Ditzionàriu in línia
de sa limba e de sa cultura sarda

aciòta , nf: atzota, ciota, tzota Definitzione tira longa de corria fata po iscúdere; a logos, atzota est fintzes su chirrione chi essit in s'ispiga de su moriscu Sinònimos e contràrios aciotu, gigota, làtigu, passillu, tziraónia Frases cussos meritaiant de èssere ammodhigados cun atzota, fàmine e trotza (Ptz.Mura) Terminologia iscientìfica ans Ètimu spn. azote Tradutziones Frantzesu fouet Ingresu whip Ispagnolu azote Italianu frusta, flagèllo Tedescu Peitsche.

aciotàda , nf: aciotara, atzotada Definitzione cropu de aciota Sinònimos e contràrios corriada, illatigada, iscorriada, nerbiada / cdh. aciutatura Frases is dis fiant passadas cun lentesa infinia, tochendi is oras e is minutus coment'e aciotadas ◊ candho nos intendhiat alleghendhe in sardu, su mastru nos daiat tres atzotadas Ètimu srd. Tradutziones Frantzesu coup de fouet Ingresu lash Ispagnolu azote, latigazo Italianu frustata Tedescu Peitschenhieb.

corriàda , nf Definitzione cropu, iscrabigada de corria, de aciotu Sinònimos e contràrios aciotada, iscorriada, nerbiada, zironiada Ètimu srd. Tradutziones Frantzesu coup de fouet Ingresu lash Ispagnolu azotada, latigazo Italianu staffilata Tedescu Knutenhieb.

illatigàda , nf Definitzione cropu giau a làtigu Sinònimos e contràrios aciotada, afuetada, fusticada, iscorriada Ètimu srd. Tradutziones Frantzesu coup de fouet Ingresu lash Ispagnolu latigazo, azote Italianu sferzata Tedescu Peitschenhieb.

irfoetàda , nf: irvoetada, isfoetada, isfuetada Definitzione cropu de foete; tzàcurru chi faet su foete iscudendho Sinònimos e contràrios aciotada, afuetada, iscorriada, iscuitzada / iscóchidu / cdh. sfuitata Frases at coitadu a ch'essire càdriu a s'irfoetada! ◊ no apo bidu nudha, ma s'intendhiant sas irfoetadas ◊ che un'isfoetada iscuta a carres nudas e a s'iscunfidada mi as pienu su coro de assuconu 2. sas irfoetadas de s'abba, mulinada dae sa tramuntana, lis marmurabat sa carena Ètimu srd. Tradutziones Frantzesu coup de cravache, coup de fouet Ingresu lash Ispagnolu latigazo Italianu scudisciata, sferzata Tedescu Peitschenhieb.

iscorriàda , nf: iscorriata, iscurriada, scorriada Definitzione cropu de corria, de foete o fintzes de àteru; segada, segadura in s'orrobba Sinònimos e contràrios aciotada, illatigada, iscorriolada / dannu, irbrúnchiu, iscórriu, male Maneras de nàrrere csn: onzunu picat s'i. sua = onzunu tenet sos males suos; i. de fogu = pampada Frases a su fizu li at dadu un'iscorriada de tzinta ◊ li at allutu sa cara chin d-un'iscorriada de chicone 2. no bastat su tzàpulu a s'iscorriada 3. si nche intenniant sos cànticos e sas iscorriatas de sonete dae unu capu a s'àteru de sa vidha ◊ comente finit de narre su frastimu, cudhu piciochedhu at giau un'iscorriada de fogu e ispariu: fiat su maschinganna! Ètimu srd. Tradutziones Frantzesu coup de fouet Ingresu stroke Ispagnolu azote (m), latigazo Italianu frustata Tedescu Peitschenhieb.

passíllu , nm Sinònimos e contràrios aciota, làtigu, tziraónia Ètimu srd. Tradutziones Frantzesu fouet Ingresu whip Ispagnolu látigo, azote Italianu frusta Tedescu Peitsche.

tziraónia , nf: girónia, sirónia, tzirogna, tzirónia, zirógnia Definitzione tira longa de corria, po iscúdere, fata de córgiu de pegus de bulu, intéssia Sinònimos e contràrios aciota, làtigu, nébriu, passillu Ètimu srd. Tradutziones Frantzesu fouet Ingresu whip Ispagnolu látigo Italianu staffile, frustino Tedescu Peitsche.