. una funtana = illichidare o bogàrendhe totu s'abba Sinonimi e contrari aggutai, sucutare, sucutire Traduzioni Francese couler, égoutter Inglese to trickle Spagnolo gotear Italiano sgocciolare Tedesco tröpfeln lassen.

sgutaméntu , nm Definizione su sgutai Sinonimi e contrari sgutadura, sucutadura, sucutonzu Etimo srd. Traduzioni Francese égouttage Inglese trickling Spagnolo goteo Italiano sgocciolaménto Tedesco Tröpfeln.

stidhiaméntu , nm Definizione su stidhiai, su istare istidhigandho, calandho a istídhigu Sinonimi e contrari butiadura, butiamentu, stidhiadura, stidhióngiu, stidhixiu Etimo srd. Traduzioni Francese égout, stillation Inglese dripping Spagnolo goteo Italiano stillicìdio Tedesco Tröpfeln.

stidhióngiu , nm Definizione su stidhiai, su istare istidhigandho, calandho a istídhigu Sinonimi e contrari butiadura, butiamentu, stidhiadura, stidhiamentu Frasi su stidhióngiu de s'àcua in crobetura Etimo srd. Traduzioni Francese égouttement continu Inglese trickling Spagnolo gotera Italiano gocciolìo Tedesco Tröpfeln.