Legenda Incurtzaduras | Legenda Sìmbulos

craédhu , nm: acraedhu, criedhu Definitzione gànciu po mantènnere serrau su portellitu de is ghennas e fentanas, ma fintzes css. cosa chi serbit a mantènnere serrada un'apertura (furriotus, gancitus, spigonis de ferru) e mescamente unu serru a crae Sinònimos e contràrios crica, giótula, giredha, lótura, zócula / creàmini Frases serra bèni sa porta e ponidhi su criedhu! ◊ est unu cascionedhu chi no portat ne crai e ne criedhu ◊ intrat su pipiu in bagnu e serrat sa porta cun su criedhu! 2. cussu est imbriagu che criedhu ◊ de sa cuntentesa ti fiast imbriagau cumenti a unu criedhu! Terminologia iscientìfica srr Tradutziones Frantzesu serrure Ingresu fastening Ispagnolu aldabilla, trinquete Italianu serrame Tedescu Verschluß.

creàmini , nm: criàmini Definitzione totu su chi serbit a mantènnere serradas is gennas Sinònimos e contràrios craedhu, fríschiu, serradura Frases at inténdiu girendi sa crai in su criàmini Terminologia iscientìfica srr Ètimu srd. Tradutziones Frantzesu serrure Ingresu lock Ispagnolu cerradura Italianu serratura Tedescu Verschluß.

fríschiu , nm: frísciu, friscu, frúschiu 2, frúsciu 2 Definitzione aparíciu chi si ponet pruschetotu a is gennas po dhas pòdere serrare a crae / frísciu muriscu = luchete; èssere a ciae e a frísciu = nau de fémina, àere maridu contaredhu, chi dhi contat fintzes s'úrtimu sodhu, no dhi donat fidi e dhi criat sa cosa po no ndi tocai Sinònimos e contràrios serràrgiu Frases at bidu un'upa fine fine intrendhe in s'istampa de su frísciu ◊ imbreacu, isterriat su bratzu ameriànnesi s'istampu de su fríschiu ◊ at postu donzi cosa suta frísciu 2. su vísciu intrat in dogni conca sentza frísciu Terminologia iscientìfica srr Ètimu ltn. fist(u)la Tradutziones Frantzesu serrure Ingresu lock Ispagnolu cerradura Italianu serratura Tedescu Schloß.

serradúra , nf Definitzione su serrare; aparíciu chi serbit po poderare serradas is gennas Sinònimos e contràrios friscadura, tancadura Ètimu itl. Tradutziones Frantzesu serrure Ingresu lock Ispagnolu cerradura Italianu serratura Tedescu Schloß.

tancadúra , nf Definitzione su tancare; cosa chi serbit a tancare (es. t. de s'enna = su craedhu, su friscu) fintzes a bisura de covecu / genias de t.: a cascioni, a crica, morisca; partes de una t.: sa plància, su molinetu cun s'agu (chi girat cun crae fémina: su molinetu sentza agu ghiat sa crae mascu), su ponte, inue intrat sa crae (a s'àtera parte de sa plància), s'agu o agulla (chi intrat in sa crae fémina), su scudetu (chi si cravat a parte de foras de sa genna, inue intrat sa crae), is guàrdias (chi intrant in is dentes de sa crae), su stampu o tupa (ue intrat sa crae) Sinònimos e contràrios friscadura, serradura, serru / cobecu / lacanadura Frases su 1820 fit issia sa leze de sas tancaduras pro andhare in addóbiu a sa propiedade privada 2. a su sonu de is crais in sa tancadura si fut furriau 3. fut po lassai de iscorrovetai candu sa paja tocat una cosa tostara: fut sa tancadura de una càscia Ètimu ctl. Tradutziones Frantzesu serrure Ingresu lock Ispagnolu cerramiento, cerradura Italianu serratura, chiusura Tedescu Schloß.

«« Torra a chircare