acísu , nm: artzisu, ecisu Definitzione genia de fortza de sa bellesa chi faet incantare Sinònimos e contràrios acisori / aciseria, afatúgiu, brusceria, fadia 1, fatura, maghia, magina, maina Frases sa bellesa sua est s'acisu de totu sos coros! ◊ issa fit s'acisu meu, issa s'únicu recreu! (P.Mossa)◊ no ti poto olvidare, sendhe de me veru acisu! ◊ cussa picioca est s'acisu de sos ojos mios! Ètimu srd. Tradutziones Frantzesu sort, ensorcellement Ingresu spell Ispagnolu hechizo Italianu incanto, fàscino Tedescu Zauber.

afadaméntu , nm Definitzione su afadai, pruschetotu nau po fàere fatúgios Sinònimos e contràrios afatúgiu, ammaju, brusceria, ifumentu, maina Ètimu srd. Tradutziones Frantzesu enchantement Ingresu spell Ispagnolu hechizo Italianu incantésimo Tedescu Zauber.

ammàchiu , nm Definitzione cosa o unu chi faet ammachiare de cantu praghet o de cantu est bellu: nau a befa o in cobertantza, su contràriu / tènniri a. po unu = èssere ammachiados, alluscados pro unu Sinònimos e contràrios abbaradhamentu, dischíssiu 2. coromeu carigadu, ses un'ammàchiu!… Ètimu srd. Tradutziones Frantzesu enchantement, folie, tocade Ingresu madness, spell, infatuation Ispagnolu encanto, chaladura Italianu incanto, follía, infatuazióne Tedescu Zauber, Wahnsinn, Schwärmerei.

ammàju , nm: ammaxu Definitzione cosa chi si faet po ammajare, cosa chi ammajat, incantat Sinònimos e contràrios abbaradhu, allériu, anfania, incantu / afatúgiu, brusceria, ifumentu, maina Frases su tempus de sa recuida bi l'at sonadu s'istima a sos disamparados de sa terra sua, s'ammaju de sa terra matessi 2. sa zente sardignola isputzit su faedhu de sos ajajos e leat bona iscola de lorodhos anzenos e ammajos (P.Casu) Ètimu srd. Tradutziones Frantzesu enchantement, charme Ingresu spell, charm Ispagnolu hechizo, encanto Italianu fàscino, incantaménto, seduzióne Tedescu Verzauberung.

cumpitàre , vrb Definitzione lígere, pònnere impare is líteras a unas a unas Sinònimos e contràrios cofuzire, confúgere Tradutziones Frantzesu épeler Ingresu to spell Ispagnolu deletrear Italianu compitare Tedescu buchstabieren.

fadía 1 , nf: fatia Definitzione cosa fata, cosa chi si faet po afatugiare a ccn. Sinònimos e contràrios aciseria, acisu, afatúgiu, brusceria, fatura, maghia, magina, maina Frases cussa fémina mi at fatu una fatia poita no mi seu bófiu cojai cun issa Ètimu srd. Tradutziones Frantzesu maléfice, ensorcellement Ingresu spell Ispagnolu hechura, hechizo Italianu fattura, incantésimo Tedescu Hexerei, Zauberei.

incàntu , nm Definitzione su incantare; cosa chi faet incantare de cantu est bella o bona, su abbarrare o èssere incantaos; fintzes fata de majàrgiu, incantamentu Sinònimos e contràrios abbéliu, abberelu, axébiu / afatúgiu, brusceria, maina Frases incantos divinos brotat sa terra pro chi mi console (S.Casu)◊ fis funtana de incantu, chiterra betza frundhida! ◊ ojos de incantu, palma fiorida, nadu mi ant chi ti partis! ◊ bellu un'incantu, cussu zòvanu! 2. Abramu prommiteit a Deus Isacu, su fizu, pesadu che pipia de incantu 3. s'ocru de su puzone est pedhinu, corfat, ghetat un'incantu ◊ como puru ti l'as iscampata: tue deves giúchere incantu! Ètimu itl. Tradutziones Frantzesu charme, extase Ingresu spell Ispagnolu encanto Italianu incanto, èstasi Tedescu Zauberei, Begeisterung.

magína , nf: matzina, mazina Definitzione cosa fata cun foedhos fortes, fintzes cosa a bufare chi si giaet po fàere una genia de miràculu, cosas de incantu Sinònimos e contràrios aciseria, acisu, afatúgiu, almaia, brusceria, coghímini, fadia 1, fatura, maghia, maina, punga Frases serru is ogus e po mazina benis a mi agatai ◊ obèrgiu is ogus e povintzas sa mazina isciúsciat totu sa berirari ◊ is bixinus nostus funt brúscius, sempri fendi matzinas Ètimu ctl. matzina Tradutziones Frantzesu charme Ingresu spell Ispagnolu hechizo, embrujo Italianu malìa, incantésimo Tedescu Zauber, Zauberei.

«« Torra a chircare