Legenda Abbreviazioni | Legenda Simboli

càtza 1 , nf Definizione logu de matas mannas a meda, cracas Sinonimi e contrari padente Frasi in su demàniu bi at catzas d'élighes e de suerzos ◊ su monte innantis fit totu a una catza: como, tra fogos e totu su chi che ant segadu, azummai no bi at àrbures ◊ in sas catzas si bi agatat porcrabos, grodhes e àtera fera Terminologia scientifica slg Traduzioni Francese fôret, fôret touffue Inglese forest Spagnolo selva Italiano forèsta, bòsco fitto, sélva Tedesco Wald.

intupài, intupàre , vrb Definizione cuare in mesu de is tupas, o fintzes cuare bastat chi siat; prènnere su logu de tupas, de matas Sinonimi e contrari abbuare, acuae, ammagare, apatai, atanai, atrabentare, imbusare, impertusare, intanae, intuzare / atupare, imbuschire, intupire Frasi cussu s'intupaiat a su primu pispisu de sos passos ◊ su pilloni cantat intupau in sa cresuri ◊ sas aes s'ispérrumant intupèndhesi in sos pustialvos ◊ s'intupat in sa traja su puzone ◊ ses sempri intupendimí totu, che is topis! ◊ babbu si est intupadu intro de domo Etimo srd. Traduzioni Francese cacher dans un bois, cacher Inglese to hide in a wood, to afforest Spagnolo emboscar Italiano imboscare Tedesco im Wald verbergen.

líta , nf, nm: litu 1, litzu 1 Definizione logu de linna meda, de tupas e matas Sinonimi e contrari crachi, linnari, mateda, padente, tuparzu, tupedu Modi di dire csn: litu pedrosu = padente de àteras eras geológicas furriadu a pedra; una lita de ruo, de letítera = donnaghe de rú, unu ruarzu, unu logu totu carrarzadu de letítera Frasi forsis sonniaias chelu craru, càntigos, frinas tébias e litos già fozidos (M.S.Cocco)◊ disdiciada, cun dolore torresit a su litu atupadu ue pechesit tzega de amore ◊ sos litos sunt a carvone, cun totu custos fogos Etimo srdn. Traduzioni Francese bois épais Inglese thick forest Spagnolo bosque espeso Italiano bòsco fitto Tedesco dichter Wald.

padènte, padènti , nm: patente, podenti, potente Definizione logu totu matas mannas e medas, cracas, pruschetotu nau de is chi creschent a solas e pruschetotu candho is matas funt ílighes / sóriche de p. = sorigàrgia; p. de ceréxias, de arrú = donnaghe de cariasas, de rú Sinonimi e contrari catza 1, tràbine Frasi fit unu monte bestiu de unu padente d'éliches ◊ est unu padente de chercos ◊ iscapat a fuiri coment'e unu lampu, fuit de su campu a mesu su padenti! (E.Pintor Sírigu)◊ in su monte bi at unu potente de éliches ◊ sa própia linna de monti abbruxat su podenti ◊ cussu castedhu si aghetat in mesu de unu padenti cracu Terminologia scientifica slg Etimo ltn. patente(m) Traduzioni Francese bois, fôret Inglese wood Spagnolo bosque, selva Italiano bòsco, forèsta, sélva Tedesco Wald.

tràgia , nf: traja 1 Definizione busa o tupa manna de orruo, tetione e cosas deasi Sinonimi e contrari macra, trajone, tupa Frasi inghiriendhe tràgias e funtanas che dei bolta subra de tres bagianas samunendhe in su riu ◊ unu russignolu fit cantendhe intro de una traja de tetinosu ◊ s'utirighinu fit ispinosu e intretzidu cun trajas ◊ che mariani ndhe essesi dae sas trajas ◊ s'intupat in sa traja su puzone Etimo srd. Traduzioni Francese grand maquis Inglese brushland Spagnolo espesura Italiano macchióne Tedesco Wald.

«« Cerca di nuovo