Ditzionàriu in línia
de sa limba e de sa cultura sarda

abéssu , agt Definitzione chi bessat, chi est biraira, prenu meda Frases oje sunt tucadas a su trólliu chin sos pischedhos prenos a cúcuru e abessos Ètimu srd. Tradutziones Frantzesu débordant Ingresu overflowing Ispagnolu rebosante Italianu traboccante Tedescu überlaufend.

biraíra , avb Definitzione chi est birendhe, nau de istrégiu tropu prenu o de sa cosa chi ch'est orruendho a fora ca est tropu; nau de cumportamentu de unu, chi est animosu meda Sinònimos e contràrios abessu, abbiru, chisciaghíscia, ghiraghira*, iragunoru, larilari, tirulatírula Frases sa broca si che fit prenada, fata a rasu e ghiraghira ◊ cuss'isterzu est biraira: bogachendhe ca ifundhes su logu ◊ a cantu paret assumancu a mie, ses biraira de cuntentesa Tradutziones Frantzesu débordant, exubérant Ingresu overflowing, exuberant Ispagnolu rebosante, exuberant Italianu strabocchévole, esuberante Tedescu überfließend, überreichlich.

chisciaghíscia , avb Definitzione nau de cosa posta in istrégiu (e de custu etotu), biraira, essindhoche fora de s'istrégiu tropu prenu Ètimu srd. Tradutziones Frantzesu débordant Ingresu overflowing Ispagnolu desbordante Italianu trabocchévole Tedescu übermäßig.

ghiraghíra , avb Definitzione chi bessat, chi sa cosa ch’essit de s'istrégiu de cantu est meda, tropu prenu Sinònimos e contràrios biraira, chisciaghíscia Frases li at prenau sa tzuca de binu ghiraghira ◊ sa broca si che fit prenada, fata a rasu e ghiraghira Ètimu srd. Tradutziones Frantzesu débordant Ingresu overflowing Ispagnolu rebosante Italianu trabocchévole Tedescu überfließend.

iragunóru , avb Definitzione chi est birendhe, nau de istrégiu tropu prenu, prenu a oros / fàghere un’isterzu i. = prenu prenu Sinònimos e contràrios abessu, biraira, chisciaghíscia, ghiraghira Ètimu srd. Tradutziones Frantzesu débordant Ingresu overflowing Ispagnolu rebosante Italianu traboccante Tedescu überfließend.

larilàri, larillàris , avb Definitzione chi ndh'est càrrigu, chi ndhe portat meda (pruschetotu de cosa minuda, pitica, fintzes de abba), chi est cagiagàgia; chi est prenu a oros, prenu totu / èssere l. Sinònimos e contràrios biraira, ghiraghira, iragunoru, laralara, tilchiatílchia / pienu Frases zughet sos pantalones larilari de saurra ◊ sa pira in terra est larilari de frommiga ◊ bodhindhe morisca mi so fatu larilari de ispina Tradutziones Frantzesu débordant Ingresu crowded Ispagnolu repleto Italianu gremito, rigurgitante Tedescu überfüllt, voll.

tirulatírula , avb Definitzione dhu narant de s’istrégiu po s’ógiu, po su mele o àteru deasi, candho est tropu prenu fuliandho a terra, a tziri, istidhigandho Sinònimos e contràrios biraira, untinaúntina Frases s'ampulla est tirulatírula de ozu, comente l'as prena a tropu ◊ so murghindhe panes de mele: ndhe zuto sas manos tirulatírula Ètimu srd. Tradutziones Frantzesu débordant Ingresu brimming over Ispagnolu rebosante Italianu strabocchévole Tedescu überfließend.