bellèsa , nf Definitzione sa calidade de su bellu, su èssere bellu; nau in cobertantza, atzione male fata / betare b. a ccn. (nau de babbus e mamas chi dhis essit fillu/a bellu/a) Sinònimos e contràrios belliori, bellura, ermosura | ctr. feura, legiori Frases sa bellesa serbit petzi pro pompa bódia (S.Spiggia)◊ fit sa matessi bellesa: una bellesa gai chie ndh'aiat bidu? ◊ custu modhitzosu… sa mellus bellesa de biri! ◊ a séighi annos fist una bellesa! ◊ sa bellesa sua est s'acisu de totu sos coros! ◊ dhi fiat partu de biri una cara bella, de una bellesa durci cantu trista 2. ite bellesa a li fàghere cussa música in carrela sendhe chi est a lutu friscu!…◊ ite bellesa si aia acusadu un'innossente!…◊ is frastimus suus setzint che una bellesa! Sambenados e Provèrbios prb: bellesa no fait domu ◊ bellesa est mesu doda Ètimu spn. belleza Tradutziones Frantzesu beauté Ingresu beauty Ispagnolu hermosura, belleza Italianu bellézza Tedescu Schönheit.

belliòri , nm: belloi, bellore 1, bellori Definitzione su èssere o pàrrere bellu de unu o de una cosa Sinònimos e contràrios bellesa, bellura Frases giaiedhi custa ampudhitedha, chi si bufet custu ca dhi torrat su bellore ◊ de su rampu ue apo tentu vida, profumu e bellore cun terríbbile furore mi ndh'at divisu su bentu (B.Masala)◊ s'infiammante bellore sa vista mia abbagliesit ◊ ti arregordas su bellori de su logu nostu ◊ tantu belloi bos at formau chi ammirau si nd'istesit Ètimu itl. bellore Tradutziones Frantzesu beauté Ingresu beauty Ispagnolu hermosura, belleza Italianu bellézza, beltà Tedescu Schönheit.

donosidàde, donosidàdi , nf Definitzione su èssere donosos, nau mescamente de sa bisura, de sa manera de fàere e de si mòvere Sinònimos e contràrios dechidesa, ermosura, galania | ctr. legesa 2. su beranu at bestidu de donosidade acisadora totu sa cussorza Tradutziones Frantzesu beauté, charme Ingresu prettiness Ispagnolu donosidad Italianu graziosità, avvenènza, leggiadrìa Tedescu Anmut.

ermosúra , nf: ermusura Definitzione su èssere bellos de bisura Sinònimos e contràrios bellesa, dechidesa, donosidade, galania | ctr. legesa Frases imprimida est in me sa tua rara ermosura (P.Mossa)◊ bi at pisedhas ricas d'ermosura ch'incantant a sa mirada (B.Pira)◊ cantu su mare at richesa tue tenes ermosura ◊ po sa bella ermusura paris unu buchetu Ètimu spn. Tradutziones Frantzesu beauté Ingresu beauty Ispagnolu hermosura Italianu bellézza Tedescu Schönheit.

nèa 1 , nf, nm: neu Definitzione pintirighinu de diferente colore in sa pedhe, una genia de cancru (po su prus nudha de malu, ma a bortas, candho si tzucat a crèschere, malu e de bogare impresse); foedhandho de linnas o de frutuàrios, genia de nodighedhu; foedhandho de su fàere, de su cumportamentu, pecu, difetu Sinònimos e contràrios negru, ula 2. prima fis sentza unu neu, como ses totu perfia! (I.Virdis) Ètimu ltn. neus Tradutziones Frantzesu grain de beauté Ingresu naevus (spot) Ispagnolu lunar Italianu nèo Tedescu Muttermal, Mal, Schönheitsfehler.

«« Torra a chircare