bollònca , nf: buglianca, bullanca, bullonca, bulluca Definitzione busciuca o bubburuca de abbruxadura, de sabone, de abba, de salia; fintzes fruschedha, gurone Sinònimos e contràrios bobbollonca, bubbulica, bubburuca, buciuca, bodhonca, fiodha, ilfiodha, impudha / babballuca Frases in manu zuchiat una bollonca chi si at fatu fachendhe unu zirante ◊ est cun sas ancas prenas de bolloncas ca nch'est colau in mesu de s'urtiga ◊ rimédios e ispannos sanant dogni bullanca ◊ is bullucas s'isciopant 2. sas leadas in giru chi mi as fatu sunt bullancas de sabone! ◊ su pisci est annadendi fadendi bullucas in sa bratzita ◊ sighit cun is ogus su fui fui de bulluchedhas de saboni Ètimu srd. Tradutziones Frantzesu cloque, bulle, ampoule, vésicule Ingresu small blister Ispagnolu burbuja, ampolla Italianu bólla, vescichétta Tedescu Blase.

fèbi , nm: fei, fele, feli Definitzione genia de busciuchedha chi portat su figau e arregollet una sustàntzia birde, de matessi númene, chi si faet in su figau e serbit in is istentinas a digirire su grassu: si leat coment'e assimbígiu po totu is sabores marigosos; in cobertantza, arrennegu, tzacu chi si provat po calecuna cosa, marigosa o belle e pagu praghillosa che a su fele etotu; capacidade de su cristianu de sentire dispraxere e arrennegu po calecuna cosa trota, chi andhat male Sinònimos e contràrios afuta, arrennegu, bischiza, bústica, búzara, cardedha, crocone, ele, felone, gormone, grema, malusàmbene, stacu, studugu Maneras de nàrrere csn: fele giagadu = fele cazadu, malu a essire (fintzas zenia de maladia chi cazat su fele); tragare fele, carriai su feli = ingullire fele, pigàrendhe fele, leàresi arrennegu, cherpu; pònnere, dare, fàghere f. = fai cherpu; èssere cun su f. in pitu ’e dentes = male arrennegadu; rànchidu che f. = marigosu meda Frases acontzendhe un'animale, candho s'irmatat, su fele est sa prima cosa de ndhe catzare e frundhire 2. de su fele de su sero làssandhe a su manzanu! ◊ su sennori, grogànciu de bisura, de su feli si fiat furriau birdi ◊ candu dhi est passau su feli si est crocau ◊ a la bídere goi frundhida, sa cosa, mi ndhe pigat unu fele!…◊ de su fei ti ndi cabat sa boada a us'e cani arrabiau! ◊ est totu in debbadas a ti leare fele! ◊ in certus momentus mi benit de sèi a mi ndi pigai fei! Sambenados e Provèrbios smb: Fei, Fele / prb: chie no at fele no at conca Terminologia iscientìfica crn Ètimu ltn. fel Tradutziones Frantzesu vésicule biliaire, fiel Ingresu gall (bladder) Ispagnolu vesícula biliar, hiel Italianu cistifèllea, fièle Tedescu Gallenblase, Galle.

ilfiòdha , nf: infiodha, isfiodha, isfiodhe Definitzione genia de busciuca chi si ndhe artzat in sa pedhe, prena de abbadúgia, po abbruxadura o maladia Sinònimos e contràrios bobbollonca, bollonca, bubbulica, buciuca, bulluca, bumbulla / fiodha, freadura, ingheta, iscardidura, isciota, piticada Tradutziones Frantzesu cloque, ampoule, bulle, vésicule Ingresu blister Ispagnolu ampolla Italianu bólla da ustióne, flittèna Tedescu Blase.

«« Torra a chircare