Ditzionàriu in línia
de sa limba e de sa cultura sarda

boetòne , nm: buatone, buatoni Definizione genia de persona fata de istràcios po dh'apicare in bíngia a giagarare pigiones; fintzes persona mascarandho, bestia a màscara / passare s'innotzente a b. = ghetai sa nexi a chini no ndi tenit Sinonimi e contrari bustaglioni, ispantamata, malmuntone, màscara, mustagione Frasi malestidos e istratzulados pariamus sos buatones chi ponent in binza ◊ est faladu a terra a costa longa che unu buatone! 2. custos boetones, cun cudha caratza longa de linna in cara, aiant una crispa mala chi faghiat a timire sa pisedhina 3. a fora sos buatones: cun issos no si podet piús campare! ◊ sunt passendhe s'innotzente a buatone! Etimo cdh. buattoni Traduzioni Francese épouvantail Inglese puppet Spagnolo títere Italiano fantòccio Tedesco Vogelscheuche.

coligóli 1 , nm Definizione genia de mustajone o mamutzone po giagarare crunculleos e àteros pigiones (e fintzes mamutzone de carrasegare) Sinonimi e contrari furriadolza, mustagione, tzacarradroxa Frasi a carrasegare fiat bestiu de coligoli ◊ pighiaus su coligoli a sos ballos Etimo srd. Traduzioni Francese épouvantail à moineaux Inglese scarecrow Spagnolo espantajo Italiano cacciapàsseri Tedesco Vogelscheuche.

furriadòlza , nf: furriadòrgia, furriadroxa Definizione arrana de canna, genia de aina po sonare in chida santa; cosa apicada in is matas po fàere fuire is pigiones comente istat a su move move, furriandho Sinonimi e contrari forriarjola, furrighedhu, furriola, sichirria, straciarana, tzacaredha, tzirriajolu / furriedha, ispantamata, malmuntone, mustagione, uceomu Frasi fadeus duas dis de arroda, cun circulledhus, cannugas e furriadroxas, gara poética e cantu essit! 2. seu che furriadroxa in logu de mata 'e figu, chi mancu su domigu si podit pausai! (D.Maccioni)◊ in bíngia dhue apo postu una furriadòrgia e is pigiones gei fuint ca paret chi dhue at unu tratore! Terminologia scientifica sjl Etimo srd. Traduzioni Francese crécelle, épouvantail Inglese tree-frog, rattle, scarecrow Spagnolo carraca, espantajo Italiano raganèlla, spauràcchio Tedesco Knarre, Ratsche, Rätsche, Vogelscheuche.

ispantamàta, ispantamàtu, ispantamàtzu , nf, nm: ispantumata, spantamata Definizione mamutzone, cosa (prus che àteru, trastos prenos de fenu a bisura de persona) chi si ponet apicada in is matas po fàere a tímere is pigiones / a i. = a iscusi, chentza si dare a bídere o intèndhere, e fintzas gai pro assuconu Sinonimi e contrari furriadolza, ispàurigu, malapuba, malmuntone, mustagione, pinnatzu 1, tzacarradroxa, uceomu 2. no mi essas che cadhu a ispantamatzu! ◊ immui mi parit ca ses fadendu tropu ispantamatas! ◊ innantis l'ant isparatu pro ispantamatzu e apustis abberu! Etimo srd. Traduzioni Francese épouvantail Inglese scarecrow Spagnolo espantajo Italiano spauràcchio Tedesco Vogelscheuche.

mammói , nm: mommoi Sinonimi e contrari babboi, malapuba, malmuntone, mommoti / forasdenosu Frasi pàrgiu dèu puru unu mommoi trogau de lentzorus biancus ◊ is bècius sétzius in foras, impratiaus de su lugori de sa Luna, parint mommois! Traduzioni Francese méchant loup, épouvantail Inglese bowwow, scarecrow Spagnolo coco Italiano baubau, spauràcchio Tedesco Kinderschreck, Vogelscheuche.

mustagiòne, mustajòni , nm Definizione mastru de paza, figura a bisura de persona fata cun bestimentu béciu prenu de fenu po fàere a tímere is pigiones; nau de unu, chi est totu bestiu male, légiu meda de cara, isimpre, de pagu abbilidade Sinonimi e contrari boetone, bustaglioni, imbustajoni, ispantamata, malmuntone, pabaratusa Frasi a primu imbucada mi fiat partu unu mustajoni ◊ est bestiu chi parit unu mustajoni ◊ dhi at fatu sa bestimenta aici a mindigu de parri unu mustajoni de bíngia! Traduzioni Francese épouvantail (à moineaux) Inglese scarecrow Spagnolo espantajo Italiano spaventapàsseri Tedesco Vogelscheuche.

uceòmu , nm Definizione su Zorzi chi si faet a carrasegare; genia de mamutzone po giagarare pigiones Sinonimi e contrari atziomo, bisera, furriadolza, mustagione, pinnatzu 1 Etimo ltn.e ecce homo Traduzioni Francese épouvantail Inglese puppet, scarecrow Spagnolo muñeco, espantapájaros Italiano fantòccio, spauràcchio per uccèlli Tedesco Vogelscheuche.