Ditzionàriu in línia
de sa limba e de sa cultura sarda

arramanàju , nm: arramenàrgiu, arramenarzu, arraminaju, arraminarzu, arremonaju, arromanaju, arromanàrgiu, arromonaju, ramanaju Definitzione maistu chi faet o acònciat cadhàrgios e àteru istrégiu de arràmene Sinònimos e contràrios aconcialabiolus, aconcimu, arrameneri, cadhaxaju, cardareri, ramanagiolu Frases apu biu fadendu unu cardaxu e aintru ci fiant trinta arramanajus…◊ s'arromanàrgiu passat po arregòlliri gliescas, arrogalla de brunzu de torrai a iscallai ◊ Ísili est sa bidha de is arremonajus Terminologia iscientìfica prf Ètimu srd. Tradutziones Frantzesu chaudronnier Ingresu copper smith Ispagnolu calderero Italianu ramàio Tedescu Kupferschmied.

arramenadúra , nf: arraminadura Definitzione su si arramenare Sinònimos e contràrios arramenonzu Ètimu srd. Tradutziones Frantzesu oxydation du cuivre Ingresu copper oxidation Ispagnolu oxidación del cobre Italianu ossidazióne del rame Tedescu Oxydation des Kupfers.

arràmene , nm: arràmini, ràmene 1 Definitzione (a/c. no tenet pl.) genia de metallu, orrubiastu, elementu chímicu de símbulu Cu, númeru atómicu 29, pesu atómicu 63,57, manigiau meda po filu elétricu; istrégiu de arràmene / arrecoi s'arràmini = ingrujare su ràmine Sinònimos e contràrios cdh. ramu Frases s'iscussórgiu fiat in d-una pingiada de arràmini bèni sidhada Sambenados e Provèrbios smb: Aramini Terminologia iscientìfica mtl Ètimu ltn. aeramen, *aramen Tradutziones Frantzesu cuivre Ingresu copper Ispagnolu cobre Italianu rame Tedescu Kupfer.

insolfatàre , vrb Definitzione meighinare sa bide a solfatu Sinònimos e contràrios surfatai Tradutziones Frantzesu sulfater le vignes Ingresu to copper Ispagnolu aplicar el cobre Italianu ramare Tedescu bespritzen mit Kupfervitriol.

labiòla , nf, nm: labiolu, lapiolu Definitzione genia de istrégiu mannu de arràmene, largu, cun su fundhu unu pagu acociarau, a costaos artos e cun duas asas de ferru po dhu pòdere pigare prenu in duos, impreau prus che àteru po budhire cosa meda, còere papare o àteru, po caentare su late de fàere a casu / min. labioledhu, lampioledhu; pròghere a lapiolos = aira, a meda Sinònimos e contràrios cadhàrgiu, labia, labiedhu, lantzone, nabiolu Frases su chi est labia est labiolu ◊ sos lapiolos fummiandhe inditant intas a largu ca incue in su riu bei sunt sas lavadoras Ètimu srd. Tradutziones Frantzesu chaudière Ingresu copper Ispagnolu caldera de cobre Italianu caldàia Tedescu Kessel.

ràmene 1 , nm: arràmene*, ràmine 1, ràmini Definitzione (a/c. no tenet pl.) genia de metallu orrubiastu, elementu chímicu de símbulu Cu, númeru atómicu 29, pesu atómicu 63,57: lassat passare bene meda s'elétricu e po cussu dh'impreant po fàere filos de currente; istrégiu de arràmene Frases teniat padedhas, cassarolas e frissiolos de ràmine ◊ cussu tenet monedas de prata, de brunzu e de ràmine 2. in cuchina bi teniat su ràmene apicau: sartàghinas, lapioledhos e àteru Terminologia iscientìfica mtl Tradutziones Frantzesu cuivre Ingresu copper Ispagnolu cobre Italianu rame Tedescu Kupfer.