Legenda Incurtzaduras | Legenda Sìmbulos

abbagiólu , nm, nf: abbajoa 1, abbajolu Definitzione busciuca prena de abbadúgia chi si faet in sa pedhe po abbruxaduras o pistaduras (pruschetotu in tretos de pedhe delicada a fortza de dha frigare trebballandho o camminandho) Sinònimos e contràrios abbaoga, fiodha Frases a fortza de tzapitare mi est essidu s'abbajolu in sas manos Terminologia iscientìfica mld Ètimu itl. acquaiolo Tradutziones Frantzesu cloque Ingresu water bubble Ispagnolu ampolla Italianu bólla acquaiòla Tedescu Wasserblase.

aggargalài, aggargalàre , vrb Definitzione fàere una moida o sonu coment'e de abba budhindho, chi si pesat a búdhidu, chi orruet de artu in mesu de abba etotu Sinònimos e contràrios abbrubudhai, abbrufulai, acrocuai, aggorgotai, borbogliare, froculare, groggolare, gurgulliare Ètimu srd. Tradutziones Frantzesu gargouiller Ingresu to bubble Ispagnolu gorgotear Italianu gorgogliare Tedescu gurgeln.

aggorgotài , vrb: grogotai Definitzione fàere sa moida de s'abba candho proet a meda Sinònimos e contràrios abbrubudhai, abbrufulai, acrocuai, aggargalare, borbogliare, froculare, groggolare Tradutziones Frantzesu gargouiller, tomber à verse, gronder Ingresu to bubble, to pelt Ispagnolu caer fragorosamente la lluvia Italianu scrosciare Tedescu rauschen.

babballúca , nf: bambaloca, bombulita, bubbalica Definitzione bubburuca o luna de sabone, ma fintzes bubburuca de freadura o iscardidura Sinònimos e contràrios bubbugiuca, bumbuglione 2. trabballendi custa cosa ti essint is babballucas coment'e bocioedhas in sa manu Ètimu srd. Tradutziones Frantzesu bulle de savon Ingresu little soap bubble Ispagnolu burbuja de jabón Italianu bollicina di sapóne Tedescu Seifenblase.

babbullíca, babbullísca , nf: bubbulica, bubbullica, bubbuluca, bumbullica Definitzione genia de bubburuca de unu velighedhu de abba prenu de ària Sinònimos e contràrios bobbollonca, bollonca, brubbulluga, burbuida Frases de su fundu de su mari si pesat una trumma de babbullicas ◊ su mustu budhinne faet sas babbullicas Ètimu srd. Tradutziones Frantzesu bulle Ingresu little bubble Ispagnolu burbuja Italianu bollicina Tedescu Bläschen.

bobbollònca , nf: bubbullonca Definitzione pigighedhu de pedhe chi si artzat e ufrat coment'e busciuca e si prenat de abbadúgia po abbruxadura, frigadura o àteru; genia de bocighedhas chi si faent sulandho in s'abba cun sabone Sinònimos e contràrios bòbbora, bollonca, bubbulica, buciuca, fiodha, ilfiodha, impudha, vuvudha Frases si li est fata sa carre a bobbolloncas ca che li est ruta s'abba iscota iscota a subra Tradutziones Frantzesu cloque, bulle, ampoule Ingresu bubble Ispagnolu ampolla Italianu bólla, gallòzzola Tedescu Blase.

bubbulíca , nf: bubbuluca Definitzione genia de ufradura chi si prenat de abbadúgia; logu totu abba de comente at própiu Sinònimos e contràrios bobbollonca, bollonca, bubburuca, buciuca, fiodha, ilfiodha / abbadinu Terminologia iscientìfica mld Ètimu srd. Tradutziones Frantzesu pustule, cloque, bulle, ampoule Ingresu pustule, bubble Ispagnolu pústula Italianu pùstola, bólla Tedescu Pustel, Blase.

bumbúlla , nf Definitzione ispétzia de grobbuledhu chi faet s'abba candho proet o candho budhit in sa pingiada; buciuchedha chi faet sa pigota o un'abbruxadura / pesai sa b.; bumbulledha prena de àcua; b. de àcua cun saboni Sinònimos e contràrios bobbollonca, bollonca, bubbulica, buciuca, bulluca, burbudha, ilfiodha Frases sa pigota fait bumbullas ◊ is bumbullas dhas fait su pani chi no est bèni axedau Ètimu srd. Tradutziones Frantzesu cloque, bulle, ampoule Ingresu small blister, bubble Ispagnolu burbuja Italianu bólla, vescichétta Tedescu Blase.

lunitèdha , nf Definitzione min. de luna, nau de bubburuchedha de ària chi si faet in s'abba Sinònimos e contràrios burbuida Frases dae fundhu de sa funtana si fint pesadas tantas lunitedhas, sighíndhesi a tenea e creschindhe de númeru e mannària Tradutziones Frantzesu petite bulle Ingresu little bubble Ispagnolu gorgorita Italianu bollicina Tedescu Bläschen.

«« Torra a chircare