Legenda Incurtzaduras | Legenda Sìmbulos

bollònca , nf: buglianca, bullanca, bullonca, bulluca Definitzione busciuca o bubburuca de abbruxadura, de sabone, de abba, de salia; fintzes fruschedha, gurone Sinònimos e contràrios bobbollonca, bubbulica, bubburuca, buciuca, bodhonca, fiodha, ilfiodha, impudha / babballuca Frases in manu zuchiat una bollonca chi si at fatu fachendhe unu zirante ◊ est cun sas ancas prenas de bolloncas ca nch'est colau in mesu de s'urtiga ◊ rimédios e ispannos sanant dogni bullanca ◊ is bullucas s'isciopant 2. sas leadas in giru chi mi as fatu sunt bullancas de sabone! ◊ su pisci est annadendi fadendi bullucas in sa bratzita ◊ sighit cun is ogus su fui fui de bulluchedhas de saboni Ètimu srd. Tradutziones Frantzesu cloque, bulle, ampoule, vésicule Ingresu small blister Ispagnolu burbuja, ampolla Italianu bólla, vescichétta Tedescu Blase.

bumbúlla , nf Definitzione ispétzia de grobbuledhu chi faet s'abba candho proet o candho budhit in sa pingiada; buciuchedha chi faet sa pigota o un'abbruxadura / pesai sa b.; bumbulledha prena de àcua; b. de àcua cun saboni Sinònimos e contràrios bobbollonca, bollonca, bubbulica, buciuca, bulluca, burbudha, ilfiodha Frases sa pigota fait bumbullas ◊ is bumbullas dhas fait su pani chi no est bèni axedau Ètimu srd. Tradutziones Frantzesu cloque, bulle, ampoule Ingresu small blister, bubble Ispagnolu burbuja Italianu bólla, vescichétta Tedescu Blase.

fiòdha , nf: friodha Definitzione buscichedha o bubburuca chi si faet in sa pedhe prena de abbadúgia Sinònimos e contràrios bobbollonca, bollonca, bubbulica, buciuca, bulluca, ilfiodha, isciota Tradutziones Frantzesu cloque, bulle, ampoule Ingresu blister Ispagnolu ampolla Italianu bólla acquaiòla Tedescu Blase.

gàdhara , nf: àdhara, gàdhera, gràdhara, gràdhera, gràdhula Definitzione genia de birilla chi faet su crecu (est una maladia po puntura de bobboi); ladamíngiu intostau atacau a su pilu de is animales; su frutu a pibionedhos chi faet su modhitzi / gàdhara de sóriche = ledaminedhu de sórighes Sinònimos e contràrios bachica, badharola, cocoredha, cucurudhú, dhàdhara, varvaríssia / cadhajoni, ladhagione, làdhara / lentíschinu Frases mi paret de l'èssere biendhe, su pitzinnu, currillandhe ifatu de sas gràdheras de chercu ◊ amus chircau sas gràdheras de Sant'Àgada pro fàchere sessare sas tempestas 2. fachiat su cabadhu isculivitàndhesi e currendhe chin sos sonazos a gràdhara ligaos a trucu Ètimu ltn. gallula, *glallula Tradutziones Frantzesu galle, petite galle Ingresu gall, blister Ispagnolu agalla Italianu galla, gallòzzola Tedescu Galle.

ilfiòdha , nf: infiodha, isfiodha, isfiodhe Definitzione genia de busciuca chi si ndhe artzat in sa pedhe, prena de abbadúgia, po abbruxadura o maladia Sinònimos e contràrios bobbollonca, bollonca, bubbulica, buciuca, bulluca, bumbulla / fiodha, freadura, ingheta, iscardidura, isciota, piticada Tradutziones Frantzesu cloque, ampoule, bulle, vésicule Ingresu blister Ispagnolu ampolla Italianu bólla da ustióne, flittèna Tedescu Blase.

lauguadhínu , nm Definitzione erba sardónia o àpiu burdu de arriu o fenugu de àcua, genia de erba mala chi assimbígiat a s'àpiu areste ma chi faet mòrrere animales e gente Sinònimos e contràrios apiuareste, apiubburdu 1, lauadhini, pàrdinu, turgusone 1 Terminologia iscientìfica rba, Oenanthe crocata Ètimu srd. Tradutziones Frantzesu renoncule de Sardaigne Ingresu blister buttercup Ispagnolu nabo del diablo Italianu èrba sardònica Tedescu Wasserfenchel (giftig).

«« Torra a chircare