Ditzionàriu in línia
de sa limba e de sa cultura sarda

arragatzàu , agt: arregatzau Definitzione chi foedhat a boghe grussa, sorrogada, ca est leau a su gúturu o a is bruncos Sinònimos e contràrios aggargastatu, arragau, arroghidu, sarragau Frases is piciochedhus fiaus arregatzaus a fortza de itzerriai Ètimu srd. Tradutziones Frantzesu enroué Ingresu hoarse Ispagnolu ronco Italianu ràuco Tedescu heiser.

arroghídu , agt: arruchidu, arrughidu, arrughitu Definitzione chi portat sa boghe iscannia, sorrogau, chi at pérdiu sa boghe Sinònimos e contràrios aggargastatu, arragatzau, arragau, sarragau / scanniu Frases si est intesu unu tichírriu arroghidu ◊ su preigadore est arrughidu a fortza de faedhare ◊ oe custu puzone si est cagliadu: in sa bula arruchidu est de piantu 2. tocos nobales de arruchidas campanas allejant solu pro pacu làgrimas e isperas Ètimu srd. Tradutziones Frantzesu aphone Ingresu hoarse Ispagnolu ronco, afónico Italianu àfono Tedescu aphonisch.

irgargàre, irgarghiàre , vrb rfl Definitzione istare a irgargos, a boghes Sinònimos e contràrios igrogoenai, isarguenare, sguturai Ètimu srd. Tradutziones Frantzesu s'égosiller Ingresu to shout oneself hoarse Ispagnolu desgañitarse Italianu sgolarsi Tedescu sich die Lunge ausschreien.

irgàrgu , nm Definitzione su irgargare; tzérriu mannu, boghe arta; su cantare de is pigiones, una manera de cantare Sinònimos e contràrios boche, grida, ingargu, istrígulu / gorgheu Frases fit a irgargos de cuntentesa ◊ sas crapas ghirandhe a cubile cumintzabant a miliare e sos crapitos cumintzabant a irgargos sichios, pro sa gana ◊ s'intendhiant sos irgargos de sos festaresos 2. cussu est un'irgargu de pica Tradutziones Frantzesu action de s'égosiller, roulade, ramage Ingresu shouting oneself hoarse, trill Ispagnolu chillido, gorjeo Italianu sgolaménto, gorghéggio Tedescu Geschrei, Triller.

isarguenàre , vrb: isgrogoenai, isogroenare, isorgoenare, sgraguenai Definitzione agiummai coment'e pèrdere s'ogroena tzerriandho: tzerriare meda e a forte, tropu; fintzes púnghere a is cannas de su gúturu Sinònimos e contràrios iggannai, igrogoenai, irborgoenare, irgargare, sguturai / sprumonai Frases si est postu a cantare a s'isogroenare! ◊ deo isarguenèndhemi a boghes e isse chentza m'intèndhere! 2. pigant s'arresorza e dh'isorgoenant: a ite puntu arribbat s'ómine!… Ètimu srd. Tradutziones Frantzesu s'égosiller Ingresu to shout oneself hoarse Ispagnolu desgañitarse Italianu sgolarsi Tedescu sich die Lunge ausschreien.

isarrogài, isarrogàre , vrb Definitzione fàere a sorrogu a su gúturu Sinònimos e contràrios arragai, arrughire, inserregare, sarracrare Frases isarrogadas túnciant suspirendhe ◊ acirrant a cantai isarroghendisí Tradutziones Frantzesu être enroué Ingresu to have a hoarse voice, to get hoarse Ispagnolu enronquecer Italianu far ràuco, avére raucèdine Tedescu eine heise Stimme haben.

sarracràre , vrb: assorrocare, sarragai, sarragare, sarragiare, serragare, serregai, serrocare, sorrocare, sorrocrare, sorrogai, sorrogare, sorroxare, surragare Definitzione fàere sa boghe iscannia, grussa, pèrdere sa boghe; fàere una genia de moida, de sonu in s’ogroena e in buca torrandho àlidu candho unu est dormiu Sinònimos e contràrios arragai, arrughire, asserraxare, assorrogare, inserregare, isarrogai / arroncai, corroschiare, cosconare, currungiai, farroscai, roschidare, sarrascare, surrusare Frases ant cantadu fintzas a si ndhe sarragare ◊ chentza boche, sorrocraos, sichiant a bochinare 2. coment'e unu portzedhu sorroganno, gai est su tonu de sa boghe tua! Ètimu ltn. *subraucare Tradutziones Frantzesu enrouer, ronfler Ingresu to be hoarse, to snore Ispagnolu ronquear, roncar Italianu fare ràuco, èssere ràuco, russare Tedescu heiser sein, schnarchen.

sarragàu , pps, agt: asserragadu, serragadu, serragiadu, serregau, serrogau, sorrescradu, sorrocrau, sorrogau Definitzione de sarragai; chi portat boghe iscannia, grussa, po male a su gúturu Sinònimos e contràrios aggargastatu, arragatzau, arragau, arroghidu, assorrocatu, inserregau, isarrogau 2. mancu ca est sarragau citit: ganixedha de fuedhai!…◊ atacant a sa murra cun boghe sorrescrada Tradutziones Frantzesu enroué Ingresu hoarse Ispagnolu ronco Italianu ràuco Tedescu heiser.

sarraxàre , vrb: asserraxare, serraxare Sinònimos e contràrios arragai, arrughire, isarrogai, sarracrare* Tradutziones Frantzesu râler, être enroué Ingresu to gasp, to be hoarse Ispagnolu ronquear Italianu rantolare, èsser ràuco Tedescu röcheln, heiser sein.