Legenda Incurtzaduras | Legenda Sìmbulos

camígia , nf: camisa, camísia, camixa Definitzione pinzos fine de bestimentu, aperta in petorras e in brúcios (ma de abbutonare a limetas)/ s'abbertura, su tzugu, is pungitus, is gajas, is alas, is frunziduras de sa camisa Sinònimos e contràrios camijeta Maneras de nàrrere csn: camisa a perras de canna = camisa de linu cun mànigas amplas meda prenciada a pínnigas longas e ladas; camisa o camisedha de su trigu = veste de su trigu, zenia de fozighedha, pizighedhu chi imbóligat su ranu; èssere o istare in mànigas o in palas de c. = bistiu isceti a camisa; pònnere in c. de noe prammos = èssiri fichetu, bòlliri isciri dónnia chistioni Frases sa camisa dhi est istrinta de palas ◊ Bucianu si ndhe at bogadu sa giacheta, su colpete e sa camígia puru ◊ in tempus de guerra po un'arrogu de pani bendiant fintzas s'ala de sa camisa ◊ fut unu fritu a mòrrere e issu in palas de camisa! ◊ giughet s'imbustu niedhu subra de sa camixa bianca Sambenados e Provèrbios prb: prus acanta est sa camisa, de su giponi! Terminologia iscientìfica bst Tradutziones Frantzesu chemise Ingresu shirt Ispagnolu camisa (uomo), blusa (donna) Italianu camìcia Tedescu Hemd.

cartèlla , nf Definitzione genia de paperi, mescamente de pagamentos; genia de paperi grussu, pinnigau de dhue pòdere chistire àteros paperis aintru Tradutziones Frantzesu feuille d'impôts, chemise Ingresu income tax form, folder Ispagnolu carpeta Italianu cartèlla Tedescu Steuerbogen, Aktenmappe.

fardàli , nm: fordali Definitzione sas coedhas, sa parte prus in bàsciu de sa gunnedha, de sa camisa Sinònimos e contràrios bulla, coedha Ètimu srd. Tradutziones Frantzesu basque d'une chemise Ingresu tail Ispagnolu faldón Italianu falda Tedescu Zipfel, Schoß.

gàja , nf Definitzione in sa camisa, aciunta a is coedhas de ananti; dhu narant fintzes a is lobos chi si parent a fora in su crebedhu: in s’orrobba o bestimentu, piega Sinònimos e contràrios gajedha, nésiga 1 / tórronu / incrispa, pínnica Frases poni is nàdias e tessi a gajas! Sambenados e Provèrbios smb: Gaia, Gaias Ètimu ctl. gaya Tradutziones Frantzesu soufflet de chemise Ingresu gusset Ispagnolu nesga Italianu gheróne della camìcia Tedescu Zwickel am Hemde.

«« Torra a chircare