arreulàu , agt: reulau Definizione nau de ccn., chi est chentza fàere, firmu in ccn. logu, fintzes bagamundhu Sinonimi e contrari arrebau, filísigu, ifainadu, irberzadu, mandronàciu, oreri, perduleu, praitzosu | ctr. impitzadu, infatzendhau Frasi ge at a fai un'acabbu cussu pritzosu arreulau!… Etimo srd. Traduzioni Francese inoccupé, oisif Inglese inactive Spagnolo inactivo Italiano inoperóso Tedesco untätig.

ifainàdu , pps, agt: ilfainadu, irfaghinau, irfainadu, isfainadu, isfainau, sfainau Definizione de ifainare; nau de ccn., chi est chentza fàere faina, chentza impreu; chi est in giru, a ue bolet andhare, a s’afaiu Sinonimi e contrari arreulau, bacamundhu, disabbutu, faghineri, ilfatziennadu, mandronàciu, perduleu, praitzosu / disimperau, sprainau | ctr. afainadu, impitzadu 2. custu manzanu fint in piata, sétidos in sa pedríscia de sos ilfainados ◊ l'incantat su ciaulellu de sa zente isfainada ◊ sa pisedhina s'istràviat fatendhe tzocare de su risu sos isfainados ◊ unos cantos irfainados si sunt acurtos apare e ant fatu bardana 3. ifainadu, fit atraessendhe una tanca a candho che bidet unu pastore ◊ sos fizos sunt totu irfaghinaos che puzones de prédiche Etimo srd. Traduzioni Francese inactif Inglese idle Spagnolo inactivo Italiano inoperóso Tedesco untätig.

ilviolàdu , pps, agt: irbiolau, irvioladu Definizione de ilviolare; nau de ccn., chi no tenet pistighíngiu, chi no si leat pentzamentu, chi est chentza fàere Sinonimi e contrari trancuillone / disabbutu, disimperau, ifainadu / filísigu, iscuidadu | ctr. apensamentau, penciamentosu 2. de su palatu si pesant lizeris fiamedhas chi durant che penseris de ómines betzos e ilviolados ◊ so irvioladu e ndhe apo sa cara in terra Traduzioni Francese inoccupé, oisif, distrait Inglese inattentive, inactive Spagnolo inactivo, holgazán Italiano inoperóso, svagato Tedesco untätig, gedankenlos.

irbaíu , pps, agt, nm: isbaidu Definizione de irbaire; nau de ccn., chi no est faendho faina peruna; terrenu prantau a isca, a ortalítzia, e apustis lassadu pausare; nau fintzes in su sensu de isperditziau Sinonimi e contrari ibbàidu / ibbaidore 2. in ortos isbaidos bi creschet s'ortiga ◊ una colada de zente irbaia bi est in totue ◊ arratza de zente, irbaios in piatza! Traduzioni Francese inactif Inglese idle Spagnolo inactivo Italiano inoperóso Tedesco untätig.

irberzàdu , agt: irgherzau Definizione nau de ccn., chi est chentza berza, chentza faina, chentza it'e fàere Sinonimi e contrari arreulau, disabbutu, disimperau, disocupadu, ibbàidu, ibbautu, irjannalau, irverganzadu, perduleu, sfainau | ctr. impitzadu Etimo srd. Traduzioni Francese désœuvré, inactif Inglese idle Spagnolo desocupado Italiano sfaccendato, inoperóso Tedesco unbeschäftigt, untätig.

«« Cerca di nuovo