Legenda Incurtzaduras | Legenda Sìmbulos

chelcíre , vrb: chicire, chilcire, chiscire, chitzire Definitzione betare calecuna boghe, nàrrere cosa a su piciochedhu, a un'animale, po dh'asseliare, fàere torrare agoa, po che dhu bogare; fàere asseliare, fintzes apartare, arregòllere a una parte Sinònimos e contràrios abboluire, abbruncai, assebiai, caciare, crischiare, irmurrare, irruncare, ispochiare, sbruncai / cuai, frànghere | ctr. aggussire, audire, auntzare, incidai, inciulai Frases duas pisedhutzas fint pranghendhe ma neunu las at chitzidas: las ant lassadas prànghere ◊ ischiat chiscire sos canes sentza los tocare ◊ tandho no ti apo a chicire e atzetas sedha e bríglia?! ◊ apo chiscidu su gatu ca fit in chirca de tènnere unu puzonedhu ◊ su pisedhu, candho faghet tropu botu, cheret chitzidu 2. cussa ispranzada de pane at chicidu su bentu 3. sos voes chitziant deretos a manu giusta o a manca, arreghiant o torraiant a annare a secunna de su frúschiu chi intenniant 4. candho su massaju adiat finitu de arare chitziat sas petras dae mesu de sa tanca ◊ chitzitiche dae cue!◊ faemi sa caridade de mi chitzire innoghe, ca seo perseghiu!◊ tocat a chitzire su bestiàmene po no che dhu furare is ladros o is martzanes (E.Madeddu) Ètimu srd. Tradutziones Frantzesu rabattre, faire taire qqn Ingresu to retort, to silence s.o Ispagnolu reprochar, acallar Italianu rintuzzare, far tacére Tedescu zurückschlagen, zum Schweigen bringen.

mudèsa , nf Definitzione su èssere o abbarrare totu citiu citiu, totu mudu, su no s'intèndhere nudha Sinònimos e contràrios mudéntzia, mudigore, mudímine, mútria, mutricore, mutuléntzia | ctr. abbolotu, atraghentu, biuldu, chimentu, tremutu Frases torrant a custu bàntzigu de mudesa pinturendhe de bolos sas aeras ◊ sa mudesa de sa note in sos istios e de càntaros s'amenu murrunzu no fit arcanu a sos sentidos mios (A.Porcheddu) Ètimu srd. Tradutziones Frantzesu silence, tranquillité, calme Ingresu silence Ispagnolu silencio Italianu silènzio, tranquillità Tedescu Schweigen, Ruhe.

mudigòre , nm: mudijore, mudiore, mudore, mudori, mudricore Definitzione mudesa, su no s'intèndhere perunu sonu e ne boghe, su no foedhare e ne fàere perunu sonu, su èssere totu citiu Sinònimos e contràrios mudímine, mudine, mútria, mutricore, mutrione / assébiu Frases su mudiore achirrat de repente: no s'intendhent prus chidérios de pessones, de animales (L.Loi)◊ in custas badhes su mudiore ammentat cosas nadas e ismentigadas ◊ ti tocat de faedhare a sos àteros: no tenent piaghere de su mudore tou! ◊ su mudricore de sos mortos ◊ est faladu su mudore e no s'intendhet un'ae Ètimu srd. Tradutziones Frantzesu profond silence Ingresu dead silence Ispagnolu silencio profundo Italianu profóndo silènzio Tedescu Grabesstille.

mutricòre , nm Definitzione su èssere totu mudu, su no s'intèndhere nudha, peruna cosa Sinònimos e contràrios mudigore, mudímine, mudine, mútria Ètimu srd. Tradutziones Frantzesu profond silence Ingresu dead silence Ispagnolu silencio absoluto Italianu silènzio profóndo, assoluto Tedescu Totenstille.

«« Torra a chircare