Ditzionàriu in línia
de sa limba e de sa cultura sarda

allescinài , vrb: alliscinai, liscinai Definitzione nau de css. cosa, su si mòvere o andhare a tragu in logu lisu (o de cosa lisa), mescamente orruendho (foedhandho de unu), candho no faet a pònnere su pei in firmu o arrèschere unu pagu Sinònimos e contràrios cadriare, fugire, illascinare, illigigare, illiscigare, iscadriare, iscalusciare, istrissinare, lascinare*, lassingiare, lissiai 1, lissiniri, rascinare, sliscinai Tradutziones Frantzesu glisser Ingresu to slide Ispagnolu deslizar, resbalar Italianu scivolare Tedescu rutschen.

cadriàre , vrb Definitzione andhare, mòvere in pitzu de unu logu lisu chentza ndhe pesare is peis Sinònimos e contràrios allescinai, fugire, illascinare, illiscigare, iscadriare, iscalusciare, istrissinare, lascinare, lassingiare, lissiniri Tradutziones Frantzesu glisser Ingresu to slide Ispagnolu deslizar Italianu scivolare, sdrucciolare Tedescu rutschen.

fugíre, fugíri , vrb: fuzire Definitzione andhare illascinandho, mòveresi o mòvere a tragu, nau mescamente de cosa chi no est firma, chi est in cosa o logu lisu; fintzes trantzire, istesiare apostadamente / fàiri su fugivugi = andhare o mòeresi a fuzidura, alliscinendi; fugire una cosa = tasire una cosa, lassàrela a tempus addainanti Sinònimos e contràrios allescinai, cadriare, illascinare, illiscigare, iscadriare, iscafuzire, istrissinare, lascinare, lassingiare, lissiniri, sfugiri / istregire Frases at fuzidu e si at fatu male ◊ so fuzidu in s'astrau ◊ faghindhe s'isterzu mi ch'est fuzidu su piatu dae manos ◊ at fugiu e ist orrutu puru 2. o is de Cortigedha nci fugint sa diga a una parti, o cinono nci fugint s'erriu prus adhai! Ètimu itl. (s)fuggire Tradutziones Frantzesu glisser Ingresu to slide Ispagnolu resbalar, deslizar Italianu scivolare Tedescu gleiten.

illascinàre , vrb: illassinare, illassinzare, illassizare Definitzione nau de css. cosa, su si mòvere o andhare a tragu in logu lisu (o de cosa lisa), a illascinadura, mescamente orruendho, candho su pei no abbarrat postu firmu Sinònimos e contràrios allescinai, illiscigare, illuscigare, iscadriare, iscrafuzire, istrissinare, lassingiare, lissiai 1, lissiniri, rascinare Frases prus atintzione aiant postu passanne in su ponte de ferru ca podiat fàghere illassinzare sos cadhos ◊ in su mudore de sa cussorza s'intenniat solu su cróculu de sa funtana pàsida illassizanne ◊ passaiamus tota sa die gioghendhe a boces de nie, proendhe fintzas a illascinare in calchi faladolza Ètimu srd. Tradutziones Frantzesu glisser Ingresu to slide Ispagnolu deslizar Italianu sdrucciolare, scivolare Tedescu gleiten, rutschen.

iscadriàre , vrb: iscradiare, iscraidare, iscraliare Definitzione mòvere, camminare cun is peis chentza dhos artzare de terra ca su logu no dhos lassat arrèschere: si podet nàrrere de àtera cosa puru chi si movet a sola in logu tropu allisau o in calada (o fintzes de cosa lisa chi fuit o essit de manos) Sinònimos e contràrios allescinai, cadriare, fugire, illascinare, illiscigare, irrusciulare, iscalusciare, lascinare, lassingiare Frases che so iscadriadu in terra ◊ m'iscràdiat che iscata de sabone dae manos ◊ candho at bidu su fizu iscadriendhe in s'oru de una raza est curtu che lampu ◊ candho est pro nos intrare in punzu nos iscàdriat che colora dae manu ◊ che li est iscraliada sa tzicheredha dae manos Ètimu srd. Tradutziones Frantzesu glisser Ingresu to skid Ispagnolu deslizar Italianu slittare Tedescu rutschen.

iscalusciàre , vrb Sinònimos e contràrios allescinai, cadriare, fugire, illascinare, illiscigare, illiscighinare, iscadriare, lascinare, lassingiare Frases sa cosa li est iscalusciada dae manos Tradutziones Frantzesu glisser Ingresu to slip Ispagnolu resbalar Italianu sdrucciolare Tedescu ausgleiten.

lassingiàre , vrb: lassinzare, lossingiai, lussinzai Definitzione andhare o mòvere chentza pòdere arrèschere, chentza pòdere agguantare su pei firmu Sinònimos e contràrios allescinai, illascinare, illiscigare, iscadriare, istrissinare, lascinare*, lissiniri Frases sa matzoca mi nc'est lossingiada de manus Tradutziones Frantzesu glisser Ingresu to slide Ispagnolu resbalar Italianu scivolare Tedescu gleiten.

liscinài , vrb: allescinai, lissinai Definitzione nau de css. cosa, su si mòvere o andhare in logu lisu (o de cosa lisa), ma mescamente orruendho, chentza pòdere firmare su pei Sinònimos e contràrios cadriare, fugire, illascinare, illiscigare, iscadriare, istrissinare, lascinare*, lissiniri Frases cumenti ghetat su pei po ci cabai, líssinat e ci arrúmbuat a bàsciu ◊ su pisci liscinat de manus Tradutziones Frantzesu glisser Ingresu to slip Ispagnolu deslizarse, resbalar Italianu scivolare Tedescu gleiten, rutschen.

sucúrrere , vrb: assuncurri, suncúrrere, suncurri, suncúrriri Definitzione su passare o mòvere una cosa in s'àtera a illascinadura: prus che àteru si narat de unu lobu unu pagu lascu in sa fune o àteras cosas deasi / pps. sucurtu 1, suncurtu 1 Sinònimos e contràrios alliscinai Frases custa funi no suncurrit ◊ dhu portat acapiau a crobu de suncurri ◊ dh'iant fatu passai unu nuu de suncúrriri in su tzugu 2. si ghetat una tassa de vinu e che la sucurret totu a una tirada Tradutziones Frantzesu glisser Ingresu to glide, to shuffle Ispagnolu deslizarse, arrastrar Italianu scórrere, strisciare Tedescu gleiten, kriechen.