delíscia , nf: delíssia, dellíssia, dilítzia Definitzione cosa chi praghet, chi faet praxere meda, bella, bona, su gustu chi si leat in cosas chi praghent meda Sinònimos e contràrios licania Frases custos campos de laore sunt una delíscia ◊ sunt totu una delíscia sos giardinos ube at flores (P.Serra)◊ sa gioventura est beranu chi abbundhat de dogni delíscia Tradutziones Frantzesu délice Ingresu delight Ispagnolu delicia, deleite Italianu delízia Tedescu Wonne.

gulíssia , nf Definitzione calecuna cosa licante, bona, de pònnere in buca po passare s'asciutore, s'apiliscadura; cosa chi praghet meda Sinònimos e contràrios licania Tradutziones Frantzesu délice, plaisir Ingresu delight Ispagnolu golosina, delicia Italianu delízia Tedescu Köstlichkeit, Wonne, Schönheit.

isciúscia , nf Sinònimos e contràrios allibbiamentu, divertera, gódiu, gosa, gosamentu, ispaju, lobru, reconsizu Frases ite bellu: inoghe est un'isciúscia! Tradutziones Frantzesu abondance, chance, plaisir Ingresu abundance, delight Ispagnolu abundancia Italianu abbondanza, cuccagna, godiménto Tedescu Überfluß.

isgloriàre , vrb Definitzione su si pigare o giare glórias, unu cuntentu, lograre su disígiu de calecuna cosa Sinònimos e contràrios delissiare, gloriai Frases chelzo torrare a s'antigu ricamu: segura ca non tenzo àteru ramu mi tia de fiores bellos isgloriare (L.Mudadu) Tradutziones Frantzesu charmer Ingresu to delight Ispagnolu deleitar Italianu deliziare Tedescu ergötzen.

licanía , nf Definitzione cosa licante, saboria meda, chi praghet Sinònimos e contràrios licaldadoria, licantzadoria, licuéntzia 2. at renuntziadu a sas licanias de un'amore e abbarrada est bajana Tradutziones Frantzesu délice Ingresu delight Ispagnolu golosina Italianu delízia Tedescu Köstlichkeit.

piachère , nm: piaghere, piagheri, plagere, plaxeri, plexeri, pragere, pragheri, prasere, praxere, praxei, praxeri, pregheri, prexei, prexere, prexeri Definitzione genia de cuntentesa chi si provat po calecuna cosa chi andhat in bonu, su pràghere, su gustu chi si pigat tastandho o faendho calecuna cosa; css. cosa de si ndhe alligrare, chi giaet cuntentu o chi si faet po giare cuntentu, po currespòndhere a su disígiu o a sa volontade de unu Sinònimos e contràrios aggradu, gosa, gustu, praximentu, zéniu / pavore | ctr. dispiachere Maneras de nàrrere csn: tènnere piaghere de una cosa = aggradèssiri una cosa; a piaghere de unu = acomenti iat a bòlliri ccn.; fàghere una cosa de piaghere meu, tou, sou e gai = ca dh'apu bófia geo, tue, issu, chentza chi dh'apat cumandhada àtere; pro piaghere = po fai prexeri, po cumpraxi; fàghere piaghere = pràxiri; fàghere unu piaghere = fai ccn. cosa po acuntentai a unu; a su piaghere tou siat! = zenia de augúriu; manigare, ríere a piaghere = itl. "di gusto", de ndi abarrai própiu cuntentus Frases apo arretziu su regalu cun pragere ◊ bieus cun pregheri chi is matas funt ponendi linna noa ◊ immoi mi fais su santu prageri e dha iscàbulas! ◊ chi est a prasere tua, sa cózua si faet ◊ no andho mancu po prexere! 2. bennie annongi po plagere! ◊ ma faghe su piaghere e fróbbidi su lorodhu! ◊ Giuanni Batista no si est incantau ni a is onoris ni a is prexeris ◊ si fit istadu a piaghere meu aia distrutu sas armas de fogu ◊ nos amus fatu una manigada de frenugu própiu a piaghere!◊ a mi lu faghides unu piaghere? ◊ me in bidha mia nisciunus prus mi fait custu prexei Sambenados e Provèrbios prb: a mali mi benit e prexeri ndi agatu Tradutziones Frantzesu plaisir, faveur Ingresu delight, favour Ispagnolu placer, favor Italianu piacére, favóre Tedescu Freude, Vergnügen, Gefallen.

recréu , nm: arrecreu, ricreu Definitzione cosa chi giaet consolu, praghet, chi faet godire, istare cuntentos Sinònimos e contràrios desogu, godimentu, gosa, ispàssiu | ctr. patimentu, patiscione Frases o Deus meu, cuntzédimi un'istante de recreu! ◊ s'abe agatat recreu in sos fiores ◊ ti ndhe ses riendhe: paret chi ndhe apas recreu! ◊ in tanta paghe sa mente assereno e mi est durche recreu sonniare ◊ cussu locu fit su recreu de sos minores ◊ issos in custu tribàgliu bi agatant recreu ca est a sa idea issoro Ètimu spn. Tradutziones Frantzesu plaisir, délassement Ingresu delight, recreation Ispagnolu recreo Italianu dilètto, piacére, ricreazióne Tedescu Vergnügen.

«« Torra a chircare