dechidèsa , nf: deghidesa Definitzione su èssere déchidu, bellu, bene fatu de pràghere meda, nau mescamente de sa persona Sinònimos e contràrios donosidade, ermosura, galania, tuca | ctr. legesa Frases intro a totu sos donos, tenes sa dechidesa principale ◊ sas rosas no sunt che a sa tua dechidesa! Ètimu srd. Tradutziones Frantzesu charme, grâce, élégance Ingresu elegance, prettyness Ispagnolu gracia, elegancia Italianu avvenènza, leggiadrìa, eleganza Tedescu Anmut, Eleganz.

donosidàde, donosidàdi , nf Definitzione su èssere donosos, nau mescamente de sa bisura, de sa manera de fàere e de si mòvere Sinònimos e contràrios dechidesa, ermosura, galania | ctr. legesa 2. su beranu at bestidu de donosidade acisadora totu sa cussorza Tradutziones Frantzesu beauté, charme Ingresu prettiness Ispagnolu donosidad Italianu graziosità, avvenènza, leggiadrìa Tedescu Anmut.

galanía , nf Definitzione su èssere galanos Sinònimos e contràrios dechidesa, donosidade, ermosura, tuca | ctr. legesa Frases mi as fatu innamorare cun galania de amore ◊ de babbu tou as chiza e galania, tue Ètimu spn. galania Tradutziones Frantzesu élégance, charme, grâce Ingresu smartness, charm Ispagnolu elegancia, hermosura Italianu eleganza, avvenènza, gràzia Tedescu Eleganz, Anmut, Grazie.

tràtu , nm Definitzione manera de fàere, de cantare, nau fintzes de sa carena de una persona po comente si movet; fintzes su tratare, su àere tratamentu Sinònimos e contràrios assétiu, figura, galania, garbu, tràgiu / tratamenta Frases contivizat s'apusentu cun su tratu de una fada ◊ fit una pisedha bella de tratu chi pariat una fada ◊ in ite bos apo ofesu pro mi usare malu tratu? (P.Mossa)◊ no ant in pozas métrica e mesura, ne tratu bellu, ne ranza de sentidu (P.Giudice Marras)◊ giaju pro abbistesa e tratos fit unu de sos menzus ómines ◊ tue as sos tratos de una reina ◊ su tratu tou mi at fatu dilliriare ◊ cantendhe bi zughet, tenet, unu bellu tratu 2. so giómpidu a àere tratu chin zente de importu Sambenados e Provèrbios prb: nen bella sentza pecu, nen fea sentza tratu Ètimu spn. trato Tradutziones Frantzesu grâce, allure Ingresu grace, carriage Ispagnolu gracia, porte, trato Italianu gràzia, portaménto Tedescu Anmut.

«« Torra a chircare