Ditzionàriu in línia
de sa limba e de sa cultura sarda

atzóchiu , nm Definitzione su lòmpere, atacare o intrare de mala manera, cun fortza, a unu logu, a calecuna cosa, prus che àteru po fàere male Sinònimos e contràrios atzochiada Ètimu srd. Tradutziones Frantzesu irruption Ingresu raid, irruption Ispagnolu irrupción Italianu irruzióne Tedescu Einbruch.

bardàna , nf: vardana Definitzione fura manna fata in medas, mescamente in s'antigóriu; chedha de furones; fintzes sonàgias pitichedhas chi si ponent coment'e collana a is cuadhos prus che àteru in festa Sinònimos e contràrios aciapa, arrelantzu, fura, furtu, ladratzonia, ladroneria, sdorrobbatóriu 2. no bi at ànima in ziru: colat petzi una bardana ordiminzandhe disacatos Terminologia iscientìfica sntz Ètimu itl. gualdana Tradutziones Frantzesu razzia Ingresu raid Ispagnolu correría, razia Italianu razzía Tedescu Raubzug.

lómpia, lómpida , nf Definitzione su lòmpere, su arribbare, acostia chi si faet cun lestresa a unu logu; acollada, afracada chi si giàt a unu o a una cosa de mala manera Sinònimos e contràrios drémpita / acostada, arribbada, assuprida, giómpida / acirrada, acollada, afracada, colpu Frases fato una lómpida a campu a bídere su laore ◊ fato una lómpida a domo a bídere ite sunt faghindhe sos pitzinnos ◊ mira ca soi fendi sa lómpia agantu de Luiginu, po intendi si cras movit a Castedhu ◊ s'imbriagu, sa lómpida a domu murrúngius e certus! 2. li faghet una lómpida… bi ndhe aiat pro isse e pro àtere, a corpos de fuste! ◊ arratza de lómpida chi l'azis fatu a su casu fatu… azummai no bi ndhe aizis lassadu! Ètimu srd. Tradutziones Frantzesu arrivée, assaut, attaque Ingresu arrival, finish, assault, raid Ispagnolu llegada, asalto Italianu arrivo, assalto, incursióne Tedescu Ankunft, Angriff.