Ditzionàriu in línia
de sa limba e de sa cultura sarda

abbundhànscia, abbundhànsia, abbundhàscia , nf: abbundhàntzia, abbunnànscia, abbunnàntzia, bundhàntzia Definitzione su èssere meda de sa cosa Sinònimos e contràrios abbundhu, budàntzia, sobra | ctr. iscassia Frases s'arveghe cheret cota cun sale in abbundhàntzia pro èssere saborida ◊ arribba cosa a s'atunzu como chi ses in s'abbundhàntzia! ◊ aiant ricatu in abbundhànsia Tradutziones Frantzesu abondance Ingresu abundance Ispagnolu abundancia Italianu abbondanza Tedescu Überfluß.

bundhàntzia , nf: abbundhànscia*, bundhàssia, bunnàntzia Definitzione su èssere meda, nau de sa cosa Sinònimos e contràrios budàntzia, sobra | ctr. bisognu, carestia, grusura, iscassesa, iscassia Frases sos chi sunis in povertade apant bundhàntzia! Tradutziones Frantzesu abondance Ingresu abundance Ispagnolu abundancia Italianu abbondanza Tedescu Überfluß (an+Akk.).

cucàgna , nf: cucànnia Definitzione logu de bundhàntzia, de istare bene meda, cosa bundhante meda / s'àrbure de sa c. = istrandali, pinnone, puntellu untu a ozuseu chi ponent cun cosa apicada in punta a chie resessit a si ndhe la falare Frases fit pro sos Piemontesos sa Sardigna una cucagna (F.I.Mannu)◊ Europa cucagna de industriales, fortuna de grossistas 2. su piciochedhu est ampulau a s'àrburi de sa cucànnia Tradutziones Frantzesu cocagne Ingresu abundance Ispagnolu cucaña Italianu cuccagna Tedescu Scharaffenland.

deíscia , nf: deíssia, devíssia Definitzione cosa in bundhàntzia, a meda / a d. = a meda Sinònimos e contràrios abbundhànscia | ctr. iscassia, merchinzia Frases cantos teracos de babbu meu tenent pane a deíscia, e deo inoghe morindhe de fàmene! ◊ lis riet a intundhu su beranu cun sas bellesas suas a deíscia (P.Casu)◊ sa gioventura est beranu chi at sos donos a deíscia ◊ de lamentos si ndhe intendhet a deíscia ◊ pregaiant a su santu de lis cuntzèdere annadas bonas e salude a devíssia Ètimu itl. divizia Tradutziones Frantzesu abondance Ingresu abundance Ispagnolu abundancia Italianu dovízia Tedescu Fülle.

isciúscia , nf Sinònimos e contràrios allibbiamentu, divertera, gódiu, gosa, gosamentu, ispaju, lobru, reconsizu Frases ite bellu: inoghe est un'isciúscia! Tradutziones Frantzesu abondance, chance, plaisir Ingresu abundance, delight Ispagnolu abundancia Italianu abbondanza, cuccagna, godiménto Tedescu Überfluß.