Legenda Incurtzaduras | Legenda Sìmbulos

arríu , nm: erriu, irriu, ribu* Definitzione camba de abba chi si arregollet in badhigos e badhes mannas e curret totu impare de is montes a bàsciu, a un'àteru erriu prus mannu e a su mare / min. arriixedhu Sinònimos e contràrios arrinu, fiúmene, traghinu Maneras de nàrrere csn: bènniri s'a. = falare, prenàresi de abba meda; a. calau = riu essidu, prenu prenu de abba de comente at próidu meda; a. mortu = sicu, sciutu, chi no bi curret abba; piscai in s'a. = triballare pro nudha; a. mudu (nadu de unu) = fartzu, unu chi no faedhat ma chi faghet comente s'àteru no s'ispetat; furriari s'a. = iscassiare s'abba de su riu pro abbare ortos Frases arriu bell'arriu, lassaminci passai! ◊ s'arriu fut beniu in coma de matas, pruendi prus de otu diis ◊ dhu'iat tres arrius Sambenados e Provèrbios smb: Arriu, Arrius / prb: arriu chi currit non pudescit ◊ arriu mudu tragadori Terminologia iscientìfica slg Tradutziones Frantzesu fleuve, torrent Ingresu river Ispagnolu río Italianu fiume, torrènte Tedescu Fluß, Sturzbach.

búrgu , nm Definitzione fossu mannu e cofudu prenu de abba, in is errios Sinònimos e contràrios corrovoni, foxone, gurgu 1, pógiu / cdh. tisina Frases su rivu in mesu de sas rocas format metas burgos, pojos e pischinas ◊ burgos de abbas límpias càmbiant in pischinas mortas Ètimu ltn. gurgus Tradutziones Frantzesu point le plus profond (d'un fleuve) Ingresu river ditch Ispagnolu hondonada Italianu tónfano Tedescu Tiefe im Fluß.

fiúmene , nm: flúmini, frúmene, frumi, frúmine, frúmini, frúmmene, frummi, frúmmini Definitzione camba de abba chi si arregollet e curret totu impare calandho de is montes a su mare o fintzes de un’erriu a s'àteru Sinònimos e contràrios arriu, grúmene Maneras de nàrrere csn: f. calau = riu essidu, prenu prenu de abba de comente at próidu meda; unu frúmene de gente = portessione manna, zente meda totu paris andhendhe Frases is frúminis si fuant betius e is bentus si nci fuant infrusaus contras de cussa domu ◊ est traessendhe unu frúmene trubbadu ◊ Turcus e Morus, che frumi calau, a cuadhu si ghetant, a isproni cracau! ◊ filla mia est a frúmini isciacuendi ◊ cussa costa calat a frúmmene Sambenados e Provèrbios smb: Fiumene, Flumene, Flumini Terminologia iscientìfica slg Ètimu ltn. flumen Tradutziones Frantzesu fleuve Ingresu river Ispagnolu río Italianu fiume Tedescu Fluß.

fluminàda , nf: fruminada Definitzione undha manna de abba chi calat in is errios bogaos Sinònimos e contràrios frumenarja Frases sa filatrota est s'anguidha chi sa fluminada portat a su stàinu e a mari 2. lassa iscúrriri immoi sa fruminada de is arregordus! Ètimu srd. Tradutziones Frantzesu courant Ingresu swollen river Ispagnolu riada Italianu fiumana Tedescu Flut.

pógiu , nm, nf: poja 1, poju, pou, poxu, poza, pozu Definitzione fossu prenu de abba mescamente in errios mannos (ma fintzes fossu ebbia); genia de bartza tundha, fraigada a muru, in su sartu Sinònimos e contràrios bàtiga, cadhaja, corrovoni, fògia 1, foxone, gurgu 1, trógliu Maneras de nàrrere csn: una poja de ludu = fossu prenu de ludu; pozu de sàmbene = lacuina, lotzina de sànguini chi at pérdiu ccn. Frases sa rana istat cracagliendhe intro de sos pojos ◊ si no ischis nadare, no ti abburres in sos pògios fundhucos! ◊ de tretu in tretu su pastore at fatu sos pojos pro abbare sa robba ◊ l’avio zirau e istrampau in su ludu de una poza, gherrandhe a istrumpa 2. in s'ortu bi amus fatu su poju pro collire s'abba 3. custu est fintzas tempus de oro pro chie est fora de pojos de peleu Sambenados e Provèrbios smb: Poggiu Tradutziones Frantzesu point le plus profond d'un fleuve Ingresu river ditch Ispagnolu hondonada en los ríos Italianu tónfano Tedescu Kolk.

ríbu , nm: arriu, erriu, irriu, riu, rivu Definitzione camba de abba chi si arregollet e curret totu impare de is montes a su mare o fintzes a un'àteru erriu etotu / min. ribedhu, ribichedhu, riedhu, rizolu; partes de unu r.: foghe, oros, càssia o lacu (itl. àlveo), cambas Sinònimos e contràrios frúmene, traghinu Maneras de nàrrere csn: andhare riu riu = ororu de su riu, totu comente andhat su riu; riu mortu = asciutu; riu bogadu, bocau, aundhadu = calau, aici prenu chi s'àcua nci essit de su letu (nau in cobertantza, intrada manna, bundhàssia, dinai meda, o, nau de ccn., chi no dh'acabbat prus de fuedhai, chi scit a fuedhai meda, o fintzas chi no tenit passiéntzia nudha, chi no scit abetai); rivu ufratu = prenu de abba; riu falendhe = cun s'àcua currendi; riu falendhe meda = arriu prenu de àcua currendi; camba de riu = parte de unu riu o unu riu chi si distinghet de, o abbojat a, un'àteru, itl. affluènte; r. mudu = (nadu de unu) mutzigasurda, chi est mudurcu, no faedhat ma faghet totu suta e furcat puru; zúghere sa conca, o èssere che, in moida ’e rios = portai unu muntoni de pensamentus sentza de isciri ita fai Frases che est rutu a su rivu ◊ su riu che fit abbasciadu ca fit de meda chentza pròere ◊ sa múghida pariat de unu ribu bocau ◊ de cantu at próidu a meda at bogadu sos rios ◊ in bidha bi passaiat su riedhu in mesu ◊ sa mama che fit in su riu samunendhe 2. su suore li falat a rios ◊ in domo no che abbastat ne birde e ne sicu mancari che intret riu bogadu ◊ si mi est presentadu chin trassa de riu mudu trazadore ◊ cun custu sicore no ant a bídere mai riu bogadu Sambenados e Provèrbios smb: (De)riu, (E)riu, Riu / prb: riu mudu, trazadore! Terminologia iscientìfica slg Ètimu ltn. rivus Tradutziones Frantzesu fleuve Ingresu river Ispagnolu río Italianu fiume Tedescu Fluß.

«« Torra a chircare