Legenda Incurtzaduras | Legenda Sìmbulos

isconcassòne , nm: sconcassori Definitzione genia de molinu po pistare pedra a fàere a giarra Tradutziones Frantzesu broyeur à gravier Ingresu crusher Ispagnolu trituradora para grava Italianu frantóio per ghiàia Tedescu Steinbrecher für Kies.

molidòre , nm: mollidori Definitzione chie molet olia, mere de molinu de ógiu Sinònimos e contràrios molinaju Frases unu fuste in costas li at secau e at guastu mola e molidore! Ètimu srd. Tradutziones Frantzesu broyeur Ingresu oil-miller Ispagnolu lagarero Italianu frantoiano Tedescu Ölmühlenbesitzer.

molinàju, molinàlzu , nm: molinàrgiu, molinarju, molinarzu, molinazu, mulinarju Definitzione chie atendhet a su molinu, a mòlere; a logos narant molinalzu a su parapunta o sennoredha de erriu Sinònimos e contràrios molidore, molineri, molingianu / parapunta Frases in bidha su molinazu che giughiat sa farina a sas domos ◊ mezus est molinarzu e no segnore pro su chi so benzendhe a cumproare! Terminologia iscientìfica prf Ètimu srd. Tradutziones Frantzesu broyeur, meunier Ingresu miller (oil-) Ispagnolu molinero Italianu frantoiano, mugnàio Tedescu Müller.

molínu, mólinu , nm: mulinu Definitzione machinàriu mannu a motore po mòlere cosa meda, siat laores, olia o àteru (segundhu sa genia: m. de ógiu o de olia, de trigu, de pedra); su logu, sa domo ue su machinàriu est postu / partes de unu molinu: su radu, sa mola (in su m. de s'olia funt duas orrodas poderadas impare, prantadas, cun s'àrbure o albureta), sa supressa, su separadore, sa furredha / m. po piscai abba = arroda cun is túvulus po piscai àcua de funtana; m. de bentu = bentu forte chi faghet a moliadura (nadu de zente, chie no tenet frimmesa) Sinònimos e contràrios franassu Frases sos molinos de s'olia triballant in atunzu e mescamente in zerru ◊ unu tempus, s'àcua impelliat s'arroda de is molinus 2. sunt andhadas a molinu a che leare su trigu a maghinare Sambenados e Provèrbios smb: Molinu, Mulinu Ètimu ltn. molinum Tradutziones Frantzesu moulin, broyeur (macchina), pressoir (luogo) Ingresu mill (oil-) Ispagnolu molino, lagar Italianu mulino, frantóio Tedescu Mühle, Ölmühle.

«« Torra a chircare