Legenda Incurtzaduras | Legenda Sìmbulos

allusíngu , nm, nf: losinga* Definitzione cosa chi si faet o chi si narat a unu coment'e po dhu pigare in bonas, chentza dh'iscontroriare, a manera de dhi pràghere fintzes po dhu tènnere a favore, po dhu cumbínchere a calecuna cosa Sinònimos e contràrios abbréngulu, carigna, fiaca, frandhigu, imbímbinu, marieta / cdh. allisinga Frases cussu no ndhe cheret de allusingos pro fàghere su dovere! Tradutziones Frantzesu flatterie Ingresu flattery Ispagnolu lisonja Italianu lusinga Tedescu Schmeichelei.

anfanía , nf Sinònimos e contràrios ammaju, brúglia, losinga Frases cun bàtoro anfanias l'at apasigadu ◊ s'anfania de una pupia gai bella at fatu giambare idea fintzas a maridu meu, chi puru a ditzu tenet Issogadimónios! Ètimu itl. anfania Tradutziones Frantzesu flatterie Ingresu flattery Ispagnolu lisonja Italianu lusinga, seduzióne Tedescu Verlockung.

frandhígu , nf, nm: frandiga, fràndigu, frandigu, frànnigu Definitzione cosa chi si narat o si faet a s'àteru pigandhodhu cun delicadesa, coment'e ammostandhodhi amore (fintzes si no sèmpere po su bonu) Sinònimos e contràrios acasàgiu, cocoilledha, frandigadura, improsu, inzamu, losinga | ctr. ameletzu, amminetu, meneta Frases fiant po issa denghis e frandigas a totu fai (R.Spissu)◊ no mi ndi andu sentza de su dinai chi mi depit: no mi ndi fatzu nudha de is frandigus suus! ◊ fustei est sempri cun custus frandigus de… cú! ◊ luegus curriat fendimí frandigu, si trantzemu is passus fiat avatu miu ◊ a issu ni frandigus ni amaletzus fiant arrenéscius a nci dhu scadhiai (F.Carlini) Sambenados e Provèrbios prb: mellus su strúlliu de sa mama chi no su frandigu allenu Ètimu srd. Tradutziones Frantzesu flatterie, manigance Ingresu blandishment, trick Ispagnolu lisonja, embaucamiento Italianu lusinga, blandìzie, raggiro Tedescu Verlockung, Hintergehung.

imbímbinu , nm: imbrímbinu Sinònimos e contràrios abbréngulu, carigna, denga, dengheria, imbràmbulu, iscancériu, melindru, pacia, marieta Frases cantas bortas drommida so in coa e m'intendhio segura e cuntenta chentza perunu imbímbinu e lamenta! (M.L.Pisanu) Ètimu srd. Tradutziones Frantzesu flatterie Ingresu flattery Ispagnolu lisonja (f) Italianu lusinga Tedescu Schmeichelei.

«« Torra a chircare