Ditzionàriu in línia
de sa limba e de sa cultura sarda

acísu , nm: artzisu, ecisu Definitzione genia de fortza de sa bellesa chi faet incantare Sinònimos e contràrios acisori / aciseria, afatúgiu, brusceria, fadia 1, fatura, maghia, magina, maina Frases sa bellesa sua est s'acisu de totu sos coros! ◊ issa fit s'acisu meu, issa s'únicu recreu! (P.Mossa)◊ no ti poto olvidare, sendhe de me veru acisu! ◊ cussa picioca est s'acisu de sos ojos mios! Ètimu srd. Tradutziones Frantzesu sort, ensorcellement Ingresu spell Ispagnolu hechizo Italianu incanto, fàscino Tedescu Zauber.

assorteài , vrb: sortae Definitzione tirare a sorte, fàere a billetes, a chie tocat tocat Ètimu spn. Tradutziones Frantzesu tirer au sort Ingresu to choose by lot Ispagnolu sortear Italianu sorteggiare Tedescu auslosen.

ispinzadúra , nf Definitzione su ispinzare; genia de fortza, de capacidade de fàere male a s'àteru solu po dh'abbaidare; male chi benit a chie dh'ant pitzigau de ogu Sinònimos e contràrios fura / ispinzamentu, oguliau Ètimu srd. Tradutziones Frantzesu sort (mauvais) Ingresu evil-eye Ispagnolu aojadura, mal de ojo Italianu iettatura Tedescu unheilbringender Einfluß.

ispinzàre , vrb Definitzione fàere s'ispinzu, furare unu o is pinzos a ccn., calecuna cosa po dha tènnere coment'e pinzos; arretirare su pinzos giau po asseguramentu; pitzigare de ogu Sinònimos e contràrios ispinzorare / pindaciai Frases s'ómine no si depet mai ispinzare ◊ a su mortu dh'ispinzant: che dhi segant unu pagu de pilos, sas ungas, dh'imbóligant in paperi e dhu chistint 3. sa pitzinna l'apo impinnada a sa nobena de su Cossolu dae candho, ca mi l'aiant ispinzada, ch'est ruta a sa padedha budhindhe ◊ benint a ischire chi a Luguniu li aiant ispinzau sa fémina Ètimu srd. Tradutziones Frantzesu voler, jeter un sort sur qqn Ingresu to rob, to cast evil-eye on s.o Ispagnolu robar, aojar Italianu rubare, iettare Tedescu stehlen, den bösen Blick werfen auf.

majínzu , nm Definitzione cosa chi iat a tènnere sa capacidade de fàere s'impossíbbile…: genia de majarzadoria, de fatúgiu Ètimu srd. Tradutziones Frantzesu conjurer le mauvais sort Ingresu superstitious practice Ispagnolu conjuro Italianu scaramanzìa Tedescu Beschwörung.

oghiadòre, oghiadòri , nm Definitzione cudhu chi nanca pítzigat de ogu, ferit a ocru Sinònimos e contràrios oghiesse, ogriarzu, pedhinu, pindàciu Frases a unu chi podet fàghere male cun s'oghiada lu giamant oghiadore Ètimu srd. Tradutziones Frantzesu jeteur de sort Ingresu jinx Ispagnolu gafe, cenizo Italianu iettatóre Tedescu Unglücksbringer.

pindàciu , agt, nm Definitzione chi o chie acostumat a pindaciai o tenet su podere de pindaciai Sinònimos e contràrios oghiadore, ogriarzu, pedhinu Ètimu srd. Tradutziones Frantzesu jeteur de sort Ingresu jinx Ispagnolu gafe, cenizo Italianu iettatóre Tedescu Unglücksbringer.

pregantàe, pregantài , vrb Definitzione fàere pregantos Tradutziones Frantzesu conjurer le mauvais sort Ingresu to touch wood Ispagnolu hacer conjuros Italianu fare scongiuri, scongiurare Tedescu beschwören, bannen.

sorteaméntu , nm Definitzione su sorteai, fàere a sorte Ètimu srd. Tradutziones Frantzesu tirage au sort Ingresu draw Ispagnolu sorteo Italianu sortéggio Tedescu Auslosung.

sortéri 1 , nm Definitzione donniuna de is personas o cosas chi si depent fàere a billetes, a chie (o su chi) essit, a chie tocat Tradutziones Frantzesu personnes ou choses à tirer au sort Ingresu drawing for (lots) Ispagnolu lo que va a ser sorteado Italianu sorteggiando Tedescu durch Los bestimmen.