Ditzionàriu in línia
de sa limba e de sa cultura sarda

bruscería , nf Definitzione genia de meighina chi faent is majàrgios e majàrgias Sinònimos e contràrios aciseria, acisu, afadamentu, afatúgiu, coghímini, fadia 1, fatura, maghia, magina, maina, majalzadoria, strimíngiu Frases sa genti, de is bruscerias tuas gei ndi podit fai de mancu! ◊ a cussas bruscerias no nci creu prus, no seu ancora pipiu! Ètimu ctl., spn. bruxería, brujería Tradutziones Frantzesu sorcière Ingresu sorceress Ispagnolu brujería Italianu fattucchierìa Tedescu Hexerei.

brúscia , nf: brussa, bruxa 1 Definitzione fémina chi faet fatúgios; fémina mala chi istat sèmpere in crica de ómines; una genia de arangioledhu chi assimbígiat unu pagu a s'àrgia / erba de brúscias = Stachys arvensis Sinònimos e contràrios brusciona, coga, fatiàrgia, maghiàglia, mainàrgia / brusciota / aragnolu Frases dhi contàt is contus de is brúscias de s'antigóriu, candu in bidha fintzas is predis fiant brúscius ◊ in bidha nostra sa genti narat "bruxa" e no "brúscia" Ètimu ctl., spn. bruxa Tradutziones Frantzesu sorcière Ingresu witch Ispagnolu bruja Italianu stréga Tedescu Hexe.

còga , nf Definitzione fatiàrgia, fémina chi faet majarzadorias, fatúgios; èssere de sa fantasia / saucu de cogas = bolàdiga o sambinzu Sinònimos e contràrios brusciona, maghiàglia, mainàrgia Frases sa coga iat betau vrebbu légiu a chini fut addolimendu in su letu 2. unu tempus si agatàt una coga mala, pitica e lexa, cun s'ischina acorcoedhà e su nasu longu ◊ iat allutu una làntia a santu Sisinni po ndi libberai sa domu e su pipìu de is cogas ◊ a dedie sa coga podiat èssere una fémina che is atras, ma dónnia note si trasformàt in s'ispíritu Sambenados e Provèrbios smb: Coga Ètimu ltn. coca Tradutziones Frantzesu sorcière Ingresu witch Ispagnolu bruja Italianu fattucchièra Tedescu Zauberin.