Ditzionàriu in línia
de sa limba e de sa cultura sarda

allescinài , vrb: alliscinai, liscinai Definitzione nau de css. cosa, su si mòvere o andhare a tragu in logu lisu (o de cosa lisa), mescamente orruendho (foedhandho de unu), candho no faet a pònnere su pei in firmu o arrèschere unu pagu Sinònimos e contràrios cadriare, fugire, illascinare, illigigare, illiscigare, iscadriare, iscalusciare, istrissinare, lascinare*, lassingiare, lissiai 1, lissiniri, rascinare, sliscinai Tradutziones Frantzesu glisser Ingresu to slide Ispagnolu deslizar, resbalar Italianu scivolare Tedescu rutschen.

allescínu , nm Definitzione su fuzire, su lissinai Sinònimos e contràrios fuzidura, lascíngiu, lassinonzu, liscinamentu Ètimu srd. Tradutziones Frantzesu glissement Ingresu sliding Ispagnolu resbalamiento, resbalón Italianu scivolaménto Tedescu Rutschen.

cadriàre , vrb Definitzione andhare, mòvere in pitzu de unu logu lisu chentza ndhe pesare is peis Sinònimos e contràrios allescinai, fugire, illascinare, illiscigare, iscadriare, iscalusciare, istrissinare, lascinare, lassingiare, lissiniri Tradutziones Frantzesu glisser Ingresu to slide Ispagnolu deslizar Italianu scivolare, sdrucciolare Tedescu rutschen.

illascinàre , vrb: illassinare, illassinzare, illassizare Definitzione nau de css. cosa, su si mòvere o andhare a tragu in logu lisu (o de cosa lisa), a illascinadura, mescamente orruendho, candho su pei no abbarrat postu firmu Sinònimos e contràrios allescinai, illiscigare, illuscigare, iscadriare, iscrafuzire, istrissinare, lassingiare, lissiai 1, lissiniri, rascinare Frases prus atintzione aiant postu passanne in su ponte de ferru ca podiat fàghere illassinzare sos cadhos ◊ in su mudore de sa cussorza s'intenniat solu su cróculu de sa funtana pàsida illassizanne ◊ passaiamus tota sa die gioghendhe a boces de nie, proendhe fintzas a illascinare in calchi faladolza Ètimu srd. Tradutziones Frantzesu glisser Ingresu to slide Ispagnolu deslizar Italianu sdrucciolare, scivolare Tedescu gleiten, rutschen.

illiscigàda , nf Definitzione orruta a illascinadura Sinònimos e contràrios alliscinada, dissallida, fuzida, iscadriada Ètimu srd. Tradutziones Frantzesu glissade Ingresu sliding Ispagnolu resbalón Italianu scivolata Tedescu Rutschen.

iscadriàda , nf Definitzione su iscadriare, orrutòrgia a illascinadura Sinònimos e contràrios alliscinada, dissallida, fuzida, liscigada, scrantiada Frases Maria si at segadu su cadinu torrendhe dae s'abba…: in sa falada pítzigat custa fea iscadriada, ch'est ruta a costa longa in su terrinu (A.Bocchinu) Ètimu srd. Tradutziones Frantzesu glissade Ingresu slide, fall Ispagnolu resbalón Italianu scivolata, scivolóne Tedescu Rutschen, Rutsch.

iscadriadúra , nf Definitzione su iscadriare Sinònimos e contràrios fuzidura, liscinamentu Frases sos pisedhos che pigant a sas àrbules mannas in su truncu e ndhe falant in sos rampos a iscadriadura Ètimu srd. Tradutziones Frantzesu glissement Ingresu skid Ispagnolu deslizamiento Italianu slittaménto Tedescu Rutschen.

iscadriàre , vrb: iscradiare, iscraidare, iscraliare Definitzione mòvere, camminare cun is peis chentza dhos artzare de terra ca su logu no dhos lassat arrèschere: si podet nàrrere de àtera cosa puru chi si movet a sola in logu tropu allisau o in calada (o fintzes de cosa lisa chi fuit o essit de manos) Sinònimos e contràrios allescinai, cadriare, fugire, illascinare, illiscigare, irrusciulare, iscalusciare, lascinare, lassingiare Frases che so iscadriadu in terra ◊ m'iscràdiat che iscata de sabone dae manos ◊ candho at bidu su fizu iscadriendhe in s'oru de una raza est curtu che lampu ◊ candho est pro nos intrare in punzu nos iscàdriat che colora dae manu ◊ che li est iscraliada sa tzicheredha dae manos Ètimu srd. Tradutziones Frantzesu glisser Ingresu to skid Ispagnolu deslizar Italianu slittare Tedescu rutschen.

liscinài , vrb: allescinai, lissinai Definitzione nau de css. cosa, su si mòvere o andhare in logu lisu (o de cosa lisa), ma mescamente orruendho, chentza pòdere firmare su pei Sinònimos e contràrios cadriare, fugire, illascinare, illiscigare, iscadriare, istrissinare, lascinare*, lissiniri Frases cumenti ghetat su pei po ci cabai, líssinat e ci arrúmbuat a bàsciu ◊ su pisci liscinat de manus Tradutziones Frantzesu glisser Ingresu to slip Ispagnolu deslizarse, resbalar Italianu scivolare Tedescu gleiten, rutschen.

liscinaméntu , nm Definitzione su liscinai, andhare illascinandho Sinònimos e contràrios iscadriadura, lassinonzu Ètimu srd. Tradutziones Frantzesu glissement Ingresu slipping Ispagnolu deslizamiento Italianu scivolaménto Tedescu Gleiten, Rutschen.