Ditzionàriu in línia
de sa limba e de sa cultura sarda

carrapài , vrb Definitzione andhare o pigare a trisinadura, coment'e pigandho a tragu in terra, andhare a su pàusa pàusa, abbellu abbellu, a su firma firma, fintzes a su tzàntziga tzàntziga, coment'e chie no si dha faet a camminare Frases andat totu carrapa carrapa… est cumenti a una cubidina: chi arruit s'isciàsciat! ◊ carrapendu in s'amuinu de s'ispàssiu s'intendint is passus de sa sciampita ◊ su fadiori dhi alletiàt is cambas finas a si dhas fai carrapai in su pomentu (F.Carlini) Tradutziones Frantzesu traîner, clopiner Ingresu to trail Ispagnolu arrastrar Italianu strascicare Tedescu schleifen.

istrascinadúra , nf: istrasinadura Definitzione su istrascinai Sinònimos e contràrios trazadura, trazu, trisinadura / cdh. straxinatura Ètimu srd. Tradutziones Frantzesu action de traîner Ingresu trailing Ispagnolu arrastre Italianu strascinaménto Tedescu Schleppen.

istrascinài , vrb: istraxinare, istrasinai, istrasinare, strascinai Definitzione pigare, portare, tirare a tragu, andhare illascinandho Sinònimos e contràrios atrasinai, istrasigare, istrisignare, strisingiai, trajinare, trazare, trisinare 2. istràsinat sa vida che tilingrone in sa rena ◊ su crastu istràsinat in su lutu ◊ andhat a s’istrasina istrasina che colora Tradutziones Frantzesu ramper, traîner Ingresu to drag (along) Ispagnolu arrastrar Italianu strisciare, trascinare, strascinare Tedescu kriechen, schleifen.

istrasínzu , nm: strasíngiu, strisíngiu Definitzione su istrisinare, sa moida chi si faet trisinandho, tragandho cosa Sinònimos e contràrios istrísinu, trasíngiu, trasinonzu, trisíngiu Ètimu srd. Tradutziones Frantzesu action de traîner Ingresu trailing Ispagnolu arrastre Italianu strascinìo Tedescu Schleppen.

istripidàre , vrb: istripitare Definitzione fàere una genia de movimentu cun is cambas, ponendhodhas a grughe ballandho; fàere tzàcurros cun is peis iscudendho su fundhu de s'iscarpa a terra ballandho, fàere istribitu fintzes po cosa in contràriu Sinònimos e contràrios aciapitai, atzopitai, istripizare, sciampitai / bacanare, sciumbullai, tzacai Frases "Ràida?!…" isclameit, istripidèndhesi a sa notíscia ◊ àltziat sa boghe, si leat matana, istrípidat e sonat e, si li dant contra, segat s'arresonu ◊ eris note fit ballendhe: deo no lu aio bidu mai gai allegru, istripidendhe forte cun ambos pes! 2. prima de iscanzare die si est ischituladu e a pupa de iscuru est isérghidu che cane istripidadu (G.Mele) Tradutziones Frantzesu piétiner, trainer les pieds, faire du vacarme Ingresu to make an uproar, to shuffle Ispagnolu pisotear Italianu scalpicciare, strepitare Tedescu zertrampeln, lärmen.

istrisignàre , vrb: istrisinare, striscinai Definitzione pigare cosa trísina trísina chentza dh'artzare de terra, andhare a su friga friga in terra, fintzes illascinare; pònnere crocaos istérrios in terra / istrisignare is dentes = arrodare dentes, tzacarrai is dentis Sinònimos e contràrios atrasinai, istrascinai, istrisinzare, traginare, trazare, trijinare / allescinai / isterrigorzare Frases lèalu in pesu cussu traste, no l'istrísines in terra ca l'imbrutas! Tradutziones Frantzesu traîner Ingresu to drag Ispagnolu arrastrar Italianu trascinare Tedescu schleppen.

striscinài, strisiài, strisinài , vrb: istrisignare* Definitzione pigare o andhare a tragu, a su friga friga, a su trísina trísina Sinònimos e contràrios atrasinai, istrascinai, traginare, trazare, trijinare Tradutziones Frantzesu traîner Ingresu to drag Ispagnolu arrastrar Italianu strisciare, strascinare Tedescu kriechen, schleppen.

tragài , vrb: tragare Definitzione pigare a tragu, a tira / fai su traga traga (giogu) = andhare illascinadho cicios Sinònimos e contràrios batire, carrare, tranguai, trazare, trogonai Maneras de nàrrere csn: tragare a crastu, a pedra = iscúdere a crastu; tragare fogu = tzacare, pònnere o apuntai fogu; tragai is cambas caminendi = caminare a pelea Frases sa note che tragat su die ◊ no ti fatzas tragai: movidí! ◊ is carrus tragànt linnàmini e craboni de carriai in su trenu ◊ mi lassamu tragai de sa curiosidadi ◊ is piciocas iant tragau giarra a cofas ◊ su tiau nci dh'at tragau a s'inferru ◊ chi dhoi andat su babbu ndi dha tragat peri a tira! ◊ cudhos iscrapones fuint diasi mannos chi no dhos podiat tragare ◊ su binzarzu dh'ant presu cun sagones e tragau a bidha tira tira ◊ si ch'est andhau de domo tragandhosi unu matzucu a ifatu Ètimu ltn. *trahicare Tradutziones Frantzesu tirer, traîner Ingresu to pull, to tow, to drag Ispagnolu arrastrar Italianu tirare, trainare, trascinare Tedescu ziehen, schleppen.

traginàre , vrb: trasinai, trasinare, traxinare Definitzione pigare a tràinu, a tragu, a tira in terra / andhare o leare tràsina tràsina = a tràinu, illascinandho in terra Sinònimos e contràrios atrasinai, istrascinai, istrisignare, trazare Frases girant trasinendi ancora prus in bàsciu cunvintus de tocai su soli…◊ l'ant leadu a segus, parent trasinàndhelu a presone! ◊ su riu ndhe fit essidu trasinendhesiche cantu agataiat ◊ sos bentos ti che tiant trasinare in sos desertos de sa luna! (A.M.Secchi)◊ a su malevadadu che l'ant traxinadu peri sos ruos ◊ sos boes traxinaiant duos cantones pesosos in mesu de su trigu ◊ unu tempus sa mariposa fit ruca e andhabat trasinendhe ◊ su bentu ch'est traginendhe pabiros e foza Tradutziones Frantzesu traîner Ingresu to drag Ispagnolu arrastrar Italianu trascinare, strisciare Tedescu schleifen.

trazàre , vrb Definitzione andhare, pigare o portare a tragu, illascinandho in terra, a trebballu coment'e candho si pigat e trantzit cosa grae: nau de s'abba candho proet a meda, portare sa terra a bàsciu / andhare o leare traza traza = a tragu, alliscinendi in terra Sinònimos e contràrios atrasinai, istrascinai, istrisignare, traginare, tragai, tranguai, trasigare, trisinare, trogonai Frases onzunu in sa vida trazat pesantes cadenas ◊ de donos tuos no sias avaru a sos chi patint e sunt in azios, a sos chi trazant sa vida che rughe (P.Casu)◊ comente at próidu, e ca sa terra fit arada, s'abba at totu trazadu Tradutziones Frantzesu traîner, tirer Ingresu to drag, to haul Ispagnolu arrastrar Italianu trascinare, trainare Tedescu schleppen, nachschleppen.

trijinàre , vrb: trisinai, trisinare 1, trixinare Definitzione pigare o andhare a tragu, andhare a su friga friga; tratagasare casu; in cobertantza, cobèrrere / trísina trísina = a su friga friga, a trazu, trazendhe Sinònimos e contràrios atrasinai, istrascinai, istrisignare, traginare, trazare, trogonai / codhai Frases caminendhe àrtzia sos pes, no istes trisinendhe sas iscarpas! ◊ sunt che canes chi si cherent trisinare ◊ rispondheit annuzadu trisinendhe sas dentes ◊ su topi afracat su paperi e dhu trísinat a unu stampu ◊ sos boes in s'arzola passant subra de sas mannas trisinendhe una pedra ◊ essiat a denote trisinandho una pedhe in terra Ètimu itl. tracinare Tradutziones Frantzesu traîner, ramper, raser Ingresu to shuffle Ispagnolu arrastrar Italianu trascinare, strisciare Tedescu schleppen.