Legenda Incurtzaduras | Legenda Sìmbulos

abbundài , vrb: abbundhare, bundhare Definitzione giare, produire o bogare a meda, nau mescamente de funtanas, de terras e matas Sinònimos e contràrios abbenai, abbundiri, rebbucare 1 | ctr. mancai 1, menguai Frases is fuedhus suus s'ant a abbundai sa cosa in su pratu o dh'ant a ismenguai? (I.Lecca)◊ a sos chi amus benes Deus los abbundhat pro los partiremus chin sos chi no ndh'azes Tradutziones Frantzesu abonder Ingresu to abound Ispagnolu abundar Italianu abbondare Tedescu im Überfluß vorhanden sein.

abbundhànscia, abbundhànsia, abbundhàscia , nf: abbundhàntzia, abbunnànscia, abbunnàntzia, bundhàntzia Definitzione su èssere meda de sa cosa Sinònimos e contràrios abbundhu, budàntzia, sobra | ctr. iscassia Frases s'arveghe cheret cota cun sale in abbundhàntzia pro èssere saborida ◊ arribba cosa a s'atunzu como chi ses in s'abbundhàntzia! ◊ aiant ricatu in abbundhànsia Tradutziones Frantzesu abondance Ingresu abundance Ispagnolu abundancia Italianu abbondanza Tedescu Überfluß.

brenúsciu, brenússiu, brenússu, brenúsu , nm: bronúsciu, brunúsciu Definitzione genia de capoto de furesu, unu tempus; is provistas, is benes de una famíglia Sinònimos e contràrios brennussone / ibbrunúsciu, luchidore, richesa, rinúsciu Frases desit a su pastore su brenusu sou e una manta pro si colcare ◊ no li servit frensada e ne brenusu ◊ dae sa lana bi ant téssidu unu telu pro li fàghere su brenusu 2. a bi ndhe at de brenússiu, in cussa domo!…◊ e andhe brenússiu chi tenes!…◊ o de laolzu siat o messera, isto peta a brunúsciu mandhighendhe Sambenados e Provèrbios prb: si cheres brunúsciu e paghe, prima pensa e posca faghe! Ètimu itl.l brenusu Tradutziones Frantzesu abondance Ingresu plenitude Ispagnolu abundancia Italianu abbondanza Tedescu Überfluß (an+Akk.).

isciúscia , nf Sinònimos e contràrios allibbiamentu, divertera, gódiu, gosa, gosamentu, ispaju, lobru, reconsizu Frases ite bellu: inoghe est un'isciúscia! Tradutziones Frantzesu abondance, chance, plaisir Ingresu abundance, delight Ispagnolu abundancia Italianu abbondanza, cuccagna, godiménto Tedescu Überfluß.

isumésciu , nm Definitzione unu tanti meda, cantidade manna, cosa abbundhante, a meda, in prus de su chi bisòngiat o serbit / i. de… = debberone…, meda Sinònimos e contràrios biaxi, isàsinu, isériu, issumàssia Frases unu tempus che fit sa malària, ma ch'est galu su bentu malu, s'abba a isumésciu, s'astrau chi brujat ◊ ojos de braja alluta cheria po brujare s'isumésciu de male chi est in terra ◊ su babbu a cua pianghet a isumésciu Tradutziones Frantzesu surabondance Ingresu superabundance Ispagnolu superabundancia Italianu sovrabbondanza Tedescu Überfluß.

«« Torra a chircare