Ditzionàriu in línia
de sa limba e de sa cultura sarda

bobbollònca , nf: bubbullonca Definitzione pigighedhu de pedhe chi si artzat e ufrat coment'e busciuca e si prenat de abbadúgia po abbruxadura, frigadura o àteru; genia de bocighedhas chi si faent sulandho in s'abba cun sabone Sinònimos e contràrios bòbbora, bollonca, bubbulica, buciuca, fiodha, ilfiodha, impudha, vuvudha Frases si li est fata sa carre a bobbolloncas ca che li est ruta s'abba iscota iscota a subra Tradutziones Frantzesu cloque, bulle, ampoule Ingresu bubble Ispagnolu ampolla Italianu bólla, gallòzzola Tedescu Blase.

bollònca , nf: buglianca, bullanca, bullonca, bulluca Definitzione busciuca o bubburuca de abbruxadura, de sabone, de abba, de salia; fintzes fruschedha, gurone Sinònimos e contràrios bobbollonca, bubbulica, bubburuca, buciuca, bodhonca, fiodha, ilfiodha, impudha / babballuca Frases in manu zuchiat una bollonca chi si at fatu fachendhe unu zirante ◊ est cun sas ancas prenas de bolloncas ca nch'est colau in mesu de s'urtiga ◊ rimédios e ispannos sanant dogni bullanca ◊ is bullucas s'isciopant 2. sas leadas in giru chi mi as fatu sunt bullancas de sabone! ◊ su pisci est annadendi fadendi bullucas in sa bratzita ◊ sighit cun is ogus su fui fui de bulluchedhas de saboni Ètimu srd. Tradutziones Frantzesu cloque, bulle, ampoule, vésicule Ingresu small blister Ispagnolu burbuja, ampolla Italianu bólla, vescichétta Tedescu Blase.

bossíca , nf: buscica, busica, bussica, bússica Definitzione arremu, una genia de fodhe, bubburuca o sachitu ue, in sa carena, si arregollet e arrimat unu pagu calecuna sustàntzia chi sèberat calecun'àteru arremu (es. su fele, s'orina, su sèmene chi produint is butones de su mascu o de s'ómine); genia de ufradura ue si arregollet abbadúgia / su nodu de sa b. = su cundhutu ue ndh'essit sa cosa Sinònimos e contràrios buciuca, pisica / bobbollonca, bubbulica, bulluca, bumbulla Frases giughet sos pes biaitos, unfrados che bossicas (Z.A.Cappai)◊ l'ant operadu a sa busica ca nachi bi zughiat predas ◊ sa busica de su porcu la sulant e poi la prenant de ozu porchinu 2. sos de s'Altu ant detzisu chi pro rezer sa nassione totu devimus sulare buscichedhas de sabone… (Z.Zazzu) Terminologia iscientìfica crn Tradutziones Frantzesu vessie Ingresu vesica Ispagnolu vejiga Italianu vescica Tedescu Blase, Vesica.

bubbulíca , nf: bubbuluca Definitzione genia de ufradura chi si prenat de abbadúgia; logu totu abba de comente at própiu Sinònimos e contràrios bobbollonca, bollonca, bubburuca, buciuca, fiodha, ilfiodha / abbadinu Terminologia iscientìfica mld Ètimu srd. Tradutziones Frantzesu pustule, cloque, bulle, ampoule Ingresu pustule, bubble Ispagnolu pústula Italianu pùstola, bólla Tedescu Pustel, Blase.

buciúca , nf: busciuca, busuca Definitzione genia de fodhe, arremu inue, in sa carena, si arregollet s'orina chi is errigos sèberant de su sàmbene, su fele de su figau, o àteru; genia de ufradura ue si arregollet abbadúgia / erba de buciucas, o de busucas = senabburda (Colutea arborescens) Sinònimos e contràrios bossica, piscica, pisciuca / bobbollonca, bollonca, bubbulica, bulluca, bumbulla, fiodha, ilfiodha / babballuca / ambesuca Frases sa buciuca de su feli, sa buciuca de is piscis 2. est ufradu che busuca ◊ si tzacat duos pódhiches a buca e ufrandhe che busuca sos càvanos, iscapat a fruschiare Terminologia iscientìfica crn Tradutziones Frantzesu vessie Ingresu bladder Ispagnolu vejiga Italianu vescica Tedescu Blase, Vesica.

bumbúlla , nf Definitzione ispétzia de grobbuledhu chi faet s'abba candho proet o candho budhit in sa pingiada; buciuchedha chi faet sa pigota o un'abbruxadura / pesai sa b.; bumbulledha prena de àcua; b. de àcua cun saboni Sinònimos e contràrios bobbollonca, bollonca, bubbulica, buciuca, bulluca, burbudha, ilfiodha Frases sa pigota fait bumbullas ◊ is bumbullas dhas fait su pani chi no est bèni axedau Ètimu srd. Tradutziones Frantzesu cloque, bulle, ampoule Ingresu small blister, bubble Ispagnolu burbuja Italianu bólla, vescichétta Tedescu Blase.

fiòdha , nf: friodha Definitzione buscichedha o bubburuca chi si faet in sa pedhe prena de abbadúgia Sinònimos e contràrios bobbollonca, bollonca, bubbulica, buciuca, bulluca, ilfiodha, isciota Tradutziones Frantzesu cloque, bulle, ampoule Ingresu blister Ispagnolu ampolla Italianu bólla acquaiòla Tedescu Blase.

ilfiòdha , nf: infiodha, isfiodha, isfiodhe Definitzione genia de busciuca chi si ndhe artzat in sa pedhe, prena de abbadúgia, po abbruxadura o maladia Sinònimos e contràrios bobbollonca, bollonca, bubbulica, buciuca, bulluca, bumbulla / fiodha, freadura, ingheta, iscardidura, isciota, piticada Tradutziones Frantzesu cloque, ampoule, bulle, vésicule Ingresu blister Ispagnolu ampolla Italianu bólla da ustióne, flittèna Tedescu Blase.

varvaríssia , nf Definitzione genia de birilla chi faet su crecu (est una maladia po puntura de bobboi) Sinònimos e contràrios bachica, badharola, cocoredha, cucurudhú, dhàdhara Tradutziones Frantzesu galle Ingresu gall Ispagnolu agalla Italianu galla Tedescu Blase.