Ditzionàriu in línia
de sa limba e de sa cultura sarda

càrria , nf: gàrriga Definitzione sa cosa, su pesu chi si leat o chi si ponet a unu, a un'animale, a unu mezu po che dhu carrare; cumandhu o impreu chi unu si pigat o chi dhi giaent a fàere; neghe po calecunu dannu; sa cosa chi si ponet a un'arma po isparare o fintzes fàere fortza, energia Sinònimos e contràrios bàrriu / cundenna, curpa / incàrriga Frases est torrendi cun d-una càrria tropu mala a portai ◊ su Deus onnipotente a dognunu chi vivet at donadu una càrriga de vida (S.Baldino) 2. àtaras càrrigas políticas no nd'iat bófiu 3. custu dannu est totu a càrrigu tou Ètimu srd. Tradutziones Frantzesu charge Ingresu load Ispagnolu carga Italianu càrico Tedescu Ladung.

carriài , vrb: carriare, carricare, carridare, carrigai, carrigare, garriare Definitzione pònnere sa cosa o su càrrigu, su pesu, in pitzu de su mezu o de chie dhu depet portare; betare is manos a pitzu, lòmpere a ccn. o a calecuna cosa cun idea de fàere male o fintzes trebballare; si narat fintzes de is sonnos malos chi benint a unu dormiu Sinònimos e contràrios achidire, acodie, barriare / carrabbugliai, crazugai | ctr. irbarriare, scarrigai Maneras de nàrrere csn: carrigaisí s'istògumu = manigare tropu; carrigaisí apitzus = imbarrigaresiche subra; carrigai unu colori = fàgherelu prus cotu; mi ant carrigadu = mi apo bidu unu sonnu malu, mi est bénnidu s'ammuntadore Frases in d-una noti de austu iat biu genti e genti in cadenas, óminis e féminas, carriendu che bestiàmini 2. sa genti est carrighendi: totus a una stupada ant fatu! ◊ bai a pigai su craboni prima de carrigai sa genti! 3. dh'at carriau su cani, su malloru, su sonnu, su fàmini, sa callentura Ètimu ltn. carricare Tradutziones Frantzesu charger Ingresu to load Ispagnolu cargar Italianu caricare Tedescu laden.

incàrriga , nf, nm: incàrrigu, ingàrriga, ingàrrigu, ingàrriu Definitzione pesu chi si ponet in pitzu de ccn. o de unu mezu, ma mescamente faina, cumandhu o impreu chi si giaet a fàere a ccn. / fàghere a ingàrriu = a trivas de pari, a bínchidas Sinònimos e contràrios càrria Frases fusteti tenit s'incàrriga de ispiegai is leis a sa genti ◊ issu dhi at zau s'incàrriga de presidente ◊ àteras incàrrigas no ndhe tenzo Ètimu itl. Tradutziones Frantzesu charge Ingresu assignement, job, load Ispagnolu encargo, tarea Italianu incàrico, mansióne Tedescu Auftrag.

incarrigài, incarrigàre , vrb: ingarrigare Definitzione pònnere unu pesu in pitzu de calecuna cosa, ma mescamente giare a fàere a ccn. una faina, una miscione, un'impreu; rfl., su s'imbarare o acotzare a calecuna cosa, ponendhosi coment'e in pitzu, a pesu, faendho càrrigu Frases resteint cuntentos de s'òpera sua, a comintzare dae chie bi l'aiat ingarrigada Ètimu itl. Tradutziones Frantzesu charger Ingresu to load, to charge Ispagnolu encargar Italianu incaricare, commissionare Tedescu beauftragen.